60 ല​ക്ഷം കി​ലോ​മീ​റ്റ​ർ, ആ​റു​കോ​ടി യാ​ത്ര​ക്കാ​ർ; പ​ത്താം വാ​ർ​ഷി​ക നി​റ​വി​ൽ ദു​ബൈ ട്രാം

ദു​ബൈ: എ​മി​റേ​റ്റി​ലെ പൊ​തു​ഗ​താ​ഗ​ത രം​ഗ​ത്ത്​ പ​ത്തു വ​ർ​ഷം പൂ​ർ​ത്തി​യാ​ക്കി ദു​ബൈ ട്രാം ​സ​ർ​വി​സ്. 2014 ന​വം​ബ​ർ 11നാ​യി​രു​ന്നു ദു​ബൈ ട്രാ​മി​ന്‍റെ ക​ന്നി യാ​ത്ര. 60 ല​ക്ഷം കി​ലോ​മീ​റ്റ​റാ​ണ് ക​ഴി​ഞ്ഞ പ​ത്തു വ​ർ​ഷ​ത്തി​നി​ട​യി​ൽ ദു​ബൈ ട്രാം ​സ​ഞ്ച​രി​ച്ച​ത്​. അ​തോ​ടൊ​പ്പം ആ​റ്​ കോ​ടി​യി​ല​ധി​കം പേ​ർ ട്രാ​മി​ൽ യാ​ത്ര പൂ​ർ​ത്തി​യാ​ക്കു​ക​യും ചെ​യ്ത​താ​യി ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ) അ​റി​യി​ച്ചു. 99.9 ശ​ത​മാ​നം കൃ​ത്യ​നി​ഷ്ഠ പാ​ലി​ക്കാ​നും ട്രാ​മി​ന്​ ക​ഴി​ഞ്ഞു.

ദു​ബൈ​യു​ടെ പൊ​തു​ഗ​താ​ഗ​ത രം​ഗ​ത്ത്​ നി​ർ​ണാ​യ​ക​മാ​യ പ​ങ്കാ​ണ്​ ദു​ബൈ ട്രാ​മി​നു​ള്ള​ത്. അ​ൽ സു​ഫൂ​ഹ് റോ​ഡി​ലെ 11 പ്ര​ധാ​ന സ്റ്റേ​ഷ​നു​ക​ളെ ബ​ന്ധി​പ്പി​ച്ചു​ള്ള ട്രാം ​യാ​ത്ര വി​നോ​ദ സ​ഞ്ചാ​രി​ക​ളു​ടെ പ്ര​ധാ​ന ആ​ക​ർ​ഷ​ണം കൂ​ടി​യാ​ണ്. അ​ൽ സു​ഫൂ​ഹ്​ സ്​​റ്റേ​ഷ​നി​ൽ​നി​ന്ന്​ 42 മി​നി​റ്റ്​ യാ​ത്ര​യാ​ണ്​ ജു​മൈ​റ ലേ​ക്സ്​ ട​വ​ർ സ്​​റ്റേ​ഷ​നി​ലേ​ക്കു​ള്ള​ത്.

പാം ​ജു​മൈ​റ, ദു​ബൈ നോ​ള​ജ്​ വി​ല്ലേ​ജ്, ദു​ബൈ മീ​ഡി​യ സി​റ്റി, ജെ.​ബി.​ആ​ർ, ദു​ബൈ മ​റീ​ന തു​ട​ങ്ങി​യ പ്ര​ധാ​ന ആ​ക​ർ​ഷ​ണ​ങ്ങ​ളി​ലൂ​ടെ​യു​ള്ള ​ട്രാം ​യാ​ത്ര മ​നോ​ഹ​ര​മാ​യ അ​നു​ഭ​വം സ​മ്മാ​നി​ക്കു​ന്ന​താ​ണ്.മ​റ്റ്​ ഗ​താ​ഗ​ത സം​വി​ധാ​ന​ങ്ങ​ളാ​യ ദു​ബൈ മെ​ട്രോ, പൊ​തു​ഗ​താ​ഗ​ത ബ​സു​ക​ൾ, ടാ​ക്സി​ക​ൾ, സൈ​ക്ലി​ങ്​ ട്രാ​ക്കു​ക​ൾ എ​ന്നി​വ​യു​മാ​യി സം​യോ​ജി​പ്പി​ച്ചാ​ണ്​ ട്രാം ​സ​ർ​വി​സ്​ ന​ട​ത്തു​ന്ന​ത്. ഇ​ത്​ യാ​ത്ര​ക്കാ​ർ​ക്ക്​ ത​ട​സ്സ​മി​ല്ലാ​ത്ത സേ​വ​നം ന​ൽ​കാ​ൻ സ​ഹാ​യി​ക്കു​ന്നു.

പൂ​ർ​ണ​മാ​യും ശീ​തീ​ക​രി​ച്ച സ്റ്റേ​ഷ​നു​ക​ൾ​ക്കൊ​പ്പം ഓ​ട്ടോ​മാ​റ്റി​ക്​ ഡോ​ർ സം​വി​ധാ​നം ഉ​ൾ​പ്പെ​ടെ യാ​ത്ര​ക്കാ​ർ​ക്ക്​ സു​ഗ​മ​വും മി​ക​ച്ച സു​ര​ക്ഷ ഉ​റ​പ്പു​ന​ൽ​കു​ന്ന​തു​മാ​യ സാ​​​ങ്കേ​തി​ക വി​ദ്യ​ക​ളാ​ണ്​ ട്രാ​മി​ൽ ഉ​പ​യോ​ഗി​ക്കു​ന്ന​ത്. യൂ​റോ​പ്പി​നു​പു​റ​ത്ത്​ ആ​ദ്യ​മാ​യി​ ഭൂ​മി​ക്ക​ടി​യി​ലൂ​ടെ​യു​ള്ള വൈ​ദ്യു​തി ലൈ​നു​ക​ളി​ൽ നി​ന്നു​ള്ള ഊ​ർ​ജം ഉ​പ​യോ​ഗി​ച്ച്​ ട്രാം ​സ​ർ​വി​സ്​ ന​ട​ത്തു​ന്ന​ത്​ യു.​എ.​ഇ​യി​ലാ​ണ്.

11 ട്രാ​മു​ക​ളാ​ണ്​ നി​ല​വി​ൽ ദു​ബൈ​യി​ൽ സ​ർ​വി​സ്​ ന​ട​ത്തു​ന്ന​ത്. ഗോ​ൾ​ഡ്, സി​ൽ​വ​ർ, സ്ത്രീ​ക​ൾ​ക്കും കു​ട്ടി​ക​ൾ​ക്കു​മാ​യു​ള്ള പ്ര​ത്യേ​ക ക​മ്പാ​ർ​ട്ട്മെ​ന്‍റ്​ ഉ​ൾ​പ്പെ​ടെ ഓ​രോ ട്രാ​മി​ലും ഏ​ഴ്​ ക​മ്പാ​ർ​ട്ട്​​മെ​ന്‍റു​ക​ളാ​ണു​ള്ള​ത്.