പ​രി​സ്ഥി​തി സം​ര​ക്ഷ​ണ പ്ര​വ​ർ​ത്ത​ക​ർ​ക്ക്​ 10 വ​ർ​ഷ വി​സ

ദു​ബൈ: പ​രി​സ്ഥി​തി മേ​ഖ​ല​യി​ൽ പ്ര​വ​ർ​ത്തി​ക്കു​ന്ന​വ​ർ​ക്ക്​ ദീ​ർ​ഘ​കാ​ല വി​സ പ്ര​ഖ്യാ​പി​ച്ച് യു.​എ.​ഇ. ‘ബ്ലൂ ​റെ​സി​ഡ​ൻ​സി’ എ​ന്നു പേ​രി​ട്ട 10 വ​ർ​ഷ വി​സ മ​ന്ത്രി​സ​ഭ യോ​ഗ​ത്തി​ന്​ ശേ​ഷം യു.​എ.​ഇ വൈ​സ്​ പ്ര​സി​ഡ​ന്‍റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മാ​ണ്​ പ്ര​ഖ്യാ​പി​ച്ച​ത്. പ​രി​സ്ഥി​തി സം​ര​ക്ഷ​ണം, സു​സ്ഥി​ര സാ​ങ്കേ​തി​ക​വി​ദ്യ, ക​ട​ൽ, കാ​ലാ​വ​സ്ഥ തു​ട​ങ്ങി​യ മേ​ഖ​ല​ക​ളി​ൽ അ​സാ​ധാ​ര​ണ സം​ഭാ​വ​ന​ക​ളും പ​രി​ശ്ര​മ​ങ്ങ​ളും ന​ട​ത്തി​യ​വ​ർ​ക്കാ​ണ്​​ വി​സ ന​ൽ​കു​ക. വാ​യു ഗു​ണ​നി​ല​വാ​രം വ​ർ​ധി​പ്പി​ക്ക​ൽ, ഗ്രീ​ൻ ടെ​ക്​​നോ​ള​ജി മേ​ഖ​ല​ക​ളി​ലു​ള്ള​വ​രെ​യും വി​സ​ക്ക്​ പ​രി​ഗ​ണി​ക്കും.

സ​മ്പ​ദ്​​വ്യ​വ​സ്ഥ​യു​ടെ സു​സ്ഥി​ര​ത പ​രി​സ്ഥി​തി സു​സ്ഥി​ര​ത​യു​മാ​യി ബ​ന്ധ​പ്പെ​ട്ടി​രി​ക്കു​ന്നു​വെ​ന്ന്​ പ്ര​ഖ്യാ​പ​നം ന​ട​ത്തി​ക്കൊ​ണ്ട്​ ശൈ​ഖ്​ മു​ഹ​മ്മ​ദ്​ ‘എ​ക്സി’​ൽ കു​റി​ച്ചു. ക​ഴി​ഞ്ഞ വ​ർ​ഷ​ത്തേ​തി​ന്‍റെ തു​ട​ർ​ച്ച​യാ​യി 2024നെ​യും രാ​ജ്യം സു​സ്ഥി​ര​ത വ​ർ​ഷ​മാ​യി ആ​ച​രി​ക്കു​ന്ന സാ​ഹ​ച​ര്യ​ത്തി​ലാ​ണ്​ പ​രി​സ്ഥി​തി സം​ര​ക്ഷ​ക​ർ​ക്ക്​ വി​സ പ്ര​ഖ്യാ​പി​ച്ചി​രി​ക്കു​ന്ന​ത്. ക​ഴി​ഞ്ഞ വ​ർ​ഷം രാ​ജ്യ​ത്താ​ക​മാ​നം നി​ര​വ കാ​ലാ​വ​സ്ഥ ഉ​ച്ച​കോ​ടി​ക്ക്​ യു.​എ.​ഇ വി​ജ​യ​ക​ര​മാ​യി ആ​തി​ഥ്യ​മ​രു​ളു​ക​യും ചെ​യ്തു. യു.​എ.​ഇ പ്ര​സി​ഡ​ന്‍റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദാ​ണ്​ ഈ ​വ​ർ​ഷ​വും സു​സ്ഥി​ര​ത വ​ർ​ഷ​മാ​യി പ്ര​ഖ്യാ​പി​ച്ച​ത്.

രാ​ജ്യ​ത്തെ വി​വി​ധ വി​ക​സ​ന പ്ര​വ​ർ​ത്ത​ന​ങ്ങ​ളി​ലും പ​ദ്ധ​തി​ക​ളി​ലും സു​സ്ഥി​ര​ത​ക്ക്​ പ്രാ​ധാ​ന്യം ന​ൽ​കി​വ​രു​ക​യാ​ണ്. ഇ​തി​നെ കൂ​ടു​ത​ൽ ശ​ക്തി​പ്പെ​ടു​ത്താ​ൻ പു​തി​യ പ്ര​ഖ്യാ​പ​നം സ​ഹാ​യി​ക്കും. ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ നി​ന്ന്​ പ​രി​സ്ഥി​തി മേ​ഖ​ല​യി​ൽ പ്ര​വ​ർ​ത്തി​ക്കു​ന്ന​വ​രെ ആ​ക​ർ​ഷി​ക്കാ​ൻ ‘ബ്ലൂ ​റെ​സി​ഡ​ൻ​സി’ സ​ഹാ​യി​ക്കു​മെ​ന്നാ​ണ്​ വി​ല​യി​രു​ത്ത​പ്പെ​ടു​ന്ന​ത്.

സാ​ധാ​ര​ണ ഗ​തി​യി​ൽ ര​ണ്ട​വ​രു​ന്ന രാ​ജ്യ​ത്ത്​ 2019ൽ ​പ്ര​ഖ്യാ​പി​ച്ച 10വ​ർ​ഷ ഗോ​ൾ​ഡ​ൻ വി​സ വ​ലി​യ രീ​തി​യി​ൽ സ്വീ​ക​രി​ക്ക​പ്പെ​ട്ടി​രു​ന്നു. നി​ക്ഷേ​പ​ക​ർ, സം​രം​ഭ​ക​ർ, മി​ക​ച്ച നേ​ട്ടം കൈ​വ​രി​ച്ച വി​ദ്യാ​ർ​ഥി​ക​ൾ, ശാ​സ്ത്ര​ജ്ഞ​ർ, ജീ​വ​കാ​രു​ണ്യ പ്ര​വ​ർ​ത്ത​ക​ർ തു​ട​ങ്ങി​യ​വ​ർ​ക്കാ​ണ്​ ഗോ​ൾ​ഡ​ൻ വി​സ ന​ൽ​കു​ന്ന​ത്. പി​ന്നീ​ട്​ അ​ഞ്ചു വ​ർ​ഷ റ​സി​ഡ​ന്‍സി അ​നു​വ​ദി​ക്കു​ന്ന ഗ്രീ​ൻ റ​സി​ഡ​ൻ​സി​യും പ്ര​ഖ്യാ​പി​ച്ചു. ഇ​ത്​ വി​വി​ധ പ്ര​ഫ​ഷ​ന​ലു​ക​ൾ, ഫ്രീ​ലാ​ൻ​സ​ർ​മാ​ർ, നി​ക്ഷേ​പ​ക​ർ, സം​രം​ഭ​ക​ർ എ​ന്നി​വ​ർ​ക്കാ​ണ്​ അ​നു​വ​ദി​ക്കു​ന്ന​ത്. ഇ-​ഗെ​യി​മി​ങ്​ നി​ർ​മാ​ണ മേ​ഖ​ല​യി​ലെ പ്ര​ഗ​ല്ഭ​രെ പ്രോ​ത്സാ​ഹി​പ്പി​ക്കാ​ൻ ല​ക്ഷ്യ​മി​ട്ട്​ ദു​ബൈ ദി​വ​സ​ങ്ങ​ൾ​ക്ക്​ മു​മ്പ്​ ദീ​ർ​ഘ​കാ​ല വി​സ പ്ര​ഖ്യാ​പി​ച്ചി​രു​ന്നു.