ട്രാ​ഫി​ക് നി​യ​മ​ലം​ഘ​നം കു​രു​ക്കാ​യി; 11 വ​ർ​ഷം മ​ല​യാ​ളി​യു​ടെ നാ​ട്ടി​ലേ​ക്കു​ള്ള യാ​ത്ര മു​ട​ങ്ങി

റി​യാ​ദ്: ട്രാ​ഫി​ക് നി​യ​മ​ലം​ഘ​ന കേ​സി​ൽ​പ്പെ​ട്ട് 11 വ​ർ​ഷ​മാ​യി നാ​ട്ടി​ൽ പോ​കാ​ൻ ക​ഴി​യാ​തി​രു​ന്ന മ​ല​യാ​ളി​ക്ക് കെ.​എം.​സി.​സി തു​ണ​യാ​യി. കോ​ഴി​ക്കോ​ട് ന​ടു​വ​ണ്ണൂ​ർ സ്വ​ദേ​ശി സാ​ദി​ഖി​നാ​ണ്‌ റി​യാ​ദ് കെ.​എം.​സി.​സി കോ​ഴി​ക്കോ​ട് ജി​ല്ലാ ക​മ്മി​റ്റി വെ​ൽ​ഫെ​യ​ർ വി​ങ്​ ഇ​ട​പെ​ട​ൽ വ​ഴി നാ​ട​ണ​യാ​ൻ സാ​ധി​ച്ച​ത്. ഒ​രു പ​തി​റ്റാ​ണ്ടി​ലേ​റെ കാ​ല​ത്തെ കാ​ത്തി​രി​പ്പി​നൊ​ടു​വി​ൽ ക​ഴി​ഞ്ഞ ദി​വ​സം എ​യ​ർ ഇ​ന്ത്യ എ​ക്സ്പ്ര​സ് വി​മാ​ന​ത്തി​ൽ കോ​ഴി​ക്കോ​ടെ​ത്തി​യ സാ​ദി​ഖി​നെ സ​ന്തോ​ഷാ​ശ്രു​ക്ക​ളോ​ടെ​യാ​ണ് കു​ടും​ബം വ​ര​വേ​റ്റ​ത്.

റി​യാ​ദി​ൽ ടാ​ക്സി കാ​ർ ഓ​ടി​യി​രു​ന്ന സാ​ദി​ഖ് റെ​ന്‍റ്​ എ ​കാ​ർ ക​മ്പ​നി​യു​മാ​യു​ണ്ടാ​യ ത​ർ​ക്ക​ത്തെ തു​ട​ർ​ന്നാ​ണ്‌ നി​യ​മ​കു​രു​ക്കി​ല​ക​പ്പെ​ട്ട​ത്.

സാ​ദി​ഖ് ഓ​ടി​ച്ചി​രു​ന്ന റെ​ന്‍റ് എ ​കാ​ർ തി​രി​ച്ചു​കൊ​ടു​ത്തി​ട്ടും നി​യ​മ​പ​ര​മാ​യി അ​ദ്ദേ​ഹ​ത്തി​​ന്‍റെ പേ​രി​ൽ​നി​ന്നും കാ​ർ മാ​റ്റാ​തി​രു​ന്ന​താ​ണ്‌ പ്ര​ശ്ന​മാ​യ​ത്. വി​ഷ​യ​ത്തി​ൽ ജി​ദ്ദ​യി​ലു​ള്ള സ്​​പോ​ൺ​സ​റും മ​റ്റും ഇ​ട​പെ​ട്ടി​ട്ടും പ​രി​ഹാ​ര​മാ​വാ​തെ വ​ന്ന​തോ​ടെ പ്ര​ശ്നം സ​ങ്കീ​ർ​ണ​മാ​വു​ക​യും നാ​ട്ടി​ലേ​ക്ക് പോ​കാ​ൻ ക​ഴി​യാ​തെ ഇ​വി​ടെ കു​ടു​ങ്ങി​പ്പോ​വു​ക​യു​മാ​യി​രു​ന്നു. ഇ​തി​നി​ട​യി​ൽ പ്ര​മേ​ഹ​മ​ട​ക്കം വി​വി​ധ ആ​രോ​ഗ്യ​പ്ര​ശ്ന​ങ്ങ​ളും പ്ര​തി​സ​ന്ധി​യു​ടെ ആ​ഴം വ​ർ​ധി​പ്പി​ച്ചു. റി​യാ​ദ് കെ.​എം.​സി.​സി കോ​ഴി​ക്കോ​ട് ജി​ല്ലാ സെ​ക്ര​ട്ട​റി ഫൈ​സ​ൽ പൂ​നൂ​ർ വ​ഴി വെ​ൽ​ഫെ​യ​ർ വി​ങ്ങി​ന്‍റെ ശ്ര​ദ്ധ​യി​ൽ വി​ഷ​യ​മെ​ത്തി​യ​തോ​ടെ പ്ര​ശ്​​ന​പ​രി​ഹാ​ര​ത്തി​ന്​ ശ്ര​മം ആ​രം​ഭി​ച്ചു.

വെ​ൽ​ഫെ​യ​ർ വി​ങ്​ ചെ​യ​ർ​മാ​ൻ അ​ലി അ​ക്ബ​ർ ചെ​റൂ​പ്പ, ക​ൺ​വീ​ന​ർ ഷ​റ​ഫു മ​ട​വൂ​ർ, ജി​ല്ലാ ചെ​യ​ർ​മാ​ൻ ഷൗ​ക്ക​ത്ത് പ​ന്നി​യ​ങ്ക​ര, ജി​ല്ലാ ട്ര​ഷ​റ​ർ റാ​ഷി​ദ് ദ​യ എ​ന്നി​വ​രു​ടെ നേ​തൃ​ത്വ​ത്തി​ൽ നി​ര​ന്ത​രം ഇ​ട​പെ​ട​ൽ ന​ട​ത്തി. ജി​ദ്ദ​യി​ലു​ള്ള സ്പോ​ൺ​സ​റെക്ക​ണ്ട് ആ​രോ​ഗ്യ പ്ര​ശ്ന​ങ്ങ​ള​ട​ക്ക​മു​ള്ള അ​വ​സ്ഥ ബോ​ധ്യ​പ്പെ​ടു​ത്തി. ജി​ദ്ദ​യി​ൽ അ​ഷ്റ​ഫ് പൂ​നൂ​ർ നി​യ​മ​പ​ര​മാ​യ കാ​ര്യ​ങ്ങ​ൾ നീ​ക്കു​ന്ന​തി​ന്‌ രം​ഗ​ത്തു​ണ്ടാ​യി​രു​ന്നു. ഇ​തി​നി​ട​യി​ൽ പ്ര​മേ​ഹം മൂ​ർച്ചിച്ച​തി​നെ​ത്തു​ട​ർ​ന്ന് ബ​ത്​​ഹ​യി​ലെ ശി​ഫ അ​ൽ ജ​സീ​റ ക്ലി​നി​ക്കി​ലെ​ത്തി​ച്ച് ചി​കി​ത്സ ന​ൽ​കി.

ഒ​ന്ന​രമാ​സ​ത്തി​ല​ധി​കം നീ​ണ്ട നി​ര​ന്ത​ര​മാ​യ ഇ​ട​പെ​ലു​ക​ൾ​ക്കൊ​ടു​വി​ലാ​ണ്‌ നി​യ​മ പ്ര​ശ്ന​ങ്ങ​ൾ​ക്ക് പ​രി​ഹാ​ര​മു​ണ്ടാ​ക്കാ​നാ​യ​ത്. ട്രാ​ഫി​ക് പി​ഴ അ​ട​ക്ക​മു​ള്ള​വ അ​ട​ക്കാ​ൻ സ​യി​ദ് ന​ടു​വ​ണ്ണൂ​രി​​ന്‍റെ നേ​തൃ​ത്വ​ത്തി​ൽ റി​യാ​ദി​ലും ദു​ബൈ​യി​ലു​മു​ള്ള ന​ടു​വ​ണ്ണൂ​ർ നി​വാ​സി​ക​ൾ പ​ണം ക​ണ്ടെ​ത്തി ന​ൽ​കി. ശി​ഹാ​ബ് ന​ട​മ്മ​ൽ പൊ​യി​ൽ, സ​ഹ​ൽ ന​ടു​വ​ണ്ണൂ​ർ, മു​ഹ​മ്മ​ദ് കാ​യ​ണ്ണ എ​ന്നി​വ​രും സ​ഹാ​യ​വു​മാ​യി രം​ഗ​ത്തു​ണ്ടാ​യി​രു​ന്നു.