ദുരിതാശ്വാസനിധിയിലേക്ക് 10 ലക്ഷം നൽകും -ഓർമ
text_fieldsദുബൈ: കേരളത്തിൽ കാലവർഷക്കെടുതിമൂലം ദുരിതമനുഭവിക്കുന്നവരെ സഹായിക്കാൻ മുഖ്യമന്ത്രിയുടെ ദുരിതാശ്വാസ നിധിയിലേക്ക് അടിയന്തരമായി 10 ലക്ഷം രൂപ നൽകുമെന്ന് ‘ഓർമ’ അറിയിച്ചു. അതോടൊപ്പം നാട്ടിലുള്ള ഓർമ പ്രവർത്തകർ ദുരിതാശ്വാസ പ്രവർത്തനങ്ങളിൽ മുന്നിട്ടിറങ്ങണമെന്നും സർക്കാർ സംവിധാനങ്ങളുടെ നിർദേശങ്ങൾ കർശനമായി പാലിക്കണമെന്നും ഓർമ ഭാരവാഹികൾ പ്രസ്താവനയിൽ ആവശ്യപ്പെട്ടു.
ഈ ദുരിതത്തെ നേരിടാൻ കേന്ദ്രം അടിയന്തര ധനസഹായം കേരളത്തിന് പ്രഖ്യാപിക്കണം. ഇക്കാര്യത്തിൽ എല്ലാ രാഷ്ട്രീയ പാർട്ടികളും കേന്ദ്രത്തിന്മേൽ സമ്മർദം ചെലുത്തണം. കേരള സർക്കാർ നടത്തുന്ന ദുരിതാശ്വാസ പ്രവർത്തനവും ഏകോപനവും അഭിനന്ദാനാർഹമാണ്.
സ്വജീവൻപോലും പണയം വെച്ച് രക്ഷാപ്രവർത്തനത്തിൽ ഏർപ്പെട്ടിരിക്കുന്ന സൈനികർ അടക്കമുള്ള രക്ഷാപ്രവർത്തകരെ അഭിവാദ്യം ചെയ്യുന്നു. ജീവൻ പൊലിഞ്ഞ സഹോദരങ്ങളുടെ വേർപാടിൽ അനുശോചനം രേഖപ്പെടുത്തുന്നതായും ഭാരവാഹികൾ പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.