50 പദ്ധതികൾ രണ്ടാംഘട്ടം: മനുഷ്യവിഭവം ശക്​തിപ്പെടുത്തും

ദു​ബൈ: യു.​എ.​ഇ സു​വ​ർ​ണ ജൂ​ബി​ലി ആ​ഘോ​ഷ​ങ്ങ​ളോ​ട​നു​ബ​ന്ധി​ച്ച്​ സെ​പ്​​റ്റം​ബ​റി​ൽ തു​ട​ക്കം​കു​റി​ക്കു​ന്ന 50 പ​ദ്ധ​തി​ക​ളു​ടെ ര​ണ്ടാം​ഘ​ട്ടം പ്ര​ഖ്യാ​പി​ച്ചു. രാ​ജ്യ​ത്തി​െൻറ മ​നു​ഷ്യ​വി​ഭ​വം ശ​ക്​​തി​പ്പെ​ടു​ത്താ​നും സ്വ​കാ​ര്യ മേ​ഖ​ല​യി​ൽ സ്വ​ദേ​ശി​ക​ൾ​ക്ക്​ കൂ​ടു​ത​ൽ തൊ​ഴി​ല​വ​സ​ര​ങ്ങ​ൾ സൃ​ഷ്​​ടി​ക്കാ​നും​ ഊ​ന്ന​ൽ ന​ൽ​കു​ന്ന 13 പ​ദ്ധ​തി​ക​ളാ​ണ്​ ​വെ​ളി​പ്പെ​ടു​ത്തി​യ​ത്. ക​ഴി​ഞ്ഞ ആ​ഴ്​​ച ഒ​ന്നാം​ഘ​ട്ട​ത്തി​ലും 13 പ​ദ്ധ​തി​ക​ളാ​ണ്​ പ്ര​ഖ്യാ​പി​ച്ചി​രു​ന്ന​ത്. അ​ബൂ​ദ​ബി​യി​ലെ ഖ​സ​ർ അ​ൽ വ​ത്​​ൻ കൊ​ട്ടാ​ര​ത്തി​ൽ​ യു.​എ.​ഇ മ​ന്ത്രി​സ​ഭ കാ​ര്യ വ​കു​പ്പ്​ മ​ന്ത്രി മു​ഹ​മ്മ​ദ്​ അ​ൽ ഗ​ർ​ഗാ​വി​യു​ടെ നേ​തൃ​ത്വ​ത്തി​ലാ​ണ്​ പ​ദ്ധ​തി​ക​ൾ വെ​ളി​പ്പെ​ട​ു​ത്തി​യ​ത്. യു.​എ.​ഇ പൗ​ര​ന്മാ​ർ​ക്ക് പു​തി​യ സ്വ​കാ​ര്യ മേ​ഖ​ല​യി​ലെ 75,000 തൊ​ഴി​ല​വ​സ​ര​ങ്ങ​ൾ സൃ​ഷ്​​ടി​ക്കു​ന്ന​തി​ന് 24 ബി​ല്യ​ൺ ദി​ർ​ഹം അ​നു​വ​ദി​ച്ചു.

സ്വ​കാ​ര്യ മേ​ഖ​ല​യി​ൽ ബി​സി​ന​സ്​ ആ​രം​ഭി​ക്കാ​നാ​യി ബി​രു​ദം പൂ​ർ​ത്തി​യാ​യ​വ​രും പ​ഠി​ക്കു​ന്ന​വ​രു​മാ​യ സ്വ​ദേ​ശി​ക​ൾ​ക്ക്​ ഒ​രു ബി​ല്യ​ൺ ദി​ർ​ഹം അ​നു​വ​ദി​ച്ചി​ട്ടു​മു​ണ്ട്.യു.​എ.​ഇ രാ​ഷ്​​ട്ര പി​താ​വ്​ ശൈ​ഖ്​ സാ​യി​ദി​െൻറ കാ​ഴ്​​ച​പ്പാ​ടി​ൽ​നി​ന്ന്​ പ്ര​ചോ​ദ​ന​മു​ൾ​ക്കൊ​ണ്ടാ​ണ്​ പ​ദ്ധ​തി​ക​ൾ രൂ​പ​പ്പെ​ടു​ത്തി​യ​തെ​ന്ന്​ ഗ​ർ​ഗാ​വി പ​റ​ഞ്ഞു. സ്വ​കാ​ര്യ മേ​ഖ​ല​യി​ൽ ഇ​മാ​റാ​ത്തി പൗ​ര​ന്മാ​രെ കൂ​ടു​ത​ലാ​യി ഇ​ട​പെ​ടു​ന്ന​തി​ന്​ പ്രേ​രി​പ്പി​ക്കു​ന്ന​താ​ണ്​ പ​ദ്ധ​തി​ക​ൾ.

പു​തി​യ പ​ദ്ധ​തി​ക​ൾ

1. സ്വ​കാ​ര്യ മേ​ഖ​ല​യി​ലേ​ക്ക്​ പൗ​ര​ന്മാ​രെ പ​രി​ശീ​ലി​പ്പി​ക്കു​ന്ന​തി​ന്​ ചെ​ല​വ് സ​ർ​ക്കാ​ർ വ​ഹി​ക്കും. പ്ര​തി​മാ​സം 8000 ദി​ർ​ഹം യൂ​നി​വേ​ഴ്​​സി​റ്റി ഫീ​സാ​യി ന​ൽ​കും.

2. ജോ​ലി ന​ഷ്​​ട​പ്പെ​ട്ട്​ അ​ഞ്ച് വ​ർ​ഷം സ്വ​കാ​ര്യ മേ​ഖ​ല​യി​ലെ പൗ​ര​ന്മാ​രു​ടെ ശ​മ്പ​ള​ത്തെ സ​ഹാ​യി​ക്കു​ന്ന​തി​ന്​ പ​ദ്ധ​തി.

3. പ്രോ​ഗ്രാ​മി​ങ്, ന​ഴ്​​സി​ങ്, അ​ക്കൗ​ണ്ട​ൻ​സി തു​ട​ങ്ങി​യ പ്ര​ത്യേ​ക സ്വ​കാ​ര്യ മേ​ഖ​ല​ക​ളി​ൽ ജോ​ലി ചെ​യ്യു​ന്ന പൗ​ര​ന്മാ​രെ സ​ഹാ​യി​ക്കാ​ൻ പ​ദ്ധ​തി ന​ട​പ്പി​ലാ​ക്കും. ശ​മ്പ​ള​ത്തേ​ക്കാ​ൾ 5,000 ദി​ർ​ഹം നി​ശ്ചി​ത ബോ​ണ​സ് അ​ഞ്ചു വ​ർ​ഷ​ത്തേ​ക്ക് ന​ൽ​കും.

4. 20,000 ദി​ർ​ഹ​ത്തി​ൽ താ​ഴെ വേ​ത​ന​മു​ള്ള സ്വ​കാ​ര്യ മേ​ഖ​ല​യി​ലെ ജീ​വ​ന​ക്കാ​രു​ടെ പെ​ൻ​ഷ​ൻ ഫ​ണ്ടി​ന്​ സ​ഹാ​യം ന​ൽ​കും.

5. സ്വ​കാ​ര്യ മേ​ഖ​ല​യി​ലെ ജീ​വ​ന​ക്കാ​രു​ടെ മ​ക്ക​ൾ​ക്ക് അ​ല​വ​ൻ​സു​ക​ൾ ന​ൽ​കും. ഓ​രോ കു​ട്ടി​ക്കും 800 ദി​ർ​ഹ​വും ഒ​രു കു​ടും​ബ​ത്തി​ന് പ​ര​മാ​വ​ധി 3,200 ദി​ർ​ഹ​വും ന​ൽ​കും.

6. വി​വി​ധ മേ​ഖ​ല​ക​ളി​ലെ ഇ​മാ​റാ​ത്തി​ക​ൾ​ക്ക്​ പ​രി​ശീ​ല​ന പ​രി​പാ​ടി​ക​ൾ​ക്കാ​യി സ​ർ​ക്കാ​ർ 1.25 ബി​ല്യ​ൺ ദി​ർ​ഹം അ​നു​വ​ദി​ക്കും.

7. സ്വ​കാ​ര്യ, അ​ർ​ധ സ​ർ​ക്കാ​ർ ക​മ്പ​നി​ക​ളു​മാ​യി സ​ഹ​ക​രി​ച്ച് സ​ർ​ക്കാ​ർ ഒ​രു തൊ​ഴി​ൽ പ​രി​ശീ​ല​ന പ​ദ്ധ​തി ആ​രം​ഭി​ക്കും.

8. സ്വ​കാ​ര്യ മേ​ഖ​ല​യി​ലെ തൊ​ഴി​ലു​ട​മ​ക​ൾ ഓ​രോ വ​ർ​ഷ​വും ഇ​മാ​റാ​ത്തി തൊ​ഴി​ലാ​ളി​ക​ളെ 2 ശ​ത​മാ​നം വ​ർ​ധി​പ്പി​ക്ക​ണം

9. ന​ഴ്​​സി​ങ്​ മേ​ഖ​ല​യി​ൽ ഇ​മാ​റാ​ത്തി​ക​ളു​ടെ എ​ണ്ണം വ​ർ​ധി​ക്കു​ന്ന​തി​ന്​ പ​ദ്ധ​തി.

10. സ​ർ​വ​ക​ലാ​ശാ​ല വി​ദ്യാ​ർ​ഥി​ക​ൾ​ക്കും ബി​രു​ദ​ധാ​രി​ക​ൾ​ക്കു​മാ​യി ചെ​റി​യ വാ​യ്​​പ​ക​ൾ​ക്ക്​ ഒ​രു ബി​ല്യ​ൺ ദി​ർ​ഹം

11.ഫെ​ഡ​റ​ൽ സ​ർ​ക്കാ​ർ ജീ​വ​ന​ക്കാ​ർ​ക്ക് സ്വ​ന്ത​മാ​യി ബി​സി​ന​സ്​ തു​ട​ങ്ങാ​ൻ ആ​റ് മു​ത​ൽ 12 മാ​സം വ​രെ ഇ​ട​വേ​ള ന​ൽ​കും. ഇ​ക്കാ​ല​യ​ള​വി​ൽ പ​കു​തി ശ​മ്പ​ളം ന​ൽ​കും.

12. സ്വ​ന്തം ബി​സി​ന​സ്​ ആ​രം​ഭി​ക്കാ​ൻ ആ​ഗ്ര​ഹി​ക്കു​ന്ന​വ​ർ​ക്ക് ഫെ​ഡ​റ​ൽ സ​ർ​ക്കാ​ർ 50 വ​യ​സ്സി​നു ശേ​ഷം വി​ര​മി​ക്ക​ൽ പ​ദ്ധ​തി.

13. സ്വ​കാ​ര്യ മേ​ഖ​ല​യി​ലെ ജോ​ലി ന​ഷ്​​ട​പ്പെ​ട്ട പൗ​ര​ന്മാ​ർ​ക്ക് താ​ൽ​ക്കാ​ലി​ക സാ​മ്പ​ത്തി​ക സ​ഹാ​യം.