അ​ജ്മാ​നി​ൽ 15.5കി​ലോ​മീ​റ്റ​ര്‍ സൈ​ക്കി​ള്‍ ട്രാ​ക്ക് പൂ​ർ​ത്തി​യാ​കു​ന്നു

അ​ജ്മാ​നി​ല്‍ ഏ​റ്റ​വും വ​ലി​യ സൈ​കി​ളിം​ഗ് ട്രാ​ക്ക് പ​ണി പൂ​ര്‍ത്തി​യാ​കു​ന്നു. അ​ജ്മാ​നി​ലെ അ​ല്‍ സോ​റ​യി​ലാ​ണ് 15.5 കി​ലോ​മീ​റ്റ​ര്‍ നീ​ള​ത്തി​ല്‍ സൈ​ക്കി​ള്‍ സ​വാ​രി​ക്കാ​ര്‍ക്കാ​യി ട്രാ​ക്ക് ഒ​രു​ങ്ങു​ന്ന​ത്. പ്ര​കൃ​തി ര​മ​ണീ​യ​മാ​യ സ്ഥ​ല​ത്താ​ണ് ഈ ​ട്രാ​ക്ക് ഒ​രു​ങ്ങു​ന​ത്. വ്യാ​യാ​മ​ത്തി​നാ​യി സൈ​ക്കി​ള്‍ സ​വാ​രി ന​ട​ത്തു​ന്ന​വ​ര്‍ക്ക് ഏ​റെ മ​നോ​ഹ​ര​മാ​യ രീ​തി​യി​ലാ​ണ് ഇ​വി​ടെ സൗ​ക​ര്യം ഒ​രു​ക്കു​ന്ന​ത്. ന​ഗ​ര​ത്തി​ല്‍ നി​ന്നും ഏ​റെ അ​ക​ലെ​യാ​യി പ്ര​കൃ​തി മ​നോ​ഹാ​ര്യ​ത​യോ​ടോ​പ്പം ശു​ദ്ധ​മാ​യ വാ​യു ശ്വ​സി​ക്കാ​ന്‍ ക​ഴി​യു​ന്ന പ്ര​ദേ​ശ​മാ​ണ് സ്വാ​ഭാ​വി​ക ആ​വാ​സ വ്യ​വ​സ്ഥ​ക​ൾ ആ​സ്വ​ദി​ക്കു​ന്ന​തി​നാ​യി നി​ര്‍മ്മി​ക്ക​പ്പെ​ട്ട ഇ​ക്കോ - ടു​റി​സം പ​ദ്ധ​തി കേ​ന്ദ്ര​മാ​യ അ​ജ്മാ​ന്‍ അ​ല്‍ സോ​റ. അ​ജ്മാ​ന്‍ ഉ​മ്മു​ല്‍ഖു​വൈ​ന്‍ അ​തി​ര്‍ത്തി​യോ​ട് ചേ​ര്‍ന്ന് കി​ട​ക്കു​ന്ന​താ​ണ് ഈ ​മ​നോ​ഹ​ര പ്ര​ദേ​ശം. പ്ര​കൃ​തി​ദ​ത്ത റി​സ​ർ​വ് ഇ​ക്കോ സി​സ്റ്റ​ത്തി​ന്‍റെ​യും വൈ​വി​ധ്യ​ത്തി​ന്‍റെ​യും പ്ര​തീ​ക​മാ​യ സം​ര​ക്ഷി​ത മേ​ഖ​ല​യാ​ണ് ഇ​ത്. പ്ര​കൃ​തി​ക്ക് ഒ​ട്ടും കോ​ട്ടം​ത​ട്ടാ​ത്ത വി​ധ​ത്തി​ലാ​ണ് ഈ ​പ്ര​ദേ​ശ​വും സൈ​ക്കി​ൾ ട്രാ​ക്കും ഒ​രു​ക്കി​യി​രി​ക്കു​ന്ന​ത്. പ്ര​കൃ​തി​ദ​ത്ത​മാ​യ ഉ​പ​രി​ത​ല​ത്തി​ൽ വി​ശാ​ല​മാ​യ ജ​ലാ​ശ​യം, ക​ണ്ട​ല്‍കാ​ടു​ക​ള്‍ എ​ന്നി​വ​യു​ള്ള ഈ ​പ്ര​ദേ​ശ​ത്ത് ഒ​രു​ക്കി​യി​ട്ടു​ള്ള സൈ​ക്കി​ള്‍ പാ​ത ആ​രോ​ഗ്യ ജീ​വി​തം ആ​ഗ്ര​ഹി​ക്കു​ന്ന​വ​ർ​ക്ക്​ ഏ​റെ പ്ര​യോ​ജ​ന​ക​ര​മാ​കും. പ​ക്ഷി​ക​ളു​ടെ ആ​ര​വ​ത്തി​ന്‍റെ അ​ക​മ്പ​ടി​യോ​ടെ പ്ര​കൃ​തി ഭം​ഗി ആ​സ്വ​ദി​ച്ച് ശു​ദ്ധ​വാ​യു ശ്വ​സി​ച്ച് വ്യാ​യാ​മം ചെ​യ്യാം. ഈ ​ദീ​ര്‍ഘ​ദൂ​ര പാ​ത​യോ​ട​നു​ബ​ന്ധി​ച്ച് വ്യാ​യാ​മ ന​ട​ത്ത​ക്കാ​ര്‍ക്കും സൗ​ക​ര്യം ഒ​രു​ക്കു​ന്നു​ണ്ട്. നീ​ര്‍ക്കാ​ക്ക, ചേ​ര​ക്കോ​ഴി, പാ​തി​രാ​കൊ​ക്ക് മു​ത​ലാ​യ​വ അ​ല്‍ സോ​റ​യി​ലെ ക​ണ്ട​ല്‍ക്കാ​ടു​ക​ളി​ല്‍ കൂ​ട്ട​മാ​യ് ചേ​ക്കേ​റു​ന്ന​ത് ന​യ​ന​മ​നോ​ഹ​ര കാ​ഴ്ച​യാ​ണ്. ക​ണ്ട​ല്‍കാ​ടു​ക​ളോ​ട​നു​ബ​ന്ധി​ച്ച് മു​ൻ​പ്​ സ്ഥാ​പി​ച്ച 2600 മീ​റ്റ​ര്‍ നീ​ള​ത്തി​ലു​ണ്ടാ​യി​രു​ന്ന പാ​ത​യാ​ണ് ഇ​പ്പോ​ള്‍ ദീ​ർ​ഘി​പ്പി​ച്ചി​രി​കു​ന്ന​ത്. കു​ട്ടി​ക​ള്‍ക്ക് ക​ളി​ക്കാ​നു​ള്ള പാ​ര്‍ക്ക്, ബോ​ട്ടി​ങ്, ക​യാ​ക്കി​ങ്, ചെ​റി​യ മൃ​ഗ​ങ്ങ​ളു​ടെ കേ​ന്ദ്രം എ​ന്നി​വ ഇ​തി​നോ​ട് ചേ​ര്‍ന്നു​ള്ള​തി​നാ​ല്‍ കു​ടും​ബ​വു​മാ​യി എ​ത്തു​ന്ന​വ​ര്‍ക്ക് ഏ​റെ ആ​സ്വാ​ദ്യ​ക​ര​മാ​യി​രി​ക്കും. പ​ത്തു ല​ക്ഷം ച​തു​ര​ശ്ര മീ​റ്റ​റി​ല​ധി​കം വി​സ്തൃ​തി​യു​ള്ള ക​ണ്ട​ല്‍ കാ​ടു​ള്ള പ്ര​ദേ​ശ​ത്ത് പി​ങ്ക് ഫ്ലെ​മിം​ഗു​ക​ൾ ഉ​ൾ​പ്പെ​ടെ പ്രാ​ദേ​ശി​ക, ദേ​ശാ​ട​ന പ​ക്ഷി​ക​ളും ഉ​ൾ​പ്പെ​ടു​ന്ന 102 ഇ​നം പ​ക്ഷി​ക​ൾ വ​ർ​ഷം മു​ഴു​വ​നും കാ​ണ​പ്പെ​ടു​ന്നു. സ​മു​ദ്ര വി​മാ​ന​യാ​ത്ര, അ​ബ്ര, വാ​ട്ട​ര്‍ സ്പോ​ര്‍ട്സ്, സാ​ഹ​സി​ക വി​നോ​ദ​ങ്ങ​ൾ, ഔ​ട്ട്ഡോ​ർ ഫി​റ്റ്ന​സ് ക്ല​ബ്ബ്, ഗോ​ള്‍ഫ് കോ​ര്‍ട്ട് എ​ന്നി​വ​യും പ​ദ്ധ​തി​യോ​ട​നു​ബ​ന്ധി​ച്ച്​ ഒ​രു​ക്കി​യി​ട്ടു​ണ്ട്.