സൗദി ടൂറിസ്​റ്റ്​ വിസ: 25 വയസിന്​ മുകളിലുള്ള വനിതകൾക്ക്​ പുരുഷബന്ധു ഒപ്പം നിർബന്ധമില്ല

റിയാദ്​: സൗദിയിൽ ടൂറിസ്​റ്റ്​ വിസ അനുവദിക്കു​േമ്പാൾ 25 വയസിന്​ മുകളിലുള്ള വനിതകൾക്ക്​ പുരുഷബന്ധു ഒപ്പം വേണമെന്ന്​ നിർബന്ധമില്ലെന്ന്​ ടൂറിസം കമീഷൻ. 25 ന്​ മുകളിലുള്ള സ്​ത്രീകൾക്ക്​ ഒറ്റക്ക്​ തന്നെ വരാം. അതിൽ താഴെ​യുള്ളവർക്ക്​ ഒരു കുടുംബാംഗം ഒപ്പം വേണമെന്നും കമീഷൻ ലൈസൻസിങ്​ വിഭാഗം ഡയറക്​ടർ ജനറൽ ഉമർ അൽമുബാറക്​ അറിയിച്ചു. സൗദിയിൽ ടൂറിസ്​റ്റ്​ വിസ ഉടൻ അനുവദിക്കുമെന്ന്​ നേരെത്തെ വ്യക്​തമാക്കിയിരുന്നു. ഇൗവർഷം ആദ്യം തന്നെ നടപടികൾ ആരംഭിക്കും.30 ദിവസം കാലാവധിയുള്ള സിംഗിൾ എൻട്രി വിസയാണ്​ അനുവദിക്കുന്നത്​. തൊഴിൽ, സന്ദർശക, ഹജ്ജ്​, ഉംറ വിസകളുമായി ഇതിന്​ ബന്ധമുണ്ടാകില്ല.