വേൾഡ് മലയാളി ഫെഡറേഷൻ കേരളപ്പിറവി ആഘോഷിച്ചു
text_fieldsവേൾഡ് മലയാളി ഫെഡറേഷൻ സംഘടിപ്പിച്ച കേരളപ്പിറവിയും മലയാള ഭാഷാദിനവും പരിപാടിയിൽനിന്ന്
ജിദ്ദ: ഗ്ലോബൽ മലയാളി സംഘടനയായ വേൾഡ് മലയാളി ഫെഡറേഷൻ ജിദ്ദ കൗൺസിൽ കേരളപ്പിറവി ആഘോഷിച്ചു.
അസീസിയ ഖാൻ ചാച്ചാ റസ്റ്റാറൻറിൽ നടന്ന ചടങ്ങിൽ കേക്ക് മുറിച്ചായിരുന്നു ആഘോഷങ്ങൾക്ക് തുടക്കം. പ്രസിഡൻറ് റോയ് മാത്യു, ചെയർമാൻ അലവിക്കുട്ടി, ജനറൽ സെക്രട്ടറി വിലാസ് അടൂർ, ട്രഷറർ മുഹമ്മദ് ബൈജു, അഷ്റഫ് കുരിയോട്, സജി കുര്യാക്കോസ്, മോഹൻ ബാലൻ എന്നിവർ നേതൃത്വം നൽകി.
നാഷനൽ കൗൺസിൽ പ്രസിഡൻറ് നസീർ വാവക്കുഞ്ഞ്, ജോയൻറ് സെക്രട്ടറി ഷാനവാസ് വണ്ടൂർ, നാഷനൽ കൗൺസിൽ അംഗങ്ങളായ വർഗീസ് ഡാനിയൽ, റൂബി സമീർ എന്നിവരുടെ സാന്നിധ്യം ചടങ്ങിന് നിറപ്പകിട്ടേകി. കേരള രൂപവത്കരണ ചരിത്രത്തെ കുറിച്ചും കേരളത്തിെൻറയും മലയാള ഭാഷയുടെയും പ്രാധാന്യത്തെ സംബന്ധിച്ചും ചടങ്ങിൽ സംസാരിച്ചവർ പ്രതിപാദിച്ചു.
കോവിഡ് മഹാമാരി കാലഘട്ടത്തിന് ശേഷം ആദ്യമായി ഒത്തുചേർന്ന ഫെഡറേഷൻ അംഗങ്ങൾക്കും അവരുടെ കുടുംബാംഗങ്ങൾക്കും മനസ്സിന് കുളിർമനൽകിയ ഒരു വേദി ആയിരുന്നു കേരളപ്പിറവി ദിനാഘോഷ ചടങ്ങെന്ന് സംഘാടകർ വാർത്താക്കുറിപ്പിൽ പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.