സൗദി ബജറ്റിൽ പ്രവാസികൾക്കും പ്രതീക്ഷിക്കാൻ വക

റി​യാ​ദ്​: വ​ൻ​കി​ട പ​ദ്ധ​തി​ക​ൾ​ക്കു​ള്ള ചെ​ല​വ​ഴി​ക്ക​ൽ തു​ട​രാ​ൻ സൗ​ദി അ​റേ​ബ്യ ബ​ജ​റ്റി​ലൂ​ടെ തീ​രു​മാ​നി​ച്ച​തോ​ടെ പ്ര​വാ​സി​ക​ളി​ലും പ്ര​തീ​ക്ഷ. നേ​ര​ത്തേ വ​ൻ​കി​ട പ​ദ്ധ​തി​ക​ൾ നി​ർ​ത്തി​വെ​ച്ച​തോ​ടെ നി​ര​വ​ധി പേ​ർ​ക്ക് തൊ​ഴി​ൽ ന​ഷ്​​ട​മു​ണ്ടാ​യി​രു​ന്നു.

ദേ​ശീ​യ വി​ക​സ​ന നി​ധി വ​ഴി സ്വ​കാ​ര്യ മേ​ഖ​ല​ക്ക് പി​ന്തു​ണ ന​ൽ​കാ​ൻ തീ​രു​മാ​നി​ച്ച​തും ഗു​ണ​മാ​കും. ഒ​പ്പം, സൗ​ദി​ക​ളു​ടെ തൊ​ഴി​ൽ വ​ർ​ധി​പ്പി​ക്കാ​നു​ള്ള പ​ദ്ധ​തി​ക​ളും മ​ന്ത്രാ​ല​യ​ത്തി​നു​ണ്ട്. കോ​വി​ഡ് സൃ​ഷ്​​ടി​ച്ച സാ​മ്പ​ത്തി​ക പ്ര​തി​സ​ന്ധി​യോ​ടെ സൗ​ദി​യി​ലെ പ​ല പ്ര​ധാ​ന പ്രോ​ജ​ക്ടു​ക​ളും നി​ർ​ത്തി​യി​രു​ന്നു.

ഇ​വ പു​ന​രാ​രം​ഭി​ക്കാ​നും ചെ​ല​വ​ഴി​ക്ക​ൽ തു​ട​രാ​നു​മാ​ണ് പു​തി​യ ബ​ജ​റ്റി​ൽ പ​റ​യു​ന്ന പ്ര​ധാ​ന പ്ര​ഖ്യാ​പ​നം. സ്വ​കാ​ര്യ​മേ​ഖ​ല​ക്ക് ഉ​ത്തേ​ജ​നം ന​ൽ​കു​ന്ന​തി​ന് 150ഓ​ളം പ​ദ്ധ​തി​ക​ൾ സ​ർ​ക്കാ​ർ പ്ര​ഖ്യാ​പി​ക്കു​ക​യും മ​തി​യാ​യ പ​ണ​ല​ഭ്യ​ത ഉ​റ​പ്പാ​ക്കു​ക​യും ചെ​യ്തു.

അ​ടു​ത്ത വ​ർ​ഷം 3.2 ശ​ത​മാ​നം സാ​മ്പ​ത്തി​ക വ​ള​ർ​ച്ച കൈ​വ​രി​ക്കാ​ൻ സാ​ധി​ക്കു​മെ​ന്നാ​ണ് പ്ര​തീ​ക്ഷ. പ​ദ്ധ​തി​ക​ൾ സ്തം​ഭി​ച്ച​തോ​ടെ നി​ര​വ​ധി പ്ര​വാ​സി​ക​ൾ​ക്കും തൊ​ഴി​ൽ ന​ഷ്​​ട​മു​ണ്ടാ​യി​രു​ന്നു. തൊ​ഴി​ലി​ല്ലാ​യ്മ കൂ​ടു​ത​ലു​ള്ള സൗ​ദി​യി​ൽ ല​ക്ഷ​ത്തി​ലേ​റെ ജോ​ലി​ക​ൾ സൗ​ദി​ക​ൾ​ക്ക് ക​ണ്ടെ​ത്താ​നും ബ​ജ​റ്റി​ൽ പ​ദ്ധ​തി​യു​ണ്ട്. ഇ​തു പ്ര​വാ​സി​ക​ൾ​ക്ക് വെ​ല്ലു​വി​ളി​യാ​ണ്. അ​തേ​സ​മ​യം, നേ​ര​ത്തേ പ്ര​ഖ്യാ​പി​ച്ച വ​ൻ​കി​ട പ​ദ്ധ​തി​ക​ൾ സ​ജീ​വ​മാ​യാ​ൽ പ്ര​വാ​സി​ക​ൾ​ക്കും അ​വ​സ​ര​ങ്ങ​ളു​ണ്ടാ​കും. വ​രു​മാ​നം വ​ർ​ധി​പ്പി​ക്കു​ന്ന​തി​ന് ഫ്രീ​ലാ​ൻ​സ് തൊ​ഴി​ലു​ക​ളി​ൽ ഏ​ർ​പ്പെ​ടാ​ൻ സ്വ​ദേ​ശി​ക​ളെ പ്രോ​ത്സാ​ഹി​പ്പി​ക്കു​മെ​ന്നും ബ​ജ​റ്റ് അ​നു​ബ​ന്ധ ഫോ​റം വ്യ​ക്ത​മാ​ക്കു​ന്നു. അ​ടു​ത്ത വ​ർ​ഷം സൗ​ദി സാ​മ്പ​ത്തി​ക പ്ര​തി​സ​ന്ധി മ​റി​ക​ട​ന്ന് മു​ന്നേ​റു​മെ​ന്നും ബ​ജ​റ്റ് ക​ണ​ക്കു​ക​ൾ സൂ​ചി​പ്പി​ക്കു​ന്നു.