ഹജ്ജ്​ വേളയിൽ വാഹന നിരീക്ഷണത്തിന്​ വെർച്വൽ കണ്ണടകൾ

ജിദ്ദ: ഹജ്ജ്​ വേളയിൽ വാഹനങ്ങൾ നിരീക്ഷിക്കുന്നതിന്​ ഉദ്യോഗസ്ഥർക്ക്​ വെർച്വൽ കണ്ണടകളും. പൊതുഗതാഗത അതോറിറ്റിയാണ്​ ഹജ്ജ് സീസണിൽ വാഹന നിരീക്ഷണത്തിന്​ പൊലീസ്​ ഉദ്യോഗസ്ഥർക്ക്​ ഇതാദ്യമായി വെർച്വൽ കണ്ണടകൾ ഒരുക്കിയത്​.

ചെക്ക്​ പോയിൻറുകളിലെ തിരക്ക്​ കുറക്കാനും വാഹന പരിശോധന നടപടികൾ വേഗത്തിലാക്കുന്നതിനുമാണ്​ ഓഗ്​മെൻറഡ് റിയാലിറ്റി സാങ്കേതികവിദ്യയുള്ള വെർച്വൽ കണ്ണടകൾ ഏർപ്പെടുത്തിയത്​​. ഇതി​െൻറ ഉദ്​ഘാടനം നവ്വാരിയ ചെക്ക്​ ​പോയിൻറിലെ സംവിധാനങ്ങളും തയ്യാറെടുപ്പുകളും പരിശോധിക്കുന്നതിനിടെ ഗതാഗത, ലോജിസ്​റ്റിക്സ് മന്ത്രി എൻജി. സാലിഹ് അൽജാസർ നിർവഹിച്ചു.

വാഹന ഉടമസ്ഥർ ഗതാഗത നിയമങ്ങളും നിബന്ധനകളും പാലിക്കുന്നു​ണ്ടോ എന്ന്​ വേഗത്തിൽ നിരീക്ഷിക്കാൻ ഇൗ സാ​േങ്കതിക വിദ്യയിലൂടെ സാധിക്കും. തീർഥാടകരെ സേവിക്കുന്നതിനും അവരുടെ സഞ്ചാരം സുഗമമാക്കുന്നതിനും നൂതനമായ ആധുനിക സാങ്കേതികവിദ്യകൾ ലഭ്യമാക്കുന്നതി​െൻറ ഭാഗം കൂടിയാണിത്​.