‘വിഷൻ 2030’ ഇരുരാജ്യങ്ങൾക്കും പ്രയോജനകരം  -ചൈനീസ്​ അംബാസഡർ  

റിയാദ്​: സൗദി അറേബ്യയുടെ വികസന പദ്ധതി ‘വിഷൻ 2030’ ഇരുരാജ്യങ്ങളുടെയും ഉന്നമനത്തിനുള്ള അവസരമായി​ ചൈന കാണുകയാണെന്ന്​ അംബാസഡർ ലി ഹുവാക്​സിൻ. സൗദി നീതിന്യായ മന്ത്രിയും പ​രമോന്നത നീതിന്യായ സമിതി അധ്യക്ഷനുമായ വാലിദ്​ അൽസമാനി നടത്തുന്ന ചൈന സന്ദർശനം ഉഭയകക്ഷി ബന്ധം ശക്തിപ്പെടുത്തുന്നതി​​െൻറ ഭാഗമായ പുതിയ നീക്കമാണെന്നും അദ്ദേഹം വാർത്താക്കുറിപ്പിൽ പറഞ്ഞു. പൗരാവകാശ, വാണിജ്യ കേസുകളിലെ നീതിനിർവഹണത്തിന്​ പരസ്​പര സഹകരണം ആരംഭിക്കുന്നതിനുള്ള കരാറി​​െൻറ കരട്​ രേഖ ഇരുപക്ഷവും ചർച്ച ചെയ്​തു.

കരാറിനെ ഇരുപക്ഷവും സ്വാഗതം ചെയ്​തു. വിഷൻ 2030​​െൻറ ഭാഗമാണ്​ ഇൗ സഹകരണം. കൂടുതൽ രംഗങ്ങളിൽ പങ്കാളികളാകാനും വാണിജ്യ വിനിമയ ബന്ധങ്ങൾ ദൃഢമാകുന്നതിലേക്കുമുള്ള നല്ല ചുവടുവെപ്പായിരിക്കുമിത്​ ^അംബാസഡർ പറഞ്ഞു. അഴിമതിക്കെതിരെ സൗദി സർക്കാർ സ്വീകരിച്ച ശക്തമായ നിയമ നടപടികൾ വാണിജ്യ, നിക്ഷേപക അന്തരീക്ഷത്തെ ശുദ്ധീകരിക്കുകയാണെന്നും ഇതി​​െൻറ പ്രയോജനം സൗദിയുമായി കൈകോർത്ത ചൈനീസ്​ കമ്പനികളടക്കമുള്ള എല്ലാ പങ്കാളികൾക്കും ലഭിക്കുമെന്നും അദ്ദേഹം കൂട്ടിച്ചേർത്തു.

നീതിന്യായ മന്ത്രാലയം വിവിധ പ്രദേശങ്ങളിൽ വാണിജ്യ കോടതികൾ ആരംഭിച്ചത്​ നിയമവാഴ്​ച​ക്ക്​ അതി​​േൻറതായ ഗൗരവം നൽകുന്ന രാജ്യമാണ്​ സൗദി അറേബ്യ എന്നതി​​െൻറ സ്​പഷ്​ടമായ തെളിവാണെന്നും നിക്ഷേപാന്തരീക്ഷം പൂർണ നിയമസംരക്ഷണം ലഭിക്കുമെന്നും നിക്ഷേപങ്ങൾ സുരക്ഷിതമായിരിക്കുമെന്നും വിദേശ നിക്ഷേപകർക്കും ലോകത്തിനും വ്യക്​തമായ സന്ദേശം നൽകുന്നതാണ്​ നടപടിയെന്നും അംബാസഡർ വ്യക്​തമാക്കി. ചൈനയുമായി ഉഭയകക്ഷി വ്യാപാരം 2016ൽ 43 ബില്യൺ ഡോളറായി അഭിവൃദ്ധിപ്പെട്ടു. സാംസ്​കാരിക രംഗത്തും സഹകരണം ശക്തമാണ്​. 50 സൗദി പുസ്​തകങ്ങൾ ചൈനീസ്​ ഭാഷയിലേക്കും തിരിച്ച്​ 50 പുസ്​തകങ്ങൾ അറബിയിലേക്കും മൊഴിമാറ്റാൻ കരാറായെന്നും അദ്ദേഹം പറഞ്ഞു.