വിലക്ക് നീക്കി: എയർ ഇന്ത്യ വിമാനങ്ങളില്‍ സംസം കൊണ്ടുപോകാം

ജിദ്ദ: ജിദ്ദയില്‍ നിന്നുള്ള എയർ ഇന്ത്യ വിമാനങ്ങളില്‍ സംസം കാനുകൾക് താല്‍ക്കാലിക വിലക്ക് ഏര്‍പ്പെടുത്തിയ നടപ ടി അധികൃതർ പിൻവലിച്ചു. ജിദ്ദയില്‍ നിന്ന് ഹൈദരാബാദ്, മുംബൈ സെക്ടറുകളിലേക്ക് സര്‍വ്വീസ് നടത്തുന്ന എ.ഐ 966 നമ്പര്‍ വിമാനത്തിലും, ജിദ്ദ- കൊച്ചി സെക്ടറില്‍ സര്‍വ്വീസ് നടത്തുന്ന എ.ഐ.964 നമ്പര്‍ വിമാനത്തിലുമാണ് സെപ്തംബര്‍ 15 വരെ വിലക്ക് ഏർപെടുത്തിയത്.

സെപ്തംബര്‍ 15 വരെയായിരുന്നു നിയന്ത്രണം . വലിയ വിമാനങ്ങള്‍ ഹജ്ജ് സര്‍വ്വീസുകള്‍ക്കായി പിന്‍വലിച്ച് പകരം ഇടത്തരം വിമാനങ്ങള്‍ ഉപയോഗിച്ച് സര്‍വ്വീസ് നടത്തുന്നതിനാലാണ് നിയന്ത്രണം ഏര്‍പ്പെടുത്തിയത് എന്നായിരുന്നു വിശദീകരണം. ഇത് പക്ഷെ യാത്രക്കാർക്ക് പ്രയാസമുണ്ടാക്കി. യാത്രക്കാരുടെ പ്രയാസത്തിൽ ഖേദം പ്രകടിപ്പിച്ചാണ് എയർ ഇന്ത്യ നിയന്ത്രണം നീക്കി പുതിയ സർക്കുലർ പുറപ്പെടുവിച്ചത്.