യാമ്പു പുഷ്​പമേള റോയൽ കമീഷൻ മേധാവി ഉദ്​ഘാടനം ചെയ്യും

യാമ്പു: 12ാമത്​ യാമ്പൂ പുഷ്​പ മേള യാമ്പു ജീസാൻ റോയൽ കമീഷൻ എക്​സിക്യൂട്ടീവ്​ മേധാവി ഡോ. അലാഅ്​ ബിൻ അബ്​ദുല്ല നസ്വീഫ്​ ഇന്ന്​ ഉദ്​ഘാടനം ചെയ്യും. 
റോയൽ കമീഷന്​ കീഴിലെ ഒാപറേഷൻ ആൻറ്​ മെയിൻറനൻസ്​ വിഭാഗമാണ്​ 25 ദിവസം നീണ്ട്​ നിൽക്കുന്ന മേള ഒരുക്കിയിരിക്കുന്നത്​. 

മേളക്കിടയിൽ വിവിധ കലാ സാംസ്​കാരിക വിനോദ പരിപാടികളും അരങ്ങേറും. ഏറെ പുതുമകൾ നിറഞ്ഞതായിരിക്കും ഇത്തവണത്തെ പുഷ്​പമേളയെന്ന്​ റോയൽ കമീഷൻ ഒാപറേഷൻ മെയിൻറൻസ്​ മേധാവിയും സംഘാടന സമിതി അധ്യക്ഷനുമായ എൻജിനീയർ സ്വാലിഹ്​ ബിൻ അബ്​ദുല്ല അൽസഹ്​റാനി പറഞ്ഞു.