300 അ​ന്താ​രാ​ഷ്ട്ര മ​ത്സ​ര​ങ്ങ​ൾ; റെ​ക്കോ​ഡി​ന​രി​കെ ഷാ​ർ​ജ സ്റ്റേ​ഡി​യം

ഷാ​ർ​ജ: വീ​ണ്ടും ച​രി​ത്രം കു​റി​ക്കാ​ൻ ഒ​രു​ങ്ങി ഷാ​ർ​ജ ക്രി​ക്ക​റ്റ് സ്റ്റേ​ഡി​യം. ലോ​ക​ത്ത്​ ഏ​റ്റ​വും കൂ​ടു​ത​ൽ അ​ന്താ​രാ​ഷ്ട്ര ഏ​ക​ദി​ന ക്രി​ക്ക​റ്റ്​ മ​ത്സ​ര​ങ്ങ​ൾ ന​ട​ന്ന വേ​ദി എ​ന്ന നേ​ട്ട​ത്തി​ന്​ പി​റ​കെ എ​ല്ലാ ഫോ​ർ​മാ​റ്റി​ലു​മാ​യി ഏ​റ്റ​വും കൂ​ടു​ത​ൽ അ​ന്താ​രാ​ഷ്ട്ര മ​ത്സ​ര​ങ്ങ​ൾ ന​ട​ക്കു​ന്ന വേ​ദി​യാ​യി മാ​റു​ക​യാ​ണ്​​​ ഷാ​ർ​ജ ക്രി​ക്ക​റ്റ്​ സ്​​റ്റേ​ഡി​യം.

നി​ല​വി​ൽ 299 അ​ന്താ​രാ​ഷ്ട്ര മ​ത്സ​ര​ങ്ങ​ൾ​ക്ക് ഷാ​ർ​ജ ക്രി​ക്ക​റ്റ് സ്റ്റേ​ഡി​യം ആ​തി​ഥ്യം വ​ഹി​ച്ചു ക​ഴി​ഞ്ഞു. വ​നി​ത ടി20 ​ലോ​ക​ക​പ്പ്​ കൂ​ടി വ​രു​ന്ന​തോ​ടെ മ​ത്സ​ര​ങ്ങ​ളു​ടെ എ​ണ്ണം 300 ക​വി​യും. ഒ​ക്ടോ​ബ​ർ മൂ​ന്നി​ന് വ​നി​ത ടി20 ​ലോ​ക​ക​പ്പി​ന്‍റെ ഉ​ദ്ഘാ​ട​ന​വേ​ദി​യാ​കാ​ൻ ത​യാ​റെ​ടു​ക്കു​ന്ന​തി​ന് തൊ​ട്ടു​മു​മ്പാ​ണ് മ​റ്റൊ​രു ലോ​ക​റെ​ക്കോ​ഡി​ന്‍റെ തൊ​ട്ട​രി​കി​ലാ​ണ് ത​ങ്ങ​ളെ​ന്ന് ഷാ​ർ​ജ ക്രി​ക്ക​റ്റ്​ സ്റ്റേ​ഡി​യം അ​ധി​കൃ​ത​ർ പ്ര​ഖ്യാ​പി​ച്ച​ത്.

250 അ​ന്താ​രാ​ഷ്ട്ര ഏ​ക​ദി​ന മ​ത്സ​ര​ങ്ങ​ൾ ന​ട​ന്ന ആ​ദ്യ സ്റ്റേ​ഡി​യം എ​ന്ന റെ​ക്കോ​ഡ് ഷാ​ർ​ജ ക​ഴി​ഞ്ഞ ദി​വ​സം പി​ന്നി​ട്ടി​രു​ന്നു. ര​ണ്ടാം സ്ഥാ​ന​ത്തു​ള്ള സിം​ബാ​ബ് വേ​യി​ലെ ഹ​രാ​രെ ക്രി​ക്ക​റ്റ് സ്റ്റേ​ഡി​യ​ത്തി​ൽ 185 ഏ​ക​ദി​ന​ങ്ങ​ളാ​ണ് ഇ​തു​വ​രെ ന​ട​ന്ന​ത്.

500 അ​ന്താ​രാ​ഷ്ട്ര മ​ത്സ​ര​ങ്ങ​ൾ എ​ന്ന റെ​ക്കോ​ഡ് കൂ​ടി സ്വ​ന്ത​മാ​ക്കാ​ൻ ത​യാ​റെ​ടു​ക്കു​ക​യാ​ണെ​ന്ന്​ ഷാ​ർ​ജ ടൂ​റി​സം ചെ​യ​ർ​മാ​ൻ ഖാ​ലി​ദ് ജാ​സിം സെ​യ്ഫ് അ​ൽ മി​ദ്ഫ പ​റ​ഞ്ഞു. അ​തോ​ടൊ​പ്പം പു​രു​ഷ, വ​നി​ത താ​ര​ങ്ങ​ൾ​ക്ക്​ മ​ത്സ​ര​ത്തു​ക ഏ​കീ​ക​രി​ച്ച​ശേ​ഷം ന​ട​ക്കു​ന്ന ആ​ദ്യ വ​നി​ത ലോ​ക​ക​പ്പി​ന് തു​ട​ക്കം കു​റി​ക്കു​ന്ന​ത് ഷാ​ർ​ജ​യി​ലാ​ണ് എ​ന്ന​ത് മ​റ്റൊ​രു റെ​ക്കോ​ഡാ​ണെ​ന്ന്​ യു.​എ.​ഇ ക്രി​ക്ക​റ്റ് ബോ​ർ​ഡം​ഗം വ​ലീ​ദ് ബൂ​ഖാ​തി​ർ പ​റ​ഞ്ഞു.

ടി20 ​വ​നി​ത ലോ​ക​ക​പ്പ് ബു​ധ​നാ​ഴ്ച വൈ​കു​ന്നേ​രം ആ​ഘോ​ഷ​പൂ​ർ​വം ഷാ​ർ​ജ സ്റ്റേ​ഡി​യ​ത്തി​ലെ​ത്തി​ച്ചി​രു​ന്നു. ഷാ​ർ​ജ ക്രി​ക്ക​റ്റ് സി.​ഇ.​ഒ ഖ​ലാ​ഫ് ബു​ഖാ​തി​ർ, ഷാ​ർ​ജ ക്രി​ക്ക​റ്റ് അം​ഗം നാ​സി​ർ അ​ക്രം, ഷാ​ർ​ജ ക്രി​ക്ക​റ്റ് ജ​ന​റ​ൽ മാ​നേ​ജ​ർ മ​സ​ർ​ഖാ​ൻ എ​ന്നി​വ​ർ ച​ട​ങ്ങി​ൽ പ​ങ്കെ​ടു​ത്തു.

ഒ​ക്​​ടോ​ബ​ർ മൂ​ന്നി​ന്​ ന​ട​ക്കു​ന്ന ആ​ദ്യ മ​ത്സ​ര​ത്തി​ൽ ബം​ഗ്ലാ​ദേ​ശും സ്​​കോ​ട്ട്​​ല​ൻ​ഡും ഏ​റ്റു​മു​ട്ടും. തു​ട​ർ​ന്ന്​ പാ​കി​സ്താ​നും ശ്രീ​ല​ങ്ക​യും ത​മ്മി​ലാ​ണ്​ ര​ണ്ടാ​മ​ത്തെ മ​ത്സ​രം. ആ​ദ്യ റൗ​ണ്ട്​ മ​ത്സ​ര​ങ്ങ​ൾ ഒ​ക്​​ടോ​ബ​ർ 15വ​രെ നീ​ളും. 17, 18 തീ​യ​തി​ക​ളി​ലാ​ണ്​ സെ​മി​ഫൈ​ന​ൽ മ​ത്സ​ര​ങ്ങ​ൾ. 20ന്​ ​ദു​ബൈ​യി​ലാ​ണ്​ ഫൈ​ന​ൽ.