ജിദ്ദ ചരിത്രമേഖലയുടെ വികസനത്തിന്​ ശിൽപശാല

ജിദ്ദ: ജിദ്ദ ചരിത്ര മേഖല വികസനത്തിന്​ ശിൽപശാല സംഘടിപ്പിച്ചു. ഗവർണറേറ്റ്​ വികസന സഹായ ഏജൻസി, ജിദ്ദ മുനിസിപ്പാലിറ്റി, ടൂറിസം അതോറിറ്റി എന്നീ വകുപ്പുകൾ ചേർന്ന്​ സംഘടിപ്പിച്ച ശിൽപശാല മക്ക ഡെപ്യൂട്ടി ഗവർണർ അമീർ അബ്​ദുല്ല ബിൻ ബന്ദർ ഉദ്​ഘാടനം ചെയ്​തു. 21 ഒാളം വകുപ്പുകൾ പ​െങ്കടുത്തു. ഹിസ്​റ്റോറിക്കൽ മേഖലയുടെ വികസനത്തിനും സംരക്ഷണത്തിനും പ്രദേശത്തെ പുരാതന കെട്ടിട ഉടമകളുടെ പങ്കാളിത്വം ശക്​തിപ്പെടുത്തുക, വിവിധ ഗവർണമ​​െൻറ്​ വകുപ്പുകളുമായി സഹകരിച്ച്​ മേഖലയെ ഏറ്റവും മികച്ചരീതിയിൽ വികസിപ്പിക്കുക, അതിനാവശ്യമായ പദ്ധതികൾ നടപ്പാക്കുക തുടങ്ങിയവ ലക്ഷ്യമിട്ടാണ്​ ശിൽപ ശാല സംഘടിപ്പിച്ചത്​.

മേഖലയുടെ വികസനത്തിനും നിക്ഷേപങ്ങൾ ആകർഷിക്കുന്നതിനും വിവിധ വകുപ്പുകൾക്ക്​ കീഴിൽ ആവിഷ്​കരിച്ച പദ്ധതികൾ ശിൽപശാലയിൽ പരിചയപ്പെടുത്തി. സ്​ഥലത്ത്​ നടത്തേണ്ട പരിപാടികളും പ്രദർശനങ്ങളും ചർച്ച ചെയ്​തു. ശിൽപശാലയിൽ ഉയർന്നു വരുന്ന ശിപാർശകർ ബന്ധപ്പെട്ട വകുപ്പുകൾക്ക്​ കൈമാറും.