മ​ല​ര​ണി​ക്കാ​ടു​ക​ള്‍ തി​ങ്ങി​വി​ങ്ങി...

യാം​ബു: എ​വി​ടെ​ത്തി​രി​ഞ്ഞൊ​ന്നു നോ​ക്കി​യാ​ലും അ​വി​ടെ​ല്ലാം പൂ​ത്ത മ​ര​ങ്ങ​ള്‍മാ​ത്രം എ​ന്ന്​ ക​വി പാ​ടി​യ​പോ​ലെ​യാ​ണ്​ ഇ​പ്പോ​ൾ യാം​ബു ന​ഗ​ര​ത്തി​ലെ കാ​ഴ്​​ച​ക​ൾ. മ​ല​ര​ണി​ക്കാ​ടു​ക​ള്‍ തി​ങ്ങി​വി​ങ്ങി​യും മ​ര​ത​ക​കാ​ന്തി​യി​ല്‍ മു​ങ്ങി​മു​ങ്ങി​യും ആ​ളു​ക​ളു​ടെ ക​ര​ളും മി​ഴി​യും ക​വ​ര്‍ന്നെ​ടു​ത്തി​രി​ക്കു​ക​യാ​ണ്​ 15ാമ​ത്​ യാം​ബു പു​ഷ്​​പ​മേ​ള. അ​പൂ​ർ​വ​മാ​യ ഈ ​വ​സ​ന്തോ​ത്സ​വം നു​ക​രാ​ൻ യാം​ബു​വി​ലേ​ക്ക് ജ​നം പ്ര​വ​ഹി​ക്കു​ക​യാ​ണ്.

വാ​രാ​ന്ത്യ അ​വ​ധി ദി​ന​ങ്ങ​ളി​ൽ ജി​ദ്ദ, മ​ദീ​ന, ത​ബൂ​ക്ക്, ത്വാ​ഇ​ഫ്, മ​ക്ക എ​ന്നി​വ​ട​ങ്ങ​ളി​ൽ നി​ന്ന് മ​ല​യാ​ളി വി​നോ​ദ യാ​ത്ര​സം​ഘ​ങ്ങ​ളും കു​ടും​ബ​ങ്ങ​ളും വ​ൻ​തോ​തി​ൽ യാം​ബു​വി​ലെ​ത്തി. ജി​ദ്ദ​യി​ലെ വി​വി​ധ പ്ര​വാ​സി കൂ​ട്ടാ​യ്മ​ക​ൾ, കെ.​എം.​സി.​സി, ന​വോ​ദ​യ, ഒ.​ഐ.​സി.​സി, ത​നി​മ തു​ട​ങ്ങി​യ സം​ഘ​ട​ന​ക​ൾ എ​ന്നി​വ​യു​ടെ നേ​തൃ​ത്വ​ത്തി​ൽ കു​ടും​ബ​സ​മേ​തം നൂ​റു​ക​ണ​ക്കി​നാ​ളു​ക​ൾ വെ​ള്ളി, ശ​നി ദി​വ​സ​ങ്ങ​ളി​ൽ പു​ഷ്‌​പോ​ത്സ​വം കാ​ണാ​നെ​ത്തി. വെ​ള്ളി​യാ​ഴ്ച ജി​ദ്ദ​യി​ൽ​നി​ന്ന് മാ​ത്രം മ​ല​യാ​ളി കൂ​ട്ടാ​യ്‌​മ​ക​ളു​ടെ കീ​ഴി​ൽ അ​റു​പ​തോ​ളം ബ​സു​ക​ളി​ൽ സ​ന്ദ​ർ​ശ​ക​ർ എ​ത്തി​യി​രു​ന്നു.

യാം​ബു റോ​യ​ൽ ക​മീ​ഷ​ൻ ജി​ദ്ദ ഹൈ​വേ റോ​ഡി​നോ​ട് ചേ​ർ​ന്ന അ​ൽ മു​നാ​സ​ബാ​ത്ത്‌ പാ​ർ​ക്കി​ലൊ​രു​ക്കി​യ മേ​ള ഫെ​ബ്രു​വ​രി 27 വ​രെ വ​രെ നീ​ളും. വൈ​കീ​ട്ട്​ നാ​ല് മു​ത​ൽ രാ​ത്രി 12 വ​രെ​യാ​ണ് സ​ന്ദ​ർ​ശ​ന സ​മ​യം. 11.50 സൗ​ദി റി​യാ​ലാ​ണ്​ ടി​ക്ക​റ്റ്​ നി​ര​ക്ക്. https://window.rcjy.gov.sa/RCJYReservation/ എ​ന്ന വെ​ബ് സൈ​റ്റി​ലൂ​ടെ​യും ടി​ക്ക​റ്റെ​ടു​ക്കാം.

പൂ​ക്ക​ളു​ടെ അ​പൂ​ർ​വ സം​ഗ​മം ഒ​രു നോ​ക്ക് കാ​ണാ​നും പൂ​ക്ക​ൾ​കൊ​ണ്ട് മ​നോ​ഹ​ര​മാ​യി രൂ​പ​ക​ൽ​പ​ന ചെ​യ്ത പ​ര​വ​താ​നി​ക​ൾ​ക്കും കു​ന്നു​ക​ൾ​ക്കും അ​രി​കി​ൽ​നി​ന്ന് ഒ​രു ഒ​രു ‘സെ​ൽ​ഫി’​യെ​ടു​ക്കാ​നും സ​ന്ദ​ർ​ശ​ക​രു​ടെ വ​ലി​യ തി​ര​ക്കാ​ണ് വൈ​കു​ന്നേ​ര​ങ്ങ​ളി​ൽ അ​നു​ഭ​വ​പ്പെ​ടു​ന്ന​ത്. പു​ഷ്‌​പോ​ത്സ​വം 10 ദി​വ​സം പി​ന്നി​ട്ട​പ്പോ​ഴേ​ക്കും പ​തി​നാ​യി​ര​ങ്ങ​ളാ​ണ് മേ​ള കാ​ണാ​നെ​ത്തി​യ​ത്.

ന​ഗ​രി​യി​ലൊ​രു​ക്കി​യ പൂ​ച്ചെ​ടി​ക​ളു​ടെ​യും വി​ത്തു​തൈ​ക​ളു​ടെ​യും പ്ര​ദ​ർ​ശ​ന​വും വി​ൽ​പ​ന​യും ന​ട​ക്കു​ന്ന പ​വി​ലി​യ​നു​ക​ളി​ലും ന​ല്ല തി​ര​ക്കാ​ണ്. ന​ഗ​രി​യു​ടെ പൂ​ർ​ണ​മാ​യ നി​യ​ന്ത്ര​ണ​ത്തി​ലും വി​ൽ​പ​ന ന​ട​ക്കു​ന്ന സ്റ്റാ​ളു​ക​ളി​ലും സ്വ​ദേ​ശി യു​വ​തീ​യു​വാ​ക്ക​ളു​ടെ വ​ർ​ധി​ച്ച സാ​ന്നി​ധ്യം ഈ ​വ​ർ​ഷ​ത്തെ പ്ര​ത്യേ​ക​ത​യാ​ണ്.

പ​ല സ്റ്റാ​ളു​ക​ളും സ്വ​ദേ​ശി​യു​വ​തി​ക​ളു​ടെ നി​യ​ന്ത്ര​ണ​ത്തി​ലാ​ണ്. രാ​ജ്യ​ത്തെ പ്ര​ശ​സ്ത​രാ​യ ക​മ്പ​നി​ക​ളു​മാ​യി സ​ഹ​ക​രി​ച്ചാ​ണ് മേ​ള സം​ഘാ​ട​ക​ർ വ​ർ​ണാ​ഭ​മാ​ക്കു​ന്ന​ത്. പൂ​ക്ക​ളെ​ക്കു​റി​ച്ചും ചെ​ടി​ക​ളെ​ക്കു​റി​ച്ചും കാ​ർ​ഷി​ക​രം​ഗ​ത്തെ നൂ​ത​നാ​ശ​യ​ങ്ങ​ളെ​ക്കു​റി​ച്ചും അ​വ​ബോ​ധം ന​ൽ​കാ​നും സൗ​ദി യു​വ​തീ​യു​വാ​ക്ക​ൾ സ്റ്റാ​ളു​ക​ളി​ൽ സ​ജീ​വ​മാ​ണ്. താ​ൽ​കാ​ലി​ക​മാ​ണെ​ങ്കി​ലും സൗ​ദി യു​വ​ജ​ന​ങ്ങ​ൾ​ക്ക്​ ധാ​രാ​ളം തൊ​ഴി​ല​വ​സ​രം മേ​ള​യി​ൽ ല​ഭി​ക്കു​ന്നു​ണ്ട്.