ശൈ​ത്യം വീ​ണ്ടും ക​ടു​ത്തു: സൗ​ദി​യി​ൽ വ്യാ​പ​ക​മാ​യി മ​ഴ​യും മൂ​ട​ൽ​മ​ഞ്ഞും

റി​യാ​ദ്​: ചെ​റി​യ ഇ​ട​വേ​ള​ക്കു​ശേ​ഷം സൗ​ദി​യി​ൽ വ്യാ​പ​ക​മാ​യി മ​ഴ പെ​യ്യു​ന്നു. ക​ഴി​ഞ്ഞ ഒ​രാ​ഴ്​​ച​യാ​യി ത​ണു​പ്പു​കാ​ലം അ​വ​സാ​നി​ക്കു​ന്ന പ്ര​തീ​തി​യു​ണ്ടാ​യി​രു​ന്നെ​ങ്കി​ലും വെ​ള്ളി​യാ​ഴ്​​ച​യോ​ടെ രാ​ജ്യ​വ്യാ​പ​ക​മാ​യി ആ​കാ​ശം മൂ​ടി​ക്കെ​ട്ടു​ക​യും ശ​ക്ത​മാ​യ മ​ഴ തു​ട​ങ്ങു​ക​യു​മാ​യി​രു​ന്നു.ത​ണു​പ്പി​ന്​ വീ​ണ്ടും കാ​ഠി​ന്യ​മേ​റി​യി​ട്ടു​ണ്ട്. ത​ബൂ​ക്ക്​ ഉ​ൾ​പ്പെ​ടു​ന്ന വ​ട​ക്ക​ൻ മേ​ഖ​ല​ക​ളി​ൽ ശ​ക്ത​മാ​യ മ​ഞ്ഞു​വീ​ഴ്​​ച​യു​മു​ണ്ട്. ത​ല​സ്ഥാ​ന ന​ഗ​രം ഉ​ൾ​പ്പെ​ട്ട മ​ധ്യ​പ്ര​വി​ശ്യ​യി​ൽ വെ​ള്ളി​യാ​ഴ്​​ച മു​ത​ലാ​ണ്​ മ​ഴ​ ആ​രം​ഭി​ച്ച​ത്.

ശ​നി​യാ​ഴ്​​ച​യും മ​ഴ പെ​യ്​​തു. റി​യാ​ദ്​ ന​ഗ​ര​ത്തി​ലും മ​ധ്യ​പ്ര​വി​ശ്യ​യി​ലെ ദ​വാ​ദ്​​മി, അ​ഫീ​ഫ്​ തു​ട​ങ്ങി​യ പ്ര​ദേ​ശ​ങ്ങ​ളി​ലും മ​ഴ​പെ​യ്​​തു. ന​ല്ല ശീ​ത​ക്കാ​റ്റും മ​ഴ​ക്ക്​ അ​ക​മ്പ​ടി​യാ​യി വീ​ശു​ന്നു​ണ്ട്. രാ​ജ്യ​ത്തി​െൻറ വി​വി​ധ ഭാ​ഗ​ങ്ങ​ളി​ൽ ശീ​ത​ക്കാ​റ്റ്​ ശ​ക്ത​മാ​യി തു​ട​രു​മെ​ന്ന്​ ദേ​ശീ​യ കാ​ലാ​വ​സ്ഥ കേ​ന്ദ്രം അ​റി​യി​ച്ചു. ന​ജ്​​റാ​ൻ, ജീ​സാ​ൻ, അ​സീ​ർ, അ​ൽ​ബാ​ഹ, സൗ​ദി കി​ഴ​ക്ക​ൻ പ്ര​വി​ശ്യ, മ​ക്ക, മ​ദീ​ന എ​ന്നീ മേ​ഖ​ല​ക​ളി​ലെ​ല്ലാം വ​രും​ദി​വ​സ​ങ്ങ​ളി​ലും ശീ​ത​ക്കാ​റ്റ്​ വീ​ശ​ലു​ണ്ടാ​വും. ദ​ക്ഷി​ണ സൗ​ദി​യി​ലെ അ​ൽ​ബാ​ഹ​യി​ൽ ശ​നി​യാ​ഴ്​​ച ശ​ക്ത​മാ​യ മൂ​ട​ൽ​മ​ഞ്ഞ്​ അ​നു​ഭ​വ​പ്പെ​ട്ടു. മ​ഴ​യോ​ടൊ​പ്പ​മാ​ണ്​ മേ​ഖ​ല​യാ​കെ മൂ​ട​ൽ​മ​ഞ്ഞി​ൽ അ​മ​ർ​ന്ന​ത്. അ​ടു​ത്തു​ള്ള കാ​ഴ്​​ച​ക​ൾ​പോ​ലും മ​ങ്ങും​വി​ധം ശ​ക്ത​മാ​യ മൂ​ട​ൽ​മ​ഞ്ഞാ​ണ്​ അ​നു​ഭ​വ​പ്പെ​ടു​ന്ന​ത്. ഇ​ത്​ വാ​ഹ​ന​ഗ​താ​ഗ​ത​ത്തെ സാ​ര​മാ​യി ബാ​ധി​ച്ചി​ട്ടു​ണ്ട്. വാ​ഹ​ന​വു​മാ​യി നി​ര​ത്തി​ലി​റ​ങ്ങു​ന്ന​വ​ർ ക​ന​ത്ത ജാ​ഗ്ര​ത​പു​ല​ർ​ത്ത​ണ​മെ​ന്ന്​ അ​ൽ​ബാ​ഹ ട്രാ​ഫി​ക്​ ഡ​യ​റ​ക്​​ട​ർ കേ​ണ​ൽ മി​സ്​​ഫ​ർ അ​ൽ​തു​ബൈ​ദി മു​ന്ന​റി​യി​പ്പ്​ ന​ൽ​കി.

സൗ​ദി കി​ഴ​ക്ക​ൻ പ്ര​വി​ശ്യ​യി​ലെ ദ​മ്മാം, അ​ൽ​ഖോ​ബാ​ർ ന​ഗ​ര​ങ്ങ​ളി​ലും പ്രാ​ന്ത​പ്ര​ദേ​ശ​ങ്ങ​ളി​ലും ശ​നി​യാ​ഴ്​​ച ചെ​റി​യ​തോ​തി​ൽ മ​ഴ​യു​ണ്ടാ​യി. നി​ല​വി​ൽ ദ​മ്മാ​മി​ലെ ജ​ല​നി​ർ​ഗ​മ​ന സം​വി​ധാ​ന​ത്തി​ന്​ ഒ​രു മ​ണി​ക്കൂ​റി​ൽ 4,20,000 ക്യു​ബി​ക്​ മീ​റ്റ​ർ മ​ഴ​വെ​ള്ളം ഒ​ഴു​ക്കി​ക്ക​ള​യാ​നു​ള്ള ശേ​ഷി​യു​ണ്ട്.സൗ​ദി അ​റേ​ബ്യ​യു​ടെ ഏ​റ്റ​വും തെ​ക്ക​ൻ അ​തി​ർ​ത്തി മേ​ഖ​ല​യാ​യ ന​ജ്​​റാ​നി​ൽ ചു​ഴ​ലി​ക്കാ​റ്റു​ണ്ടാ​വാ​നു​ള്ള സാ​ധ്യ​ത മു​ന്നി​ൽ​ക​ണ്ട്​ ശ​ക്ത​മാ​യ മു​ൻ​ക​രു​ത​ൽ ന​ട​പ​ടി​ക​ൾ സ്വീ​ക​രി​ച്ചി​രു​ന്നു.

ശ​നി​യാ​ഴ്​​ച പ​ക​ൽ കാ​റ്റും ശ​ക്ത​മാ​യ മൂ​ട​ൽ​മ​ഞ്ഞു​മു​ണ്ടാ​യി. ന​ജ്​​റാ​ൻ, ബ​ദ​ർ അ​ൽ​ജ​നൂ​ബ്, ഹ​ബോ​ണ, താ​ർ, യാ​ദ​മ, ഖ​ബാ​ഷ്​ എ​ന്നി​വി​ട​ങ്ങ​ളി​ലാ​ണ്​ മൂ​ട​ൽ​മ​ഞ്ഞു​ണ്ടാ​യ​ത്. പ​ടി​ഞ്ഞാ​റ​ൻ മേ​ഖ​ല​യി​ലെ യാം​ബു​വി​ലും ശ​നി​യാ​ഴ്​​ച കാ​റ്റ്​ വീ​ശു​മെ​ന്ന മു​ന്ന​റി​യി​പ്പ്​ ന​ൽ​കി​യി​രു​ന്നു. ചെ​ങ്ക​ട​ലി​ൽ വെ​ള്ളി, ശ​നി ദി​വ​സ​ങ്ങ​ളി​ൽ ശ​ക്ത​മാ​യ തി​ര​യി​ള​ക്ക​മു​ണ്ടാ​യി​രു​ന്നു. മ​ണി​ക്കൂ​റി​ൽ 50 കി​ലോ​മീ​റ്റ​ർ വേ​ഗ​ത്തി​ൽ ചെ​ങ്ക​ട​ലി​ൽ​നി​ന്ന്​ കാ​റ്റ​ടി​ച്ച​പ്പോ​ൾ വെ​ള്ളി​യാ​ഴ്​​ച ജി​ദ്ദ കോ​ർ​ണീ​ഷി​ൽ വ​ലി​യ ഉ​യ​ര​ത്തി​ൽ തി​ര​മാ​ല​ക​ൾ അ​ടി​ച്ചു​ക​യ​റി.

തിരമാലകളുയർന്നത്​ ശക്തമായ കാറ്റ്​ മൂലം

ജിദ്ദ: ജി​ദ്ദ മേ​ഖ​ല​യി​ലു​ണ്ടാ​യ ശ​ക്ത​മാ​യ കാ​റ്റാ​ണ്​ കോ​ർ​ണി​ഷി​ൽ തി​ര​മാ​ല​ക​ൾ ഉ​യ​രാ​ൻ​ കാ​ര​ണ​മാ​യ​തെ​ന്ന്​​ കാ​ലാ​വ​സ്ഥ അ​ധി​കൃ​ത​ർ. കാ​ലാ​വ​സ്ഥ വ്യ​തി​യാ​ന​വു​മാ​യി ബ​ന്ധ​പ്പെ​ട്ട ശ​ക്ത​മാ​യ കാ​റ്റി​െൻറ വേ​ഗം മ​ണി​ക്കൂ​റി​ൽ 50 കി​ലോ​മീ​റ്റ​ർ ക​വി​ഞ്ഞി​രു​ന്നു.

മ​ക്ക, മ​ദീ​ന, ത​ബൂ​ക്ക്​ മേ​ഖ​ല​ക​ളി​ലെ തീ​ര​പ്ര​ദേ​ശ​ങ്ങ​ളി​ലും തി​ര​മാ​ല​ക​ൾ ഉ​യ​രാ​ൻ ഇ​തു കാ​ര​ണ​മാ​യി. വേ​ഗ​മേ​റി​യ ശ​ക്ത​മാ​യ കാ​റ്റി​നൊ​പ്പം ക​ട​ലി​ൽ തി​ര​മാ​ല കൂ​ടാ​നും ഉ​യ​രാ​നു​മു​ള്ള സാ​ഹ​ച​ര്യം ആ​വ​ർ​ത്തി​ക്കും. അ​തി​ൽ ആ​ശ​ങ്ക​പ്പെ​ടേ​ണ്ട കാ​ര്യ​മി​ല്ല. ക​ട​ൽ​ക​ര​യി​ലും തീ​ര​ങ്ങ​ളി​ലും ഇ​രി​ക്കു​ന്ന​വ​ർ ശ്ര​ദ്ധി​ക്കേ​ണ്ട​തു​ണ്ട്.

ഇ​ത്ത​രം സാ​ഹ​ച​ര്യ​ങ്ങ​ളി​ൽ കാ​ലാ​വ​സ്ഥാ കേ​ന്ദ്രം ബ​ന്ധ​പ്പെ​ട്ട അ​ധി​കാ​രി​ക​ളു​മാ​യി സ​ഹ​ക​രി​ച്ച്​ വേ​ണ്ട ന​ട​പ​ടി​ക​ൾ പൂ​ർ​ത്തി​ക​രി​ക്കാ​റു​ണ്ടെ​ന്ന്​ വ​ക്താ​വ്​ ഹു​സൈ​ൻ ബി​ൻ മു​ഹ​മ്മ​ദ്​ ഖ​ഹ്​​താ​നി പ​റ​ഞ്ഞു.