എ​ട്ടു​വ​ർ​ഷ​ത്തി​നു​ശേ​ഷം വി​നോ​ദിനെ​യും ക​ണ്ടെ​ത്തി; മ​രു​ഭൂ​മി​യി​ൽ​നി​ന്ന്

റി​യാ​ദ്: ഹൗ​സ് ഡ്രൈ​വ​ർ വി​സ​യി​ലെ​ത്തി ക​ബ​ളി​പ്പി​ക്ക​പ്പെ​ട്ട് മ​രു​ഭൂ​മി​യി​ൽ ഒ​ട്ട​ക​ങ്ങ​ൾ​ക്കൊ​പ്പ​മാ​യി ദു​രി​ത​ജീ​വി​ത​ത്തി​ലാ​യ ആ​ന്ധ്ര​പ്ര​ദേ​ശ്​ സ്വ​ദേ​ശി​ക​ളി​ൽ ര​ണ്ടാ​മ​ത്തെ​യാ​ളെ​യും ക​ണ്ടെ​ത്തി. സാ​മൂ​ഹി​ക പ്ര​വ​ർ​ത്ത​ക​രു​ടെ നി​ര​ന്ത​ര​മാ​യ പ​രി​ശ്ര​മ​ങ്ങ​ൾ വി​ജ​യം​ക​ണ്ടു. ആ​ന്ധ്ര​പ്ര​ദേ​ശി​ലെ രാ​ജാം​പെ​ട്ട് എ​ന്ന സ്ഥ​ല​ത്തു​നി​ന്ന് സൗ​ദി​യി​ലെ​ത്തി​യ​താ​യി​രു​ന്നു വി​നോ​ദ് കു​മാ​ർ. എ​ട്ടു​വ​ർ​ഷം മു​മ്പ്​ കൂ​ടെ വ​ന്ന ഭാ​ര്യാ​പി​താ​വി​നെ ദി​വ​സ​ങ്ങ​ൾ​ക്ക് മു​മ്പ്​ മ​രു​ഭൂ​മി​യി​ൽ ആ​ടു​ക​ൾ​ക്കൊ​പ്പം സാ​മൂ​ഹി​ക​പ്ര​വ​ർ​ത്ത​ക​ർ ക​ണ്ടെ​ത്തി ര​ക്ഷ​പ്പെ​ടു​ത്തു​ക​യാ​യി​രു​ന്നു. റി​യാ​ദ് വി​മാ​ന​ത്താ​വ​ള​ത്തി​ൽ ഇ​റ​ങ്ങി​യ വി​നോ​ദ് കു​മാ​റി​നെ​യും ഭാ​ര്യാ​പി​താ​വ് വെ​ങ്ക​ട്ട് ര​മ​ണ​നെ​യും സ്പോ​ൺ​സ​ർ കൊ​ണ്ടു​പോ​യ​ത് റി​യാ​ദി​ൽ​നി​ന്ന് 200 കി​ലോ​മീ​റ്റ​ർ അ​ക​ലെ​യു​ള്ള അ​ൽ​ജി​ല എ​ന്ന പ്ര​ദേ​ശ​ത്തെ മ​രു​ഭൂ​മി​ക്കു​ള്ളി​ലെ കാ​ലി​ത്തൊ​ഴു​ത്തി​ലേ​ക്കാ​യി​രു​ന്നു. ദി​വ​സ​ങ്ങ​ൾ​ക്കു​ശേ​ഷം വി​നോ​ദ് കു​മാ​റി​നെ ഒ​ട്ട​ക​ങ്ങ​ളെ പ​രി​ച​രി​ക്കാ​ൻ മ​റ്റൊ​രി​ട​ത്തേ​ക്ക് കൊ​ണ്ടു​പോ​യി. പി​ന്നെ വി​നോ​ദ് കു​മാ​റി​നെ കു​റി​ച്ച് വി​വ​ര​ങ്ങ​ൾ ഒ​ന്നും ത​ന്നെ ഇ​ല്ലാ​യി​രു​ന്നു.

എ​ത്തി​പ്പെ​ട്ട സ്ഥ​ല​മോ ഭാ​ഷ​യോ അ​റി​യാ​ത്ത വി​നോ​ദ് കു​മാ​ർ പൂ​ർ​ണ​മാ​യും മ​രു​ഭൂ​മി​ക്കു​ള്ളി​ൽ ഒ​റ്റ​പ്പെ​ട്ടു. എ​ട്ടു​വ​ർ​ഷ​മാ​യി വി​നോ​ദ് കു​മാ​ർ ജീ​വി​ച്ചി​രി​പ്പു​ണ്ടോ എ​ന്നു​പോ​ലും കു​ടും​ബ​ത്തി​ന് അ​റി​വു​ണ്ടാ​യി​ല്ല. ഇ​തി​നി​ട​യി​ൽ കു​ടും​ബം ഇ​ന്ത്യ​ൻ എം​ബ​സി​യെ വി​വ​ര​മ​റി​യി​ച്ചു. ആ​ന്ധ്ര​പ്ര​ദേ​ശ് രാ​ജാ​മ്പേ​റ്റി​ൽ​നി​ന്നു​ള്ള ലോ​ക്‌​സ​ഭ അം​ഗം പി.​വി. മി​ഥു​ൻ റെ​ഡ്‌​ഡി വി​ഷ​യ​ത്തി​ൽ ഇ​ട​പെ​ടു​ക​യും കേ​ന്ദ്ര സ​ഹ​മ​ന്ത്രി വി. ​മു​ര​ളീ​ധ​ര​നെ വി​ഷ​യം ധ​രി​പ്പി​ക്കു​ക​യു​മാ​യി​രു​ന്നു. തു​ട​ർ​ന്ന് റി​യാ​ദി​ലെ ഇ​ന്ത്യ​ൻ എം​ബ​സി വി​നോ​ദ് കു​മാ​റി​നെ ക​ണ്ടെ​ത്താ​നു​ള്ള ചു​മ​ത​ല സാ​മൂ​ഹി​ക​പ്ര​വ​ർ​ത്ത​ക​നാ​യ ഹു​സൈ​ൻ ദ​വാ​ദ്മി​യെ ഏ​ൽ​പി​ച്ചു. ദി​വ​സ​ങ്ങ​ൾ നീ​ണ്ട പ​രി​ശ്ര​മ​ങ്ങ​ൾ​ക്കൊ​ടു​വി​ൽ റി​യാ​ദി​ന്​ സ​മീ​പ​മു​ള്ള ദു​ർ​മ എ​ന്ന മ​രു​പ്ര​ദേ​ശ​ത്തു​നി​ന്ന് ക​ഴി​ഞ്ഞ​ദി​വ​സം നൂ​റോ​ളം ഒ​ട്ട​ക​ങ്ങ​ൾ​ക്കൊ​പ്പം വി​നോ​ദ് കു​മാ​റി​നെ ക​ണ്ടെ​ത്തു​ക​യാ​യി​രു​ന്നു. വ​ർ​ഷ​ങ്ങ​ളാ​യി ശ​മ്പ​ള​മോ കൃ​ത്യ​മാ​യ ഭ​ക്ഷ​ണ​മോ ല​ഭി​ച്ചി​രു​ന്നി​ല്ലെ​ന്ന്​ വി​നോ​ദ് കു​മാ​ർ പ​റ​യു​ന്നു. സാ​മൂ​ഹി​ക പ്ര​വ​ർ​ത്ത​ക​ൻ ഹു​സൈ​ൻ ദ​വാ​ദ്മി​ക്കൊ​പ്പം കെ.​എം.​സി.​സി പ്ര​വ​ർ​ത്ത​ക​നാ​യ സു​ബൈ​ർ പാ​ലാ​ഴി, സ​ക്കീ​ർ, പ്ര​വാ​സി സാം​സ്കാ​രി​ക വേ​ദി പ്ര​വ​ർ​ത്ത​ക​ൻ നി​ഹ്മ​തു​ല്ലാ​ഹ് തു​ട​ങ്ങി​യ​വ​ർ വി​നോ​ദ് കു​മാ​റി​നെ ക​ണ്ടെ​ത്തു​ന്ന​തി​ന് മു​ന്നി​ലു​ണ്ടാ​യി​രു​ന്നു.