വ്യോമ സേനയോടൊപ്പം ഒരു വിമാനയാത്ര

ആ​കാ​ശ പ​ക്ഷി​യു​ടെ ചി​റ​കി​ലേ​റി വാ​ന സ​ഞ്ചാ​ര​ത്തി​ന് കൊ​തി​ക്കാ​ത്ത​വ​രാ​രു​മു​ണ്ടാ​വി​ല്ല . സ​ഞ്ച​രി​ച്ച​വ​ർ​ക്ക് ആ​ദ്യ വി​മാ​ന യാ​ത്ര​യു​ടെ എ​ക്സൈ​റ്റ്മെ​ന്‍റും മ​റ്റു​മാ​യി ഒ​രു അ​നു​ഭൂ​തി​യു​ള്ള അ​നു​ഭ​വ​മാ​യി​രി​ക്കും. എ​ന്‍റെ ആ​ദ്യ വി​മാ​ന യാ​ത്ര വ്യ​ത​സ്ത​മാ​യൊ​രു ഒ​രു അ​നു​ഭ​വ​മാ​യി​രു​ന്നു. വ​ള​രെ ര​സ​ക​ര​മാ​യ ന​മ്മ​ൾ കൂ​ട്ടു​കാ​രി​ന്നും ഓ​ർ​മ​ക​ള​യ​വി​റ​ക്കു​ന്നൊ​രു ന​ർ​മ്മ സം​ഭ​വം.

വ​ള​രെ യാ​ദൃ​ച്ഛി​ക​മാ​യി​ട്ടാ​ണ് ഞ​ങ്ങ​ൾ​ക്ക് വി​മാ​ന യാ​ത്ര​യ്ക്കു​ള്ള അ​വ​സ​ര​മൊ​രു​ങ്ങു​ന്ന​ത്. അ​വ​സ​ര​മൊ​രു​ക്കി​യ​ത് ആ​ക​ട്ടെ ഇ​ന്ത്യ​ൻ സേ​ന​യും. സം​ഭ​വം എ​ന്താ​ണന്ന​ല്ലേ. അ​ഞ്ചു ദി​വ​സം മാ​ത്രം ല​ക്ഷ്യ​മി​ട്ട് കാ​ശ്മീ​രി​ലെ​ത്തി​യ ന​മ്മ​ൾ​ക്ക് ഒ​രാ​ഴ്ച പി​ന്നി​ട്ടി​ട്ടും കാ​ശ്മീ​ർ വി​ടാ​ൻ പ​റ്റി​യി​ല്ല. കാ​ശ്മീ​രി​നെ​യും ജ​മ്മു​വി​നെ​യും ബ​ന്ധി​പ്പി​ക്കു​ന്ന ചു​ര​പാ​ത ഇ​ടി​ഞ്ഞ​താ​ണ് കാ​ര​ണം. ജ​മ്മു​വി​ൽനി​ന്ന് കാ​ശ്മീ​രി​നെ ബ​ന്ധി​പ്പി​ക്കു​ന്ന തു​ര​ങ്ക​പാ​ത നി​ല​വി​ൽ വ​രു​ന്ന​തി​നു മു​മ്പ് വ​ള​രെ ദു​സ്സ​ഹ​മാ​യി​രു​ന്നു ജ​മ്മു​വി​ൽനി​ന്ന് കാ​ശ്മീ​രി​ലേ​ക്കും തി​രി​ച്ചും ഉ​ള്ള യാ​ത്ര. പ​ക്ഷെ അ​ത് അ​വി​ടു​ത്തു​കാ​ർ​ക്ക്, ന​മു​ക്ക​ത് തീ​ർ​ത്തും ആ​സ്വാ​ദ്യ​കാ​ര​മാ​യി​രു​ന്നു. ജ​മ്മു കാ​ശ്മീ​ർ എ​ന്ന് ഒ​ന്നി​ച്ചു മാ​ത്രം കേ​ട്ടി​ട്ടു​ള്ള ന​മ്മ​ൾ​ക്ക് ജ​മ്മു​വും കാ​ശ്മീ​രും അ​ജ​ഗ​ജാ​ന്ത​രം വ്യ​ത്യാ​സ​വും ദൂ​ര​വും ഉ​ണ്ടെ​ന്നു അ​റി​യു​ന്ന​ത് ആ ​യാ​ത്ര​യി​ലാ​ണ്. പ​ഞ്ചാ​ബി​ന്‍റെ​യും ഹ​രി​യാ​ന​യു​ടെ​യും ത​ല​സ്ഥാ​ന​മാ​യ ച​ണ്ഡീ​ഗ​ഡി​ൽനി​ന്ന് ബ​സി​ലാ​യി​രു​ന്നു ന​മ്മ​ൾ അ​ങ്ങോ​ട്ട് പു​റ​പ്പെ​ട്ട​ത്. ക​ണ്ണി​നു വി​രു​ന്നേ​കി​യ ആ ​പ​തി​നേ​ഴ് മ​ണി​ക്കൂ​ർ യാ​ത്ര നാം ​ശ​രി​ക്കും ആ​സ്വ​ദി​ച്ചി​രു​ന്നു. ദേ​വ​താ​രൂ വൃ​ക്ഷ​ങ്ങ​ൾ നി​റ​ഞ്ഞു നി​ൽ​ക്കു​ന്ന താ​ഴ്‌​വ​ര​ക​ളി​ലൂ​ടെ​യും വ​ലി​യ വ​ലി​യ പാ​റ​ക്കെ​ട്ടു​ക​ൾ ഉ​ള്ള മ​ല​യി​ടു​ക്കു​ക​ൾ​ക്കി​ട​യി​ലൂ​ടെ​യും ആ​ക്രൂ​ട്ടും ചി​നാ​റും നി​റ​ഞ്ഞ ഗ്രാ​മ​ങ്ങ​ളി​ലൂ​ടെ​യും ന​മ്മ​ൾ ഭൂ​മി​യി​ലെ സ്വ​ർ​ഗ്ഗ​ത്തി​ലേ​ക്ക് സ​ഞ്ച​രി​ച്ചു.

പാ​തി​രാ​ത്രി​യി​ൽ ജ​വ​ഹ​ർ തു​ര​ങ്ക​ത്തി​ന്‍റെ മു​ന്നി​ൽ നി​ന്ന് പൂ​ർ​ണ ച​ന്ദ്ര​ന്‍റെ പ്ര​ഭാ വെ​ട്ട​ത്തി​ൽ ആ​ദ്യ​മാ​യി ശു​ഭ്ര വ​ർ​ണ​ത്താ​ൽ പൂ​രി​ത​മാ​യ മ​ഞ്ഞു മ​ല ക​ണ്ട​പ്പോ​ൾ ഉ​ള്ള ഒ​രു ഫീ​ൽ.. ഇ​ത്ര​യേ​റെ ക​ണ്ണി​നു വി​രു​ന്നേ​കി​യ ആ ​പാ​ത​യി​ലൂ​ടെ ത​ന്നെ തി​രി​ച്ചു വ​രാ​നും ഏ​റെ കൊ​തി​ച്ചി​രു​ന്നു. ഗു​ൽ​മാ​ർ​ഗും, ടാ​ൻ​മ​ർ​ഗും, ശ്രീ​ന​ഗ​റും, യൂ​സ്മ​ർ​ഗും സോ​നാ​മ​ർ​ഗു​മൊ​ക്കെ​യാ​യു​ള്ള അ​ഞ്ചു ദി​വ​സ​ത്തെ ക​ശ്മീ​ർ ദി​ന​ങ്ങ​ൾ ശ​രി​ക്കും ആ​സ്വ​ദി​ച്ചു. ക​ശ്മീ​രീ സം​സ്‌​കാ​ര​ങ്ങ​ളും സ​ൽ​കാ​ര പ്രി​യ​രാ​യ പ്ര​ദേ​ശ​വാ​സി​ക​ളെ ഇ​ട​പെ​ട​ലു​ക​ളു​മൊ​ക്കെ മ​ന​സ്സി​നെ ശ​രി​ക്കും കു​ളി​ർ​പ്പി​ച്ചു. മ​ന​സ്സി​നെ​യും ശ​രീ​ര​ത്തെ​യും ഒ​രു പോ​ലെ കു​ളി​ര​ണി​യി​ച്ച ദി​വ​സ​ങ്ങ​ളാ​യി​രു​ന്നു കാ​ശ്മീ​രി​ലേ​ത്.

അ​ന്ത​രീ​ക്ഷം പൊ​ടു​ന്ന​നെ​യാ​ണ് മാ​റി​മ​റി​ഞ്ഞ​ത്. നാ​ടെ​ങ്ങും ക​ർ​ഫ്യൂ​ക​ൾ. പു​റ​ത്തി​റ​ങ്ങാ​ൻ പ​റ്റാ​ത്ത അ​വ​സ്ഥ. ര​ണ്ടും ക​ല്പി​ച്ചു യാ​ത്ര തി​രി​ച്ച ന​മ്മ​ൾ​ക്ക് കൂ​നി​ന്മേ​ൽ കു​രു പോ​ലെ​യാ​യി അ​ടു​ത്ത പ​ണി വ​ന്നു. ശ്രീ​ന​ഗ​ർ- ജ​മ്മു പാ​ത ഇ​ടി​ഞ്ഞി​രി​ക്കു​ന്നു. ഒ​രാ​ഴ്ച​യി​ല​ധി​ക​മാ​കും അ​ത് നേ​രെ​യാ​ക്കാ​ൻ എ​ന്ന​റി​ഞ്ഞു. പ​ൻ​ത്താ​ചൗ​ക്കി​ൽ നി​ന്നും പൊ​ലീ​സു​കാ​ർ വ​ഴി ത​ട​ഞ്ഞു. സം​ഭ​വ​ത്തി​ന്‍റെ ഗൗ​ര​വം മ​ന​സി​ലാ​കാ​തെ, ച​ണ്ഡി​ഗ​ഡി​ൽ നി​ന്നും നാ​ളെ മ​ട​ക്ക ട്രെ​യി​നു​ണ്ടെ​ന്നും ആ ​സ​മ​യ​ത്തു എ​ത്തി​ച്ചേ​രേ​ണ്ട​തു​ണ്ടെ​ന്നും കെ​ഞ്ചി പ​റ​ഞ്ഞെ​ങ്കി​ലും പൊ​ലീ​സു​കാ​ർ സ​മ്മ​തി​ച്ചി​ല്ല. പി​ന്നീ​ട് ന്യൂ​സ് പേ​പ്പ​റു​ക​ളി​ലും മ​റ്റും അ​റി​ഞ്ഞാ​ണ് മ​ല​യി​ടി​ച്ച​ലി​ന്‍റെ കാ​ഠി​ന്യം അ​റി​ഞ്ഞ​ത്. എ​ന്താ​യാ​ലും നാ​ല് ദി​വ​സം കൂ​ടി കാ​ശ്മീ​രി​ൽ അ​ധി​കം ക​ഴി​ഞ്ഞു. ചെ​റി​യ ടൗ​ൺ ആ​യ പ​ൻ​ത്താ​ചൗ​ക്കി​ന്‍റെ തെ​രു​വോ​ര​ങ്ങ​ൾ ന​മ്മു​ടേ​താ​ക്കി​യ നാ​ല് ദി​നാ​രാ​ത്ര​ങ്ങ​ളാ​യി​രു​ന്നു പി​ന്നീ​ട്‌. സ​മീ​പ​ത്തു​ള്ള ഒ​രു നി​സ്കാ​ര പ​ള്ളി​യി​ൽ താ​മ​സം. പ​ക​ൽ കാ​ശ്മീ​രി​ക​ളു​മാ​യി ക്രി​ക്ക​റ്റ് ക​ളി. സൗ​ഹൃ​ദ​ങ്ങ​ളി​ൽ നി​ന്ന് സൗ​ഹൃ​ദ​ങ്ങ​ളി​ലേ​ക്കു​ള്ള സ​ഞ്ചാ​രം. സ​ന്ധ്യ​യാ​കു​മ്പോ​ഴേ​ക്ക് വി​ജ​ന​മാ​കു​ന്ന ന​ഗ​രം. പ്ര​ദേ​ശ​വാ​സി​ക​ളെ​ക്കാ​ൾ അ​ധി​ക​മു​ള്ള പ​ട്ടാ​ള​ക്കാ​ർ. റോ​ന്തു ചു​റ്റു​ന്ന പ​ട്ടാ​ള വ​ണ്ടി​ക​ൾ. അ​ങ്ങ​നെ അ​ങ്ങ​നെ പ​ല അ​നു​ഭ​വ​ങ്ങ​ളാ​യി​രു​ന്നു പ​ൻ​ത്താ​ചൗ​ക്കി​ൽ. ഇ​തി​നി​ട​യി​ൽ കു​റ​ച്ചു മ​ല​യാ​ളീ ജ​വാ​ന്മാ​രെ​യും സൗ​ഹൃ​ദ ലി​സ്റ്റി​ൽ ചേ​ർ​ത്തു. ച​ണ്ഡീ​ഗ​ഡി​ൽ നി​ന്നു​ള്ള മ​ട​ക്ക​വ​ണ്ടി ചൂ​ളം വി​ളി​ച്ചു വി​ട്ടി​ട്ടു​ണ്ടാ​വും. എ​ന്നി​ട്ടും ന​മ്മ​ൾ ഇ​വി​ടെ ത​ന്നെ. ക​യ്യി​ലു​ള്ള കാ​ശ് ഒ​ക്കെ തീ​ർ​ന്നു തു​ട​ങ്ങി. എ​ന്ത് ചെ​യ്യും എ​ന്ന് മ​ന​സി​ലാ​കാ​തെ നി​ൽ​ക്കു​മ്പോ​ഴാ​ണ് ആ ​വാ​ർ​ത്ത അ​റി​യു​ന്ന​ത്. നാ​ളെ രാ​വി​ലേ കാ​ശ്മീ​രി​ൽ കു​ടു​ങ്ങി​യ​വ​ർ​ക്ക് വേ​ണ്ടി ഇ​ന്ത്യ​ൻ എ​യ​ർ​ഫോ​ഴ്സി​ന്‍റെ ഫ്ലൈ​റ്റ് സ​ർ​വീ​സ് ഉ​ണ്ട​ത്രേ. രാ​വി​ലെ ശ്രീ ​ന​ഗ​റി​ൽ പോ​യി ടി​ക്ക​റ്റ്​ എ​ടു​ക്ക​ണം. ആ​യി​രം രൂ​പ​യാ​ണ് ചാ​ർ​ജ്. പി​റ്റേ​ന്ന് അ​തി​രാ​വി​ലെ ത​ന്നെ ശ്രീ​ന​ഗ​റി​ലെ​ത്തി. ബു​ക്കി​ങ്​ സി​സ്റ്റം ഇ​ല്ലാ​ത്ത​തു കൊ​ണ്ട് ത​ന്നെ വ​ൻ ജ​നാ​വ​ലി ടി​ക്ക​റ്റ്​ എ​ടു​ക്കാ​ൻ നി​ര​യി​ലു​ണ്ട്. ആ​കെ 300 പേ​ർ​ക്കൊ മ​റ്റോ ആ​ണ് അ​വ​സ​രം. വ​ള​രെ ക​ഷ്ട​പ്പെ​ട്ട് ടി​ക്ക​റ്റു​ക​ൾ ഒ​പ്പി​ച്ചു. പി​ന്നെ ശ്രീ​ന​ഗ​ർ ഇ​ന്‍റ​ർ​നാ​ഷ​ണ​ൽ എ​യ​ർ​പോ​ർ​ട്ടി​ലേ​ക്ക്. ആ​ദ്യ​മാ​യു​ള്ള വി​മാ​ന​യാ​ത്ര. ന​ല്ല അ​ടി​പൊ​ളി ഡ്ര​സ്സ് കോ​ഡ് ഒ​ക്കെ​യാ​യി ന​മ്മ​ളാ​കെ അ​ങ്ങ് ഒ​രു​ങ്ങി.

ബോ​ഡി പാ​സും ക​ഴി​ഞ്ഞു ടെ​ർ​മി​ന​ലി​ൽ ഇ​രു​ന്നു. ഇ​ൻ​ഡി​ഗോ​യും എ​യ​ർ ഇ​ന്ത്യ​യു​മൊ​ക്കെ ക​ണ്ടു കൗ​തു​ക​ത്തോ​ടെ ഇ​ങ്ങ​നെ ഇ​രി​ക്കു​ക​യാ​ണ്. ഒ​മ്പ​ത്​ മ​ണി​ക്കാ​ണ് ഫ്ലൈ​റ്റ് പ​റ​ന്ന​ത്. ഒ​മ്പ​തു പോ​യി​ട്ട് പ​ത്തും പ​ന്ത്ര​ണ്ടും എ​ന്തി​നു വൈ​കു​ന്നേ​രം നാ​ല് മ​ണി വ​രെ ക​ഴി​ഞ്ഞു. ഒ​രു വി​വ​ര​വു​മി​ല്ല. ക​ശ്മീ​രി​ക​ളും പ​ഞ്ചാ​ബി​ക​ളും പ്ര​തി​ഷേ​ധ​വു​മാ​യി രം​ഗ​ത്തെ​ത്തി. പി​ന്നീ​ട​ങ്ങോ​ട്ട് എ​യ​ർ​പോ​ർ​ട്ടി​നെ ഇ​ള​ക്കി മ​റി​ച്ച പ്ര​ക​ട​ന​മാ​യി​രു​ന്നു. ന​മ്മ​ൾ കു​റ​ച്ചു മ​ല​യാ​ളി​ക​ളും കൂ​ടി ആ​യ​പ്പോ​ൾ അ​ന്ത​രീ​ക്ഷം അ​ങ്ങ​നെ ഇ​ള​കി മ​റി​ഞ്ഞു. ക​യ്യി​ലു​ണ്ടാ​യ ബാ​റ്റ​റി മൈ​ക്ക് കൊ​ണ്ട് ന​മ്മ​ളി​ലൊ​രു​ത്ത​ൻ ഇം​ഗ്ലീ​ഷി​ൽ ന​ല്ല കി​ടു​ക്കാ​ച്ചി പ്ര​തി​ഷേ​ധ പ്ര​സം​ഗ​വും കൂ​ടി ന​ട​ത്തി​യ​തോ​ടെ സം​ഭ​വം അ​ങ്ങ് ക​ള​റാ​യി. അ​ങ്ങ​നെ അ​വ​സാ​നം മ​ധു​ര ഫ​ല​മെ​ന്നോ​ണം ന​മ്മ​ളെ ഏ​വ​രെ​യും നി​ര നി​ര​യാ​യി നി​ർ​ത്തി വി​മാ​ന​ത്തി​ന്‍റെ അ​രി​കി​ലേ​ക്ക്. വ​ലി​യ വ​ലി​യ ആ​കാ​ശ​പ​ക്ഷി​ക​ൾ ഒ​രു​പാ​ടെ​ണ്ണം ഇ​പ്പോ​ൾ മു​ന്നി​ലു​ണ്ട്. ഇ​തി​ലെ​ത്താ​യി​രി​ക്കും ന​മ്മു​ടേ​ത്. പ​ട്ടാ​ള​ക്കാ​ർ തോ​ക്കു​മെ​ടു​ത്തു ന​മ്മ​ളെ​യെ​ല്ലാം കൂ​ട്ടി വ്യോ​മ​സേ​ന​യു​ടെ വി​മാ​ന​ത്തി​ലേ​ക്ക് ന​ട​ത്തി. ഞാ​ന​റി​ഞ്ഞ വി​മാ​ന​ങ്ങ​ളി​ൽ നി​ന്നും വി​ഭി​ന്ന​മാ​യി പി​ൻ ഭാ​ഗ​ത്താ​ണ് ഇ​തി​ന്‍റെ വാ​തി​ൽ. ഇ​ത് വാ​തി​ലാ​ണോ എ​ന്ന് പ​റ​യാ​ൻ പ​റ്റി​ല്ല. പി​ൻ​ഭാ​ഗ​ത്തെ വ​ലി​യൊ​രു ഭാ​ഗം തു​റ​ന്നു താ​ഴേ​ക്ക് വെ​ച്ചി​രി​ക്കു​ക​യാ​ണ്. അ​തി​ലൂ​ടെ​യാ​ണ് ന​മ്മ​ൾ ഉ​ള്ളി​ൽ ക​യ​റേ​ണ്ട​ത്. ഉ​ള്ളി​ൽ ക​യ​റി​യ​പ്പോ​ൾ അ​തി​ല​പ്പു​റം അ​മ്പ​ര​പ്പ്. സ്വ​പ്‌​നം ക​ണ്ട പോ​ലെ പു​ഷ്ബാ​ക് സീ​റ്റും വി​ൻ​ഡോ കാ​ഴ്ച​ക​ളും ഫ്ലൈ​റ്റ് ഫു​ഡും എ​യ​ർ​ഹോ​സ്റ്റേ​ഴ്സും ഒ​ന്നു​മി​ല്ല...

എ​ന്തി​നു സീ​റ്റ് പോ​ലു​മി​ല്ല.. എ​ല്ലാ​വ​രും നി​ല​ത്തു നി​ര​നി​ര​യാ​യി ച​മ്രം പ​ടി​ഞ്ഞി​രി​ക്കു​ന്നു. അ​ഞ്ചു പേ​ർ​ക്ക് കൂ​ടി​യി​ട്ട് പി​ടി​ക്കാ​ൻ ഒ​രു ക​മ്പ​മു​ണ്ട്. വി​മാ​നം പൊ​ങ്ങു​മ്പോ​ഴും ഇ​റ​ങ്ങു​മ്പോ​ഴും അ​ത് പി​ടി​ക്ക​ണം. സൈ​ഡ് കാ​ഴ്‌​ച്ച​ക​ൾ​ക്ക് ആ​ഗ്ര​ഹ​മി​ട്ടു വ​ന്ന എ​നി​ക്ക് ചു​റ്റും കാ​ണു​ന്ന​ത് റൗ​ണ്ടാ​കൃ​തി​യി​ലു​ള്ള ഇ​രു​ണ്ട ഈ ​വി​മാ​ന പ​ക്ഷി​യു​ടെ വ​യ​റ്റി​ൽ അ​ഭ​യാ​ർ​ഥി​ക​ളെ പോ​ലെ ച​മ്രം പ​ടി​ഞ്ഞി​രി​ക്കു​ന്ന യാ​ത്ര​ക്കാ​രും തോ​ക്കു പി​ടി​ച്ചു ഇ​ട​വി​ട്ട് ഇ​ട​വി​ട്ട് നി​ൽ​ക്കു​ന്ന പ​ട്ടാ​ള​ക്കാ​രും പി​ന്നെ വി​മാ​ന​ത്തി​ന്‍റെ കു​റെ വ​യ​റു​ക​ളും മെ​ഷീ​നു​ക​ളും. അ​ങ്ങ​നെ ന​മ്മ​ൾ മു​ന്നൂ​റു പേ​രെ​യും കൊ​ണ്ട് ആ ​വി​മ​ന​പ​ക്ഷി പ​റ​ന്നു​യ​ർ​ന്നു. നാ​ൽ​പ​തു മി​നു​ട്ട് ആ​കാ​ശ യാ​ത്ര​യ്ക്ക് ശേ​ഷം ജ​മ്മു​വി​ലെ ഉ​ദം​പൂ​രി​ൽ ആ​ർ​മി ക്യാ​മ്പി​ൽ ലാ​ൻ​ഡ് ചെ​യ്തു. ഒ​രു വ​ണ്ടി പോ​ലു​മി​ല്ലാ​ത്ത കു​ഗ്രാ​മ​ത്തി​ൽ ഇ​റ​ങ്ങി​യ ന​മ്മ​ൾ അ​ഞ്ചു കി​ലോ​മീ​റ്റ​റു​ക​ളോ​ളം ന​ട​ന്നാ​ണ് ഉ​ദം​പൂ​ർ റെ​യി​ൽ​വേ സ്റ്റേ​ഷ​നി​ലെ​ത്തി​യ​ത്. അ​വി​ടു​ന്ന് ഡ​ൽ​ഹി​യി​ലേ​ക്ക് പോ​യ​ത് വേ​റെ ക​ഥ. ഏ​താ​യാ​ലും എ​ന്‍റെ ആ​ദ്യ വി​മാ​ന യാ​ത്ര വ​ല്ലാ​ത്തൊ​രു അ​നു​ഭ​വ​മാ​യി​പോ​യി. രാ​വി​ലെ മു​ത​ൽ ഒ​ന്നും ക​ഴി​ക്കാ​തെ പു​തി​യ വ​സ്ത്ര​മൊ​ക്കെ ധ​രി​ച്ചു പ്ര​ക​ട​ന പ്ര​തി​ഷേ​ധ​ങ്ങ​ൾ ക​ഴി​ഞ്ഞു വി​മാ​ന​ത്തി​ൽ നി​ല​ത്തി​രു​ന്നു യാ​ത്ര ചെ​യ്തു. പി​ന്നെ റെ​യി​ൽ​വേ ട്രാ​ക്കി​ലൂ​ടെ അ​ഞ്ചു കി​ലോ മീ​റ്റ​ർ ന​ട​ന്നു. അ​തും ക​ശ്മീ​രി​ന്‍റെ ക​ഠി​ന ത​ണു​പ്പി​ൽ നി​ന്നും മാ​റി ജ​മ്മു​വി​ന്‍റെ ക​ഠി​ന ചൂ​ടി​ലൂ​ടെ. ഉ​ധം​പൂ​ർ റെ​യി​ൽ​വേ സ്റ്റേ​ഷ​ൻ എ​ത്തി​യ​പ്പോ​ൾ സ്വ​ർ​ഗം കി​ട്ടി​യ ഫീ​ൽ ആ​യി​രു​ന്നു. വി​ശ​ന്നൊ​ട്ടി​യ വ​യ​റി​നെ ഒ​ന്ന് റെ​ഡി ആ​ക്കി റ​യി​ൽ​വേ സ്റ്റേ​ഷ​നി​ലെ ഇ​രി​പ്പി​ട​ത്തി​ൽ ന​മ്മ​ൾ ട്രെ​യി​നും കാ​ത്തി​രു​ന്നു. ഒ​രു ആ​കാ​ശ യാ​ത്ര ക​ഴി​ഞ്ഞ​വ​ന്‍റെ ലാ​ഘ​വ​ത്തോ​ടെ.