വ​ർ​ണാ​ഭ​മാ​യ യാം​ബു പു​ഷ്പ​മേ​ള​ക്ക് നാ​ളെ സ​മാ​പ​നം

യാം​ബു: യാം​ബു​വി​ലെ പൂ​ക്ക​ളു​ടെ മ​ഹോ​ത്സ​വ​ത്തി​ന് നാ​ളെ (ചൊ​വ്വാ​ഴ്‌​ച) കൊ​ടി​യി​റ​ങ്ങും. മാ​ർ​ച്ച് ഒ​മ്പ​തി​ന് സ​മാ​പി​ക്കേ​ണ്ടി​യി​രു​ന്ന മേ​ള സ​ന്ദ​ർ​ശ​ക​രു​ടെ അ​ഭൂ​ത​പൂ​ർ​വ​മാ​യ തി​ര​ക്കു​കാ​ര​ണം ഏ​പ്രി​ൽ 30 വ​രെ നീ​ട്ടു​ക​യാ​യി​രു​ന്നു. വാ​രാ​ന്ത്യ അ​വ​ധി ദി​ന​ങ്ങ​ളി​ൽ രാ​ജ്യ​ത്തി​ന്റെ വി​വി​ധ പ്ര​ദേ​ശ​ങ്ങ​ളി​ൽ നി​ന്നും മ​റ്റു ജി.​സി.​സി രാ​ജ്യ​ങ്ങ​ളി​ൽ നി​ന്നും പ​തി​നാ​യി​ര​ങ്ങ​ളാ​ണ് പു​ഷ്പ ന​ഗ​രി​യി​ലെ കാ​ഴ്‌​ച​ക​ൾ കാ​ണാ​നെ​ത്തി​യ​ത്. മ​ല​യാ​ളി വി​നോ​ദ യാ​ത്രാ സം​ഘ​ങ്ങ​ളും കു​ടും​ബ​ങ്ങ​ളും ക​ഴി​ഞ്ഞ വ​ർ​ഷ​ത്തെ​ക്കാ​ൾ വ​ൻ​തോ​തി​ലാ​ണ് സൗ​ദി​യു​ടെ വി​വി​ധ ഭാ​ഗ​ങ്ങ​ളി​ൽ നി​ന്നും ഈ ​വ​ർ​ഷം മേ​ള കാ​ണാ​നെ​ത്തി​യ​ത്. ദ​ശ​ല​ക്ഷ​ത്തി​ലേ​റെ സ​ന്ദ​ർ​ശ​ക​ർ ഇ​തി​ന​കം യാം​ബു പു​ഷ്പ​മേ​ള കാ​ണാ​നെ​ത്തി​യ​താ​യി സം​ഘാ​ട​ക​ർ അ​റി​യി​ച്ചു.

ആ​ഗോ​ള ശ്ര​ദ്ധ​നേ​ടി​യ സൗ​ദി-​യാം​ബു പു​ഷ്പ​മേ​ള​യി​ൽ മൂ​ന്ന് ലോ​ക റെ​ക്കോ​ഡു​ക​ളാ​ണ് ഇ​ത്ത​വ​ണ നേ​ടി​യ​ത്. ലോ​ക​ത്തി​ലെ ഏ​റ്റ​വും വ​ലി​യ പൂ​ക്കൊ​ട്ട. പൂ​ക്ക​ൾ കൊ​ണ്ടെ​ഴു​തി​യ ഏ​റ്റ​വും വ​ലി​യ വാ​ക്ക്. ഏ​റ്റ​വും വ​ലി​യ റോ​ക്ക​റ്റി​ന്റെ മാ​തൃ​ക എ​ന്നി​വ​യാ​ണ​ത്. അ​തി​വി​ശാ​ല​മാ​യ പൂ ​പ​ര​വ​താ​നി​ക്ക് ര​ണ്ടു ത​വ​ണ ഗി​ന്ന​സ് വേ​ൾ​ഡ് റെ​ക്കോഡ് യാം​ബു പു​ഷ്പ​മേ​ള നേ​ര​ത്തേ സ്വ​ന്ത​മാ​ക്കി​യി​രു​ന്നു. കോ​വി​ഡ് പ്ര​തി​സ​ന്ധി​യി​ൽ മു​ട​ങ്ങി​യ മേ​ള​യാ​ണ് നൂ​ത​ന​വും അ​ത്യാ​ക​ർ​ഷ​ക​വു​മാ​യ പ​രി​പാ​ടി​ക​ളു​മാ​യി നാ​ലു വ​ർ​ഷ​ത്തി​നു ശേ​ഷം വീ​ണ്ടും ഈ ​വ​ർ​ഷം ക​ട​ന്നു​വ​ന്ന​ത്. അ​പ​രി​ചി​ത​മാ​യ പു​ഷ്പാ​നു​ഭ​വ​ങ്ങ​ൾ സ​ന്ദ​ർ​ശ​ക​ർ​ക്ക് പ​ക​ർ​ന്ന് ത​രു​ന്ന വ​ർ​ണ വൈ​വി​ധ്യ​ങ്ങ​ളു​ടെ പൂ​ക്ക​ളു​ടെ വ​സ​ന്തോ​ത്സ​വം യാം​ബു റോ​യ​ൽ ക​മീ​ഷ​നി​ലെ യാം​ബു- ജി​ദ്ദ ഹൈ​വേ റോ​ഡി​ന്റെ ഓ​രം ചേ​ർ​ന്നു​ള്ള അ​ൽ മു​നാ​സ​ബാ​ത്ത് പാ​ർ​ക്കി​ലാ​ണ് ന​ട​ക്കു​ന്ന​ത്. പു​ഷ്പ​മേ​ള​യു​ടെ സ​മാ​പ​ന​ദി​വ​സം സ​ന്ദ​ർ​ശ​ക​ർ​ക്കാ​യി പ്ര​ത്യേ​ക പ​രി​പാ​ടി​ക​ൾ ഒ​രു​ക്കു​ന്നു​ണ്ടെ​ന്നും പ്ര​വേ​ശ​നം സൗ​ജ​ന്യ​മാ​യി​രി​ക്കു​മെ​ന്നും സം​ഘാട​ക​ർ അ​റി​യി​ച്ചു.