കോൺസുലേറ്റിൽ  യോഗദിനം ആഘോഷിച്ചു

ജിദ്ദ: ജിദ്ദ ഇന്ത്യൻ കോൺസുലേറ്റ്​ വിവിധ പരിപാടികളോടെ അന്താരാഷ്​ട്ര യോഗ ദിനം ആഘോഷിച്ചു. ഇന്ത്യൻ സ്​കൂളിൽ നടന്ന പരിപാടിക്ക്​ ഇന്ത്യ, ശ്രീലങ്ക, ചൈന, ദക്ഷിണ കൊറിയ, നേപ്പാൾ, ഉസ്​ബെകിസ്​താൻ തുടങ്ങിയ രാജ്യങ്ങളുടെ കോൺസൽ ജനറൽമാർ ദീപം കൊളുത്തിയതോടെ തുടക്കമായി. പ്രധാനമന്ത്രി നരേന്ദ്ര മോഡിയുടെ സന്ദേശം പ്രദർശിപ്പിച്ചു. യോഗയുടെ ഉദ്​ഭവത്തെയും പ്രാധാന്യത്തെയും കുറിച്ച്​ കോൺസൽ ജനറൽ മുഹമ്മദ്​ നൂർ റഹ്​മാൻ ശൈഖ്​ സംസാരിച്ചു. തുടർന്ന്​ യോഗ സെഷനിലും അദ്ദേഹം പ​െങ്കടുത്തു. യോഗാനുഭവത്തെ കുറിച്ച്​ ഡോ. അലാ അൽ ശരീഫും സംസാരിച്ചു. 
പ്രധാനപരിപാടിക്ക്​ മുന്നോടിയായി കോർണിഷിൽ പ്രത്യേക യോഗ പ്രദർശനവും നടന്നു. നിരവധി സ്വദേശികൾ ഉൾപ്പെടെ പ​െങ്കടുത്തു.