ത​ട​വു​കാ​ര്‍ക്ക് 91 യാ​ത്രാ​ടി​ക്ക​റ്റു​ക​ൾ ന​ല്‍കി

അ​ജ്മാ​ന്‍: എ​മി​റേ​റ്റി​ലെ ജ​യി​ൽ ത​ട​വു​കാ​ര്‍ക്ക് നാ​ട്ടി​ലേ​ക്ക്​ മ​ട​ങ്ങാ​ൻ 91 യാ​ത്രാ​ടി​ക്ക​റ്റു​ക​ൾ ന​ല്‍കി. ഇ​ത്തി​ഹാ​ദ് ചാ​രി​റ്റ​ബി​ൾ ഫൗ​ണ്ടേ​ഷ​ൻ ആ​ഭി​മു​ഖ്യ​ത്തി​ലാ​ണ് ത​ട​വു​കാ​ര്‍ക്കു​ള്ള ടി​ക്ക​റ്റു​ക​ള്‍ ന​ല്‍കി​യ​ത്. ശി​ക്ഷാ​കാ​ലാ​വ​ധി​ക്ക് ശേ​ഷം അ​വ​ര​വ​രു​ടെ നാ​ടു​ക​ളി​ലേ​ക്ക് എ​ത്തി​ച്ചേ​രു​ന്ന​തി​നു​ള്ള യാ​ത്രാ​ടി​ക്ക​റ്റു​ക​ളാ​ണ് ചാ​രി​റ്റി​യു​ടെ ആ​ഭി​മു​ഖ്യ​ത്തി​ല്‍ പൊ​ലീ​സ് അ​ധി​കൃ​ത​ര്‍ക്ക് കൈ​മാ​റി​യ​ത്. 91 പേ​ര്‍ക്കു​ള്ള യാ​ത്രാ​ടി​ക്ക​റ്റി​ന്‍റെ തു​ക​യാ​യ 84,000 ദി​ർ​ഹ​ത്തി​ന്‍റെ ചെ​ക്ക് അ​ജ്മാ​നി​ലെ ഇ​ത്തി​ഹാ​ദ് ചാ​രി​റ്റ​ബി​ൾ ഫൗ​ണ്ടേ​ഷ​ൻ സെ​ക്ര​ട്ട​റി ജ​ന​റ​ൽ ഹ​രേ​ബ് അ​ൽ അ​രി​യാ​നി കൈ​മാ​റി.

അ​ജ്മാ​നി​ലെ ശി​ക്ഷാ, തി​രു​ത്ത​ൽ വി​ഭാ​ഗം ഡ​യ​റ​ക്ട​ർ ലെ​ഫ്. കേ​ണ​ൽ മു​ഹ​മ്മ​ദ് മു​ബാ​റ​ക് അ​ൽ ഗ​ഫ്​​ലി ചെ​ക്ക് ഏ​റ്റു​വാ​ങ്ങി. ചാ​രി​റ്റ​ബി​ൾ ഫൗ​ണ്ടേ​ഷ​ൻ എ​ക്‌​സി​ക്യൂ​ട്ടി​വ് ഡ​യ​റ​ക്ട​ർ നാ​സ​ർ ബി​ൻ അ​ലി അ​ൽ ജു​നൈ​ബി അ​ട​ക്ക​മു​ള്ള നി​ര​വ​ധി ഉ​ദ്യോ​ഗ​സ്ഥ​ര്‍ ച​ട​ങ്ങി​ല്‍ സ​ന്നി​ഹി​ത​രാ​യി​രു​ന്നു. കാ​ലാ​വ​ധി ക​ഴി​ഞ്ഞി​ട്ടും നാ​ട്ടി​ലേ​ക്ക്​ മ​ട​ങ്ങാ​നാ​വാ​തെ പ്ര​യാ​സ​പ്പെ​ടു​ന്ന ത​ട​വു​കാ​ര്‍ക്ക് കു​ടും​ബ​ങ്ങ​ളി​ലേ​ക്ക് എ​ത്തി​ച്ചേ​രു​ന്ന​തി​ന് ഇ​ത്തി​ഹാ​ദ് ചാ​രി​റ്റ​ബി​ൾ ഫൗ​ണ്ടേ​ഷ​ന്‍റെ സ​ഹാ​യം ഏ​റെ അ​നു​ഗ്ര​ഹ​മാ​കും.