ദു​ബൈ​ക്ക്​​ സൗ​ന്ദ​ര്യം പ​ക​ർ​ന്ന്​​ 23 വ​ർ​ഷം; മു​ഹ​മ്മ​ദ് കു​ട്ടി മ​ട​ങ്ങു​ന്നു

ദുബൈ: ജീ​വി​ക്കാ​നും ജോ​ലി ചെ​യ്യാ​നും ഏ​റ്റ​വും മി​ക​ച്ച ലോ​ക ന​ഗ​ര​മെ​ന്ന ഖ്യാ​തി​യി​ലേ​ക്ക്​ വ​ള​രു​ക​യാ​ണ്​ ദു​ബൈ. ഏ​തൊ​രു ന​ഗ​ര​ത്തെ​യും മി​ക​ച്ച​താ​ക്കു​ന്ന​തി​ൽ പ്ര​ധാ​ന​മാ​ണ്​ ശു​ചി​ത്വം. ദു​ബൈ​യു​ടെ സൗ​ന്ദ​ര്യം നി​ല​നി​ർ​ത്തു​ന്ന സാ​ധാ​ര​ണ​ക്കാ​രാ​യ ശു​ചീ​ക​ര​ണ തൊ​ഴി​ലാ​ളി​ക​ളു​ടെ വ​ലി​യ ശൃം​ഖ​ല ത​ന്നെ ന​ഗ​ര​ത്തി​ലു​ണ്ട്. അ​ക്കൂ​ട്ട​ത്തി​ലെ ഒ​രാ​ളാ​ണ്​ മ​ല​പ്പു​റം കോ​ട്ട​ക്ക​ല്‍ പ​റ​ങ്ങി​മൂ​ച്ചി​ക്ക​ൽ മു​ഹ​മ്മ​ദ് കു​ട്ടി.

ന​ഗ​ര​ത്തി​ലെ പ്ര​ധാ​ന സ്ഥ​ല​ങ്ങ​ളി​ലൊ​ന്നാ​യ അ​ബൂ​ഹൈ​ല്‍ സെ​ന്‍റ​റി​ന​ടു​ത്ത്​ ശു​ചി​ത്വം ഉ​റ​പ്പാ​ക്കാ​ൻ ഇ​ദ്ദേ​ഹ​ത്തെ​യാ​ണ്​ ക​ഴി​ഞ്ഞ ര​ണ്ട്​ ദ​ശാ​ബ്​​ദ​മാ​യി നി​യോ​ഗി​ച്ചി​രി​ക്കു​ന്ന​ത്. ഒ​രി​ക്ക​ൽ പോ​ലും ത​ന്‍റെ ജോ​ലി​യി​ൽ ഒ​രു പ​രാ​തി​ക്കും ഇ​ട​വ​രു​ത്താ​ത്ത സേ​വ​ന​മാ​ണ്​ അ​ദ്ദേ​ഹം നി​ർ​വ​ഹി​ച്ച​ത്.

അ​തോ​ടൊ​പ്പം അ​ഭി​മാ​ന​ക​ര​മാ​യ നേ​ട്ട​ങ്ങ​ൾ കൈ​വ​രി​ച്ച വ്യ​ക്തി​ത്വ​വു​മാ​ണ്. ദു​ബൈ ന​ഗ​ര​സ​ഭ​യി​ലെ ഏ​റ്റ​വും മി​ക​ച്ച ശു​ചീ​ക​ര​ണ തൊ​ഴി​ലാ​ളി​ക്കു​ള്ള പു​ര​സ്കാ​രം ആ​റു ത​വ​ണ​യാ​ണ് മു​ഹ​മ്മ​ദ് കു​ട്ടി​ക്ക് ല​ഭി​ച്ച​ത്.

ഏ​ഴാം ക്ലാ​സ് പ​ഠ​നം ക​ഴി​ഞ്ഞ് നാ​ട്ടി​ൽ സാ​ധാ​ര​ണ ജോ​ലി​ക​ൾ ചെ​യ്ത്​ ക​ഴി​യു​ന്ന​തി​നി​ടെ, ജീ​വി​തം ക​രു​പ്പി​ടി​പ്പി​ക്കാ​ന്‍ ഗ​ള്‍ഫി​ലേ​ക്ക് വ​ണ്ടി ക​യ​റി​യ​താ​ണ്. 2002 മു​ത​ല്‍ ന​ഗ​ര​സ​ഭ​യു​ടെ സ്ഥി​രം ജോ​ലി​ക്കാ​ര​നാ​ണ്. ഏ​ല്‍പ്പി​ച്ച ജോ​ലി ആ​ത്മാ​ര്‍ഥ​മാ​യി ചെ​യ്ത​പ്പോ​ൾ ആ​ഗ്ര​ഹി​ക്കാ​തെ ത​ന്നെ മു​ഹ​മ്മ​ദ്​​കു​ട്ടി​യെ തേ​ടി അം​ഗീ​കാ​ര​ങ്ങ​ൾ എ​ത്തി​ച്ചേ​രു​ക​യാ​യി​രു​ന്നു.

എ​ന്നാ​ലി​പ്പോ​ൾ സ്വ​യം തീ​രു​മാ​നി​ച്ച്​ ദു​ബൈ​യോ​ട്​ വി​ട​പ​റ​യു​ക​യാ​ണ്. ശ​നി​യാ​ഴ്ച​യാ​യി​രു​ന്നു അ​വ​സാ​ന തൊ​ഴി​ൽ​ദി​നം. മേ​ലു​ദ്യോ​ഗ​സ്ഥ​രും മ​റ്റും, ക​ഴി​യു​മെ​ങ്കി​ൽ ജോ​ലി​യി​ൽ തു​ട​ര​ണ​മെ​ന്ന്​ സ്​​നേ​ഹ​ത്തോ​ടെ ആ​വ​ശ്യ​പ്പെ​ട്ടി​ട്ടും തീ​രു​മാ​നം മാ​റ്റാ​ൻ ക​ഴി​യാ​ത്ത സാ​ഹ​ച​ര്യ​മാ​യ​തി​നാ​ൽ മ​ട​ങ്ങാ​ൻ ത​ന്നെ തീ​രു​മാ​നി​ക്കു​ക​യാ​യി​രു​ന്നു.

മൂ​ന്നു​മാ​സം മു​മ്പ്​ പ​ക്ഷാ​ഘാ​ത​ത്തി​ന്‍റെ രൂ​പ​ത്തി​ൽ തേ​ടി​യെ​ത്തി​യ പ്ര​യാ​സ​ങ്ങ​ളാ​ണ്​ മു​ഹ​മ്മ​ദ്​ കു​ട്ടി​യെ മ​ട​ങ്ങാ​ൻ നി​ർ​ബ​ന്ധി​ക്കു​ന്ന​ത്. ആ​ദ്യ​ഘ​ട്ട​ത്തി​ൽ റാ​ശി​ദ്​ ആ​ശു​പ​ത്രി​യി​ൽ ചി​കി​ത്സ തേ​ടി​യി​രു​ന്നു. പി​ന്നീ​ട്​ നാ​ട്ടി​ലേ​ക്ക്​ പോ​യി ചി​കി​ത്സി​ച്ചു. ബാ​ധ്യ​ത​ക​ൾ പ​ല​തു​മു​ള്ള​തി​നാ​ൽ വീ​ണ്ടും ജോ​ലി​ക്ക്​ എ​ത്തി​ച്ചേ​രു​ക​യാ​യി​രു​ന്നു.

എ​ന്നാ​ൽ, തൊ​ഴി​ലി​ൽ തു​ട​രാ​നാ​കാ​ൻ സാ​ധി​ക്കി​ല്ലെ​ന്ന്​ അ​ൽ​പ ദി​വ​സ​ത്തി​ന​കം ത​ന്നെ തി​രി​ച്ച​റി​ഞ്ഞു. നാ​ട്ടി​ലേ​ക്ക്​ പോ​യി ഫി​സി​യോ തെ​റ​പ്പി ചെ​യ്ത്​ ആ​രോ​ഗ്യം വീ​ണ്ടെ​ടു​ക്ക​ൽ മാ​ത്ര​മാ​ണ്​ ര​ക്ഷ. അ​തി​നി​ട​യി​ൽ ഡി​സം​ബ​റി​ൽ മ​ക​ളു​ടെ ക​ല്യാ​ണ​മു​ണ്ട്. അ​ത്​ ക​ഴി​ഞ്ഞാ​ൽ നാ​ട്ടി​ൽ ത​ന്നെ ചെ​റി​യ ജോ​ലി​ക​ളെ​ന്തെ​ങ്കി​ലും ക​ണ്ടെ​ത്തു​ക​യും വേ​ണം.

മു​നി​സി​പ്പാ​ലി​റ്റി​യി​ൽ ജോ​ലി തു​ട​ങ്ങി​യ 2002 കാ​ല​ത്തെ ദു​ബൈ ഏ​റെ മാ​റി​പ്പോ​യെ​ന്ന്​ അ​ദ്ദേ​ഹം സാ​ക്ഷ്യ​പ്പെ​ടു​ത്തു​ന്നു. അ​ക്കാ​ല​ത്ത്​ കെ​ട്ടി​ട​ങ്ങ​ൾ കു​റ​വാ​യി​രു​ന്നു. ചി​ന്തി​ക്കാ​ൻ പ​റ്റാ​ത്ത വ​ള​ർ​ച്ച​യാ​ണ്​ ന​ഗ​രം കൈ​വ​രി​ച്ച​ത്. അ​തി​ന്​ ചെ​റി​യ പ​ങ്കു​വ​ഹി​ക്കാ​ൻ സാ​ധി​ച്ച​തി​ൽ അ​ഭി​മാ​ന​മു​ണ്ട്.

മേ​ലു​ദ്യോ​ഗ​സ്ഥ​രെ​ല്ലാം വ​ള​രെ ന​ല്ല രീ​തി​യി​ലാ​ണ്​ പെ​രു​മാ​റി​യി​രു​ന്ന​ത്. മു​ദീ​റു​മാ​ർ വ​ന്ന്​ അ​ഭി​ന​ന്ദി​ക്കു​മാ​യി​രു​ന്നു. ജോ​ലി​യി​ൽ സു​ര​ക്ഷി​ത​ത്വം ഉ​റ​പ്പു​വ​രു​ത്താ​ൻ എ​ല്ലാ സം​വി​ധാ​ന​ങ്ങ​ളും ഒ​രു​ക്കാ​നും അ​ധി​കൃ​ത​ർ ശ്ര​ദ്ധി​ച്ചി​രു​ന്നു -ദു​ബൈ​യെ​ക്കു​റി​ച്ച്​ പ​റ​യാ​ൻ മു​ഹ​മ്മ​ദ്​ കു​ട്ടി​ക്ക്​ ന​ല്ല​ത്​ മാ​ത്രം.

പ്ര​വാ​സ ജീ​വി​ത​ത്തി​ലൂ​ടെ 800 സ്ക്വ​യ​ർ ഫീ​റ്റി​ൽ ചെ​റി​യൊ​രു വീ​ട്​ വെ​ച്ച​താ​ണ്​ സ​മ്പാ​ദ്യ​മെ​ന്ന്​ പ​റ​യാ​നു​ള്ള​ത്. അ​തോ​ടൊ​പ്പം ര​ണ്ട്​ മ​ക്ക​ളെ​യും പോ​റ്റി​വ​ള​ർ​ത്തി ഒ​രു നി​ല​യി​ൽ എ​ത്തി​ക്കാ​നാ​യി. മൂ​ത്ത​മ​ക​ൻ ഇ​ർ​ഷാ​ദ്​ യു.​എ.​ഇ​യി​ൽ അ​ൽ ഐ​നി​ൽ ജോ​ലി ചെ​യ്യു​ക​യാ​ണ്. മ​ക​ൾ മു​ഫീ​ദ പ​ർ​വീ​ന്‍റെ വി​വാ​ഹ​മാ​ണ്​ ഡി​സം​ബ​റി​ലേ​ക്ക്​ നി​ശ്ച​യി​ച്ചി​ട്ടു​ള്ള​ത്. പി​താ​വ്​ മൊ​യ്തീ​ൻ കു​ട്ടി. മാ​താ​വ്: പ​രേ​ത​യാ​യ ഫാ​ത്തി​മ. ഭാ​ര്യ: സു​ബൈ​ദ.