‘ഹേ ​ക്യാ​ഹു​വാ’; തെ​ര​ഞ്ഞെ​ടു​പ്പ്​ ചൂ​ടു​ത​ട്ടി പ്ര​വാ​സ​വും

അ​ജ്മാ​ന്‍: കാ​ലാ​വ​സ്ഥ അ​ൽ​പം ത​ണു​പ്പാ​ണെ​ങ്കി​ലും നാ​ട്ടി​ലെ തെ​ര​ഞ്ഞെ​ടു​പ്പ് ചൂ​ട് പ്ര​വാ​സ​ലോ​ക​ത്തെ​യും ഹ​രം കൊ​ള്ളി​ക്കു​ന്നു​ണ്ട്. ഇ​ന്ത്യ​ൻ ജ​നാ​ധി​പ​ത്യ​ത്തെ സം​ബ​ന്ധി​ച്ച് ഏ​റെ പ്രാ​ധാ​ന്യ​മു​ള്ള​താ​ണ് 2024 ലെ ​തെ​ര​ഞ്ഞെ​ടു​പ്പെ​ന്ന് പ്ര​വാ​സ ലോ​ക​വും തി​രി​ച്ച​റി​യു​ന്നു​ണ്ട്. വി​വി​ധ സം​ഘ​ട​ന​ക​ള്‍ ത​ങ്ങ​ളു​ടെ മു​ന്ന​ണി​ക​ള്‍ക്ക് വോ​ട്ട് ഉ​റ​പ്പി​ക്കാ​നു​ള്ള മു​ന്നൊ​രു​ക്ക​ങ്ങ​ളി​ലാ​ണി​പ്പോ​ൾ. പ്ര​വാ​സി​ക​ളെ നാ​ട്ടി​ല്‍ കൊ​ണ്ടു​പോ​യി വോ​ട്ട് ചെ​യ്യി​പ്പി​ക്കാ​നു​ള്ള വി​മാ​നം ഒ​രു​ക്കു​ന്ന ച​ര്‍ച്ച വ​രെ ആ​രം​ഭി​ച്ചു ക​ഴി​ഞ്ഞു. ബാ​ച്ചി​ല​ര്‍ റൂ​മു​ക​ളും മ​ല​യാ​ളി​ക​ള്‍ കൂ​ട്ടം കൂ​ടു​ന്ന പ്ര​ധാ​ന​യി​ട​ങ്ങ​ളും ച​ര്‍ച്ച​ക​ളാ​ലും അ​വ​കാ​ശ​വാ​ദ​ങ്ങ​ളാ​ലും മു​ഖ​രി​ത​മാ​ണ്.

അ​ജ്മാ​നി​ലെ ബാ​ര്‍ബ​ര്‍ ഷോ​പ്പി​ല്‍ കേ​ര​ള​ത്തി​ന്‍റെ വി​വി​ധ പ്ര​ദേ​ശ​ങ്ങ​ളി​ല്‍ നി​ന്നു​ള്ള​വ​ര്‍ ഒ​ത്തു​ചേ​ര്‍ന്ന​പ്പോ​ഴു​ണ്ടാ​യ സം​വാ​ദം ഇ​ങ്ങ​നെ: തൃ​ശൂ​ര്‍ പാ​ര്‍ല​മെ​ന്‍റ് മ​ണ്ഡ​ല​ത്തി​ല്‍ നി​ന്നു​ള്ള ചാ​വ​ക്കാ​ട് ഇ​ട​ക്ക​ഴി​യൂ​ര്‍ സ്വ​ദേ​ശി മു​ഹ​മ്മ​ദ​ലി ഇ​ട​തു​പ​ക്ഷ സ്ഥാ​നാ​ര്‍ഥി സു​നി​ല്‍ കു​മാ​റി​ന്‍റെ വി​ജ​യ​ത്തി​ല്‍ ഉ​റ​ച്ചു​നി​ല്‍ക്കു​ക​യാ​ണ്. എ​ന്ത് വ​ന്നാ​ലും ഇ​ക്കു​റി തൃ​ശൂ​ര്‍ ഇ​ട​തു​പ​ക്ഷം നേ​ടു​മെ​ന്ന് ഇ​ദ്ദേ​ഹം ഉ​റ​ച്ചു​പ​റ​യു​ന്നു. കോ​ഴി​ക്കോ​ട് കി​ണാ​ശ്ശേ​രി സ്വ​ദേ​ശി മു​നീ​ര്‍ യു.​ഡി.​എ​ഫ് സ്ഥാ​നാ​ര്‍ഥി രാ​ഘ​വേ​ട്ട​ന്‍ എ​പ്പ​ഴേ ജ​യി​ച്ചു​കി​ട​ക്കു​ക​യാ​ണ് എ​ന്ന അ​വ​കാ​ശ​വാ​ദ​ത്തി​ലാ​ണ്. രാ​ഘ​വ​ന്‍ ഇ​തു​വ​രെ​ചെ​യ്ത വി​ക​സ​ന​പ്ര​വ​ര്‍ത്ത​ന​ങ്ങ​ള്‍ മു​ൻ നി​ര്‍ത്തി അ​ദ്ദേ​ഹം മി​ക​ച്ച വി​ജ​യം ആ​വ​ര്‍ത്തി​ക്കു​മെ​ന്നാ​ണ് മു​നീ​റി​ന്‍റെ അ​വ​കാ​ശ​വാ​ദം. എ​ന്നാ​ല്‍ ഇ​ക്കു​റി എ​ള​മ​രം ക​രീം മ​ണ്ഡ​ലം പി​ടി​ച്ചെ​ടു​ക്കു​മെ​ന്ന അ​വ​കാ​ശ​വാ​ദം ഉ​ന്ന​യി​ക്കു​ക​യാ​ണ് ഇ​ട​തു​പ​ക്ഷ അ​നു​യാ​യി​യാ​യ അ​ർ​ഷാ​ദ് കു​ണ്ടാ​യി​ത്തോ​ട്. പൊ​ന്നാ​നി മ​ണ്ഡ​ല​ത്തി​ലെ സ്വാ​ലി​ഹ് കൊ​ട​ക്ക​ല്ലും സൈ​നു പു​ത്ത​ന​ത്താ​ണി​യും യു.​ഡി.​എ​ഫ് സ്ഥാ​നാ​ര്‍ഥി സ​മ​ദാ​നി മി​ക​ച്ച ഭൂ​രി​പ​ക്ഷം നേ​ടു​മെ​ന്ന് വാ​ദി​ക്കു​മ്പോ​ള്‍ ശ​രീ​ഫ് കൊ​ടു​മു​ടി​യും നാ​സ​ര്‍ ക​ല്‍പ​ക​ഞ്ചേ​രി​യും ഇ​ട​തു​പ​ക്ഷ സ്ഥാ​നാ​ര്‍ഥി കെ.​എ​സ്. ഹം​സ അ​ട്ടി​മ​റി ജ​യം നേ​ടു​മെ​ന്ന അ​വ​കാ​ശ​വാ​ദം ഉ​ന്ന​യി​ക്കു​ക​യാ​ണ്. ത​ങ്ങ​ളു​ടെ മ​ണ്ഡ​ല​ങ്ങ​ള്‍ ക​ട​ന്ന് ച​ര്‍ച്ച വ​ട​ക​ര​യി​ലേ​ക്ക് മാ​റു​മ്പോ​ള്‍ ഷാ​ഫി പ​റ​മ്പി​ലി​നും ശൈ​ല​ജ ടീ​ച്ച​ര്‍ക്കും വേ​ണ്ടി ഇ​രു​കൂ​ട്ട​രും പ​ര​സ്പ​രം വാ​ദി​ക്കു​ക​യാ​ണ്. ഇ​തെ​ല്ലാം ക​ണ്ട് അ​പ്പു​റ​ത്തെ ബം​ഗാ​ളി​ക​ള്‍ ചോ​ദി​ക്കു​ന്നു ‘ഹേ ​ക്യാ​ഹു​വാ’.