ദ​രീ​ൻ കു​ന്നു​ക​ളി​ലെ ‘വ​ണ്ട​ർ ഹി​ൽ​സ്’ ആ​ഘോ​ഷ​ങ്ങ​ൾ നാ​ളെ അ​വ​സാ​നി​ക്കും

ജു​ബൈ​ൽ: ജു​ബൈ​ൽ റോ​യ​ൽ ക​മീ​ഷ​ൻ മേ​ഖ​ല​യി​ലെ ദ​രീ​ൻ കു​ന്നു​ക​ളി​ൽ ന​ട​ന്നു​വ​രു​ന്ന ‘വ​ണ്ട​ർ ഹി​ൽ​സ്’ ആ​ഘോ​ഷ​ങ്ങ​ൾ ശ​നി​യാ​ഴ്ച അ​വ​സാ​നി​ക്കും. സൗ​ദി​യു​ടെ ഇ​ത​ര ഭാ​ഗ​ങ്ങ​ളി​ൽ​നി​ന്ന് പോ​ലും മ​ല​യാ​ളി​ക​ൾ ഉ​ൾ​പ്പെ​ടെ ധാ​രാ​ളം ആ​ളു​ക​ളാ​ണ് ആ​ഘോ​ഷ​ങ്ങ​ൾ​ക്കാ​യി ഇ​തു​വ​രെ എ​ത്തി​യ​ത്. കു​ട്ടി​ക​ളെ​യും മു​തി​ർ​ന്ന​വ​രെ​യും ഒ​രു​പോ​ലെ ആ​ന​ന്ദി​പ്പി​ക്കു​ന്ന വി​നോ​ദ ഉ​പാ​ധി​ക​ളും ഒ​രു​ക്കി​യി​ട്ടു​ണ്ട്.

വ​ർ​ണ​വെ​ളി​ച്ച​ങ്ങ​ളു​ടെ വൈ​വി​ധ്യ​ങ്ങ​ളാ​ൽ ഓ​രോ കു​ന്നു​ക​ളും അ​ല​ങ്ക​രി​ച്ചി​രി​ക്കു​ന്നു. ദി​നോ​സ​റു​ക​ളു​ടെ​യും മ​റ്റും ജീ​വ​സ്സു​റ്റ മോ​ഡ​ലു​ക​ൾ ഏ​റെ കൗ​തു​ക​മു​ണ​ർ​ത്തും. പ​ല ബ്രാ​ൻ​ഡു​ക​ളു​ടെ​യും ഫു​ഡ് ഔ​ട്ട്ല​റ്റു​ക​ളും സൗ​ദി സ്​​റ്റൈ​ൽ ത​ട്ടു​ക​ട​ക​ളും കോ​ഫി ഷോ​പ്പു​ക​ളും രു​ചി വൈ​വി​ധ്യ​ങ്ങ​ളെ പ​രി​ച​യ​പ്പെ​ടാ​നു​ള്ള അ​വ​സ​ര​വും ഒ​രു​ക്കു​ന്നു​ണ്ട്.

പ്ര​ത്യേ​കം ത​യാ​റാ​ക്കി​യ സ്റ്റേ​ജു​ക​ളി​ൽ അ​ര​ങ്ങേ​റു​ന്ന റ​ഷ്യ​ൻ ന​ർ​ത്ത​ക​രു​ടെ ഫ​യ​ർ ഡാ​ൻ​സും വ​യ​ലി​ൻ, പി​യാ​നോ ഉ​ൾ​പ്പെ​ടെ ഉ​പ​ക​ര​ണ​സം​ഗീ​ത പ​രി​പാ​ടി​ക​ളും കാ​ർ​ണി​വ​ലും മ​റ്റും അ​ര​ങ്ങേ​റു​ന്നു. ദ​രീ​ൻ ഹി​ൽ​സി​ലെ ക​നാ​ലി​ന് കു​റു​കെ​യു​ള്ള മേ​ൽ​പ്പാ​ല​ത്തി​ന​പ്പു​റം ചെ​റി​യ കോ​ട്ടേ​ജു​ക​ളും ഉ​ണ്ട്. അ​വ​സാ​ന ദി​വ​സ​ങ്ങ​ളി​ൽ കൂ​ടു​ത​ൽ തി​ര​ക്ക് അ​നു​ഭ​വ​പ്പെ​ടു​മെ​ന്നാ​ണ് ക​രു​തു​ന്ന​ത്. വൈ​കീ​ട്ട് നാ​ലു മു​ത​ൽ രാ​ത്രി 12 വ​രെ​യാ​ണ് സ​ന്ദ​ർ​ശ​ന സ​മ​യം. അ​ഞ്ചു വ​യ​സ്സി​ന് മു​ക​ളി​ൽ ആ​ളൊ​ന്നി​ന് 20 റി​യാ​ലാ​ണ് പ്ര​വേ​ശ​ന ഫീ​സ്. റോ​യ​ൽ ക​മീ​ഷ​നി​ൽ ന​ട​ക്കു​ന്ന ഇ​വ​ന്റു​ക​ളു​ടെ ടി​ക്ക​റ്റു​ക​ൾ വി​ൽ​ക്കു​ന്ന പോ​ർ​ട്ട​ലാ​യ https://window.rcjy.gov.sa/RCJYReservation/, റോ​യ​ൽ ക​മീ​ഷ​​ന്റെ (റ​ഖീം) ‘വി​ൻ​ഡോ’ ആ​പ് എ​ന്നി​വ​യി​ൽ സ​ബ്സ്ക്രൈ​ബ് ചെ​യ്ത് ലോ​ഗി​ൻ ചെ​യ്താ​ൽ ടി​ക്ക​റ്റു​ക​ൾ വാ​ങ്ങാം.