ഗ​സ്സ​യി​ൽ​നി​ന്ന്​ 210 രോ​ഗി​ക​ളെ കൂ​ടി യു.​എ.​ഇ​യി​ലെ​ത്തി​ച്ചു

ദു​ബൈ: ഇ​സ്രാ​യേ​ൽ ആ​ക്ര​മ​ണ​ത്തി​ൽ ഗു​രു​ത​ര​മാ​യി പ​രി​ക്കേ​റ്റ 86 പേ​ർ ഉ​ൾ​പ്പെ​ടെ 210 രോ​ഗി​ക​ളെ ഗ​സ്സ​യി​ൽ​നി​ന്ന്​ യു.​എ.​ഇ​യി​ലെ​ത്തി​ച്ചു. ​ലോ​കാ​രോ​ഗ്യ സം​ഘ​ട​ന​യു​മാ​യി കൈ​കോ​ർ​ത്താ​ണ് ഒ​ഴി​പ്പി​ക്ക​ൽ ന​ട​പ​ടി പൂ​ർ​ത്തീ​ക​രി​ച്ച​ത്. റാ​മ​ൺ വി​മാ​ന​ത്താ​വ​ള​ത്തി​ൽ​നി​ന്ന്​ അ​ബൂ​ദ​ബി വി​മാ​ന​ത്താ​വ​ള​ത്തി​ൽ ഇ​റ​ങ്ങി​യ രോ​ഗി​ക​ളെ വി​ദ​ഗ്​​ധ ചി​കി​ത്സ​ക്കാ​യി ആ​ശു​പ​ത്രി​ക​ളി​ലേ​ക്ക്​ മാ​റ്റി. ഗ​സ്സ​യി​ൽ നി​ന്ന്​ 22ാമ​ത്തെ സം​ഘ​മാ​ണ്​ ക​ഴി​ഞ്ഞ ദി​വ​സം എ​ത്തി​യ​ത്.

ഗ​സ്സ​യി​ൽ യു​ദ്ധ​ത്തി​ൽ പ​രി​ക്കേ​റ്റ​വ​രെ​യും അ​ർ​ബു​ദ ബാ​ധി​ത​ർ ഉ​ൾ​പ്പെ​ടെ​യു​ള്ള രോ​ഗി​ക​ളേ​യും സ​ഹാ​യി​ക്കു​ന്ന​തി​നാ​യി യു.​എ.​ഇ പ്ര​സി​ഡ​ന്‍റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ ​പ്ര​ഖ്യാ​പി​ച്ച സം​രം​ഭ​ത്തി​ന്‍റെ ഭാ​ഗ​മാ​യാ​ണ്​ മാ​നു​ഷി​ക പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ന്ന​ത്. യു​ദ്ധ​ത്തി​ൽ പ​രി​ക്കേ​റ്റ 1000ല​ധി​കം കു​ട്ടി​ക​ളും 1000 അ​ർ​ബു​ദ ബാ​ധി​ത​രും യു.​എ.​ഇ​യി​ലെ ആ​ശു​പ​ത്രി​ക​ളി​ൽ ചി​കി​ത്സ​യി​ലാ​ണ്.

രോ​ഗി​ക​ളും കു​ടും​ബ​ങ്ങ​ളും അ​ട​ക്കം ഇ​തു​വ​രെ 2127 പേ​രെ​യാ​ണ്​ യു.​എ.​ഇ​യി​ലെ​ത്തി​ച്ച​ത്. യു.​എ.​ഇ​യും ലോ​കാ​രോ​ഗ്യ സം​ഘ​ട​ന​യും ത​മ്മി​ലു​ള്ള ശ​ക്ത​മാ​യ സ​ഹ​ക​ര​ണ​മാ​ണ് പു​തി​യ സം​രം​ഭ​ത്തി​ലൂ​ടെ പ്ര​തി​ഫ​ലി​ക്കു​ന്ന​തെ​ന്ന്​ വി​ദേ​ശ​കാ​ര്യ മ​ന്ത്രാ​ല​യ​ത്തി​ലെ വി​ക​സ​ന​കാ​ര്യ അ​സി. മ​ന്ത്രി സു​ൽ​ത്താ​ൻ മു​ഹ​മ്മ​ദ്​ അ​ൽ ശം​സി പ​റ​ഞ്ഞു.