ചൈനീസ്​ പ്രസിഡൻറ്​ നാളെ സൗദിയിൽ; 11,000 കോടി റിയാലി​െൻറ കരാറിൽ ഒപ്പുവെക്കും

ജിദ്ദ: ചൈനീസ്​ പ്രസിഡൻറ്​ ഷി ജിൻപിങ്ങി​െൻറ ത്രിദിന സൗദി സന്ദർശനം ബുധനാഴ്​ച ആരംഭിക്കും.​ സൽമാൻ രാജാവി​െൻറ ക്ഷണം സ്വീകരിച്ചാണ്​ ചൈനീസ്​​ പ്രസിഡൻറി​െൻറ സന്ദർശനം.

വെള്ളിയാഴ്​ച​ വരെ നീണ്ടുനിൽക്കുന്ന സന്ദർശനത്തിനിടയിൽ കിരീടാവകാശിയും പ്രധാനമന്ത്രിയുമായ അമീർ മുഹമ്മദ്​ ബിൻ സൽമാ​െൻറ സാന്നിധ്യത്തിൽ സൗദി-ചൈനീസ്​ ഉച്ചകോടി നടക്കും. ഗൾഫ്​ അറബ് സഹകരണ കൗൺസിൽ രാജ്യങ്ങളും ചൈനയുമായുള്ള വേറിട്ട ബന്ധത്തെ ശക്തിപ്പെടുത്താനുള്ള നീക്കങ്ങളും പര്യടനത്തിനിടയിൽ നടക്കും. ഗൾഫിലെയും അറബ് രാജ്യങ്ങളിലെയും രാഷ്​ട്ര തലവന്മാർ ഉച്ചകോടിയിൽ പ​ങ്കെടുക്കും.

എല്ലാ മേഖലകളിലെയും സംയുക്ത ബന്ധം മെച്ചപ്പെടുത്തുന്നതിനുള്ള വഴികളും സാമ്പത്തിക, വികസന സഹകരണത്തിനുള്ള സാധ്യതകളും രണ്ട് ഉച്ചകോടികളിലും ചർച്ച ചെയ്യും. സൗദി-ചൈനീസ് ഉച്ചകോടിക്കിടെ 110 ശതകോടി റിയാലിലധികം മൂല്യമുള്ള കരാറുകളിൽ ഒപ്പുവെക്കും.

ചൈനീസ് പ്രസിഡൻറി​െൻറ സന്ദർശന വേളയിൽ സൗദി-ചൈനീസ്, ചൈനീസ്-ഗൾഫ്, ചൈനീസ്-അറബ് എന്നിങ്ങനെ മൂന്ന്​ ഉച്ചകോടികൾ നടക്കും. ഉച്ചകോടിയിൽ 30-ലധികം രാജ്യങ്ങളുടെ നേതാക്കളുടെയും അന്താരാഷ്ട്ര സംഘടനകളുടെയും സാന്നിധ്യമുണ്ടാകും.

സൗദി-ചൈനീസ് ഉച്ചകോടിയുടെ ഭാഗമായാണ്​ 110 ശതകോടി റിയാലി​െൻറ 20-ലധികം കരാറുകളിൽ ഒപ്പുവെക്കുക. കൂടാതെ സൗദിയും ചൈനയും തമ്മിൽ വിവിധ മേഖലകളിലെ തന്ത്രപരമായ പങ്കാളിത്ത രേഖയിലും ഒപ്പുവെക്കും. സൗദി അറേബ്യയും ചൈനയും തമ്മിലുള്ള സാംസ്​കാരിക സഹകരണത്തിനുള്ള 'അമീർ മുഹമ്മദ് ബിൻ സൽമാൻ അവാർഡ്​' ​െൻറ പ്രഖ്യാപനവുമുണ്ടാകും.

2016 ജനുവരിയിലാണ്​ മുമ്പ്​ ചൈനീസ്​ പ്രസിഡൻറ് സൗദി സന്ദർശിച്ചത്​. അന്നത്തെ സന്ദർശന വേളയിൽ, സൗദിയും ചൈനയും തമ്മിൽ 14 കരാറുകളും ധാരണാപത്രങ്ങൾ ഒപ്പുവെച്ചിരുന്നു. രാജ്യത്തെ ഏറ്റവും ഉയർന്ന ബഹുമതിയായ 'കിങ്​ അബ്​ദുൽ അസീസ്​ മാല' (നെക്​ലൈസ്​) ചൈനീസ്​ പ്രസിഡൻറിന്​ സൽമാൻ രാജാവ്​ അണിയിക്കുകയും ചെയ്​തിരുന്നു.