220 കി​ലോ​മീ​റ്റ​ർ വേ​ഗം; ദു​ബൈ​യി​ൽ ഡ്രൈ​വ​ർ അ​റ​സ്റ്റി​ൽ

ദു​ബൈ: ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ റോ​ഡി​ലൂ​ടെ 220 കി​ലോ​മീ​റ്റ​ർ വേ​ഗ​ത്തി​ൽ സ​ഞ്ച​രി​ച്ച്​ അ​പ​ക​ട​ക​ര​മാ​യ സാ​ഹ​ച​ര്യം സൃ​ഷ്ടി​ച്ച ഡ്രൈ​വ​റെ ദു​ബൈ പൊ​ലീ​സ്​ അ​റ​സ്റ്റ്​ ചെ​യ്തു. ഡ്രൈ​വ​ർ​ക്ക്​ 50,000 ദി​ർ​ഹം പി​ഴ ചു​മ​ത്തി​യ പൊ​ലീ​സ്​ വാ​ഹ​നം പി​ടി​ച്ചെ​ടു​ത്തു.

ഇ​വ​ർ സ​മൂ​ഹ മാ​ധ്യ​മ​ത്തി​ൽ പ​ങ്കു​വെ​ച്ച വി​ഡി​യോ​യി​ൽ കാ​റി​ന്‍റെ ഡാ​ഷ്​ ബോ​ർ​ഡി​ലെ സ്പീ​ഡോ​മീ​റ്റ​റി​ൽ 220 കി​ലോ​മീ​റ്റ​ർ വേ​ഗം ദൃ​ശ്യ​മാ​കു​ന്നു​ണ്ട്​. ഈ ​ദൃ​ശ്യ​ങ്ങ​ൾ ഡ്രൈ​വ​റു​ടെ സീ​റ്റി​ൽ​നി​ന്ന് മൊ​ബൈ​ൽ ഫോ​ണി​ൽ എ​ടു​ത്ത​താ​ണെ​ന്ന് സം​ശ​യി​ക്കു​ന്നു. അ​ങ്ങ​നെ​യെ​ങ്കി​ൽ ഡ്രൈ​വി​ങ്ങി​നി​ടെ മൊ​ബൈ​ൽ ഫോ​ൺ ഉ​പ​യോ​ഗി​ച്ച കു​റ്റ​ത്തി​ന്​ ക​ന​ത്ത പി​ഴ​യും ചു​മ​ത്തു​മെ​ന്ന്​​ പൊ​ലീ​സ്​ അ​റി​യി​ച്ചു.

ഡ്രൈ​വ​റെ നി​യ​മ​ന​ട​പ​ടി​ക​ൾ​ക്കാ​യി പ​ബ്ലി​ക്​ പ്രോ​സി​ക്യൂ​ഷ​ന്​ കൈ​മാ​റി. ട്രാ​ഫി​ക്​ നി​യ​മ​ങ്ങ​ൾ മ​നഃ​പൂ​ർ​വം ലം​ഘി​ച്ച്​ സ്വ​ന്തം ജീ​വ​നും മ​റ്റു​ള്ള​വ​രു​ടെ ജീ​വ​നും അ​പ​ക​ടം വ​രു​ത്തു​ന്ന രീ​തി​യി​ലാ​ണ് ഇ​വ​ർ​ വാ​ഹ​ന​മോ​ടി​ച്ചി​രു​ന്ന​ത്.

ഇ​ത്ത​ര​ത്തി​ൽ നി​രു​ത്ത​ര​വാ​ദ​പ​ര​മാ​യി വാ​ഹ​ന​മോ​ടി​ക്കു​ക​യും അ​തി​ന്‍റെ വി​ഡി​യോ സ​മൂ​ഹ മാ​ധ്യ​മ​ങ്ങ​ളി​ൽ പ​ങ്കു​വെ​ക്കു​ക​യും ചെ​യ്യു​ന്ന​വ​രെ പി​ടി​കൂ​ടാ​നാ​യി പൊ​ലീ​സ്​ നി​രീ​ക്ഷ​ണം ശ​ക്ത​മാ​ക്കി​യി​രി​ക്കു​ക​യാ​ണ്. സ​മൂ​ഹ മാ​ധ്യ​മ​ങ്ങ​ളി​ൽ വൈ​റ​ലാ​യ അ​ഭ്യാ​സ​പ്ര​ക​ട​ന​ങ്ങ​ളു​ടെ വി​ഡി​യോ പ​രി​ശോ​ധി​ച്ച്​ ഇ​തി​ന​കം നി​ര​വ​ധി പേ​രെ അ​റ​സ്റ്റ്​ ചെ​യ്തു.

ഇ​തി​ൽ ഒ​രാ​ൾ മ​ഴ​യി​ൽ കാ​ർ ഡ്രി​ഫ്​​റ്റ്​ ചെ​യ്യു​ന്ന​ വി​ഡി​യോ സ​മൂ​ഹ മാ​ധ്യ​മ​ങ്ങ​ളി​ൽ പ​ങ്കു​വെ​ച്ച​തി​നും മ​റ്റൊ​രാ​ൾ എ​സ്.​യു.​വി ഉ​പ​യോ​ഗി​ച്ച്​ ര​ണ്ടു​ ച​ക്ര​ത്തി​ൽ അ​ഭ്യാ​സം കാ​ണി​ച്ച​തി​നു​മാ​ണ്​ അ​റ​സ്റ്റി​ലാ​യ​ത്. ഇ​ത്ത​ര​ത്തി​ൽ പി​ടി​ച്ചെ​ടു​ക്കു​ന്ന വാ​ഹ​ന​ങ്ങ​ൾ വി​ട്ടു​കി​ട്ടാ​ൻ 50,000 ദി​ർ​ഹം പി​ഴ ന​ൽ​കേ​ണ്ടി​വ​രു​മെ​ന്ന്​ ദു​ബൈ പൊ​ലീ​സ്​ ഓ​ർ​മി​പ്പി​ച്ചു.