കേരളത്തിൽനിന്നുള്ള മെഡിക്കൽ സംഘം യു.എ.ഇയിൽ

ദുബൈ: കേരളത്തിൽ നിന്നുള്ള 57 അംഗ മെഡിക്കൽ സംഘം യു.എ.ഇയിൽ എത്തി. ആസ്​റ്റർ, മെഡ്​കെയർ ആശുപത്രികളിലെ 21 പേരടക്കമുള്ള സംഘം നെടുമ്പാശ്ശേരി വിമാനത്താവളത്തിൽനിന്നാണ് ​പ്രത്യേക വിമാനത്തിൽ​ ദുബൈയിലെത്തിയത്​. യു.എ.ഇയിൽ ജോലി ചെയ്​തിരുന്ന ഇവർ ലോക്​ഡൗണിനെ തുടർന്ന്​ നാട്ടിൽ കുടുങ്ങുകയായിരുന്നു.

ഇന്ത്യയിൽനിന്ന്​ യു.എ.ഇയിലെത്തുന്ന മൂന്നാമത്തെ മെഡിക്കൽ സംഘമാണിത്​. ആസ്​റ്റര്‍, മെഡ്കെയര്‍ ജീവനക്കാര്‍ എത്തിയത്​ യു.എ.ഇയിലെ കോവിഡ് രോഗികള്‍ക്ക് ഗുണനിലവാരമുള്ള പരിചരണം നല്‍കാനുള്ള തങ്ങളുടെ ശ്രമങ്ങളെ ശക്തിപ്പെടുത്തുമെന്ന്​ ആസ്​റ്റര്‍ ഡി.എം ഹെല്‍ത്ത് കെയര്‍ ഡെപ്യൂട്ടി മാനേജിങ്ങ് ഡയറക്ടര്‍ അലീഷാ മൂപ്പന്‍ പറഞ്ഞു. നേരത്തെ ദുബായിലെത്തിയ 88 ക്രിട്ടിക്കല്‍ കെയര്‍ മെഡിക്കല്‍ ജീവനക്കാരുടെ ബാച്ചിനൊപ്പം ചേർന്ന്​ ഇവര്‍ പ്രവര്‍ത്തിക്കും.

ജീവനക്കാരുടെ സുരക്ഷിതമായ തിരിച്ചുവരവ് വേഗത്തിലാക്കാന്‍ നടപടി സ്വീകരിച്ച യു.എ.ഇ സര്‍ക്കാര്‍, ദു​ൈബ ഹെല്‍ത്ത് അതോറിറ്റി, ഇന്ത്യയിലെ യു.എ.ഇ എംബസി, ദുബൈയിലെ ഇന്ത്യന്‍ കോണ്‍സുലേറ്റ് എന്നിവർക്ക്​ നന്ദി അറിയിക്കുന്നതായും അലീഷാ പറഞ്ഞു.