അവാര്‍ഡ് ദാനം നടത്തി

ഷാര്‍ജ: ഇന്ത്യ ഇന്‍റര്‍നാഷണല്‍ സ്കൂളിലെ പ്രൈമറി ക്ളാസുകളില്‍ എല്ലാ വിഷയങ്ങള്‍ക്കും എപ്ളസ് വാങ്ങി മികവ് തെളിയിച്ച മുഴുവന്‍ വിദ്യാര്‍ഥികളെയും അവാര്‍ഡ് നല്‍കി ആദരിച്ചു. പാഠ്യ-പാഠ്യേതര രംഗങ്ങളില്‍ വിദ്യാര്‍ഥികളെ ഉയര്‍ത്തി കൊണ്ടുവരിക എന്ന ലക്ഷ്യത്തോടെ ആസൂത്രണം ചെയ്ത പരിപാടിയില്‍ പ്രിന്‍സിപ്പല്‍ ഡോ. ഹലീമ സാദിയ അവാര്‍ഡ് ദാനം നിര്‍വഹിച്ചു. 
വൈസ് പ്രിന്‍സിപ്പല്‍മാരായ ഡോ. മഞ്ജു റെജി, താഹിര്‍ അലി തുടങ്ങിയവര്‍ സംബന്ധിച്ചു. 545 വിദ്യാര്‍ഥികള്‍ക്കാണ് സര്‍ട്ടിഫിക്കറ്റും സമ്മാനങ്ങളും വിതരണം ചെയ്തതെന്ന് സ്കൂള്‍ അധികൃതര്‍ അറിയിച്ചു.