ഉച്ചവിശ്രമനിയമം ലംഘിച്ചത്​ 96 കമ്പനികൾ

ദു​ബൈ: ക​ന​ത്ത ചൂ​ടി​ൽ​നി​ന്ന്​ പു​റം​ജീ​വ​ന​ക്കാ​ർ​ക്ക്​ ആ​ശ്വാ​സം ന​ൽ​കാ​ൻ യു.​എ.​ഇ തൊ​ഴി​ൽ മ​ന്ത്രാ​ല​യം പ്ര​ഖ്യാ​പി​ച്ച ഉ​ച്ച​വി​ശ്ര​മ നി​യ​മം 96 ക​മ്പ​നി​ക​ൾ ലം​ഘി​ച്ച​താ​യി ക​ണ്ടെ​ത്തി.

1,13,000 സൈ​റ്റു​ക​ളി​ൽ ന​ട​ത്തി​യ പ​രി​ശോ​ധ​ന​യി​ലാ​ണ്​ 96 ക​മ്പ​നി​ക​ൾ നി​യ​മം ലം​ഘി​ച്ച​താ​യി ​ക​ണ്ടെ​ത്തി​യ​ത്. യു.​എ.​ഇ മാ​ന​വ വി​ഭ​വ​ശേ​ഷി, എ​മി​റ​റ്റൈ​സേ​ഷ​ൻ മ​ന്ത്രാ​ല​യ​മാ​ണ്​ ചൊ​വ്വാ​ഴ്ച ഇ​ക്കാ​ര്യം വെ​ളി​പ്പെ​ടു​ത്തി​യ​ത്.

ജൂ​ൺ 15 മു​ത​ൽ സെ​പ്​​റ്റം​ബ​ർ 15 വ​രെ മൂ​ന്നു​മാ​സ​​ത്തേ​ക്കാ​യി​രു​ന്നു യു.​എ.​ഇ​യി​ൽ ഉ​ച്ച​വി​ശ്ര​മ നി​യ​മം പ്ര​ഖ്യാ​പി​ച്ചി​രു​ന്ന​ത്. ഇ​ക്ക​ഴി​ഞ്ഞ 15ന്​ ​നി​യ​മം പി​ൻ​വ​ലി​ക്കു​ക​യും ചെ​യ്തി​രു​ന്നു.

ഈ ​ദി​ന​ങ്ങ​ളി​ൽ വെ​യി​ല​ത്ത്​ ജോ​ലി​ചെ​യ്യു​ന്ന ജീ​വ​ന​ക്കാ​ർ​ക്ക്​ ഉ​ച്ച​ക്ക്​ 12.30 മു​ത​ൽ മൂ​ന്നു​വ​രെ വി​ശ്ര​മം അ​നു​വ​ദി​ക്ക​ണ​മെ​ന്നാ​യി​രു​ന്നു നി​ർ​ദേ​ശം.

ജീ​വ​ന​ക്കാ​രു​ടെ സം​ര​ക്ഷ​ണം ഉ​റ​പ്പു​വ​രു​ത്താ​ൻ ആ​ത്മാ​ർ​ഥ​മാ​യി പ്ര​വ​ർ​ത്തി​ച്ച സ്വ​കാ​ര്യ ക​മ്പ​നി​ക​ൾ​ക്കും പൊ​തു​ജ​ന​ങ്ങ​ൾ​ക്കും​ ന​ന്ദി പ​റ​യു​ന്ന​താ​യി തൊ​ഴി​ൽ മ​ന്ത്രാ​ല​യം അ​റി​യി​ച്ചു.

19 വ​ർ​ഷ​മാ​യി യു.​എ.​ഇ​യി​ൽ ഉ​ച്ച​വി​ശ്ര​മം ന​ട​പ്പാ​ക്കി​വ​രു​ന്നു​ണ്ട്. നി​യ​മം ലം​ഘി​ച്ചാ​ൽ 5,000 മു​ത​ൽ 50,000 ദി​ർ​ഹം വ​രെ​യാ​ണ്​ പി​ഴ.