ദുബൈ ജബൽ അലി പോർട്ടിൽ കപ്പലിൽ വൻ തീപിടിത്തം

ദുബൈ: ദുബൈ ജബൽ അലി പോർട്ടിൽ കപ്പലിൽ വൻ തീപിടിത്തം. ബുധനാഴ്​ച രാത്രി 12നാണ്​ സംഭവം. തുറമുഖത്ത്​ ഡോക്ക്​ ചെയ്യുന്നതിനിടെ കപ്പലിനുള്ളിലെ കണ്ടെയ്​നർ പൊട്ടിത്തെറിക്കുകയായിയിരുന്നു.

ആർക്കും പരിക്കില്ലെന്നും അഗ്​നി നിയന്ത്രണ വിധേയമാക്കിയെന്നും അധികൃതർ അറിയിച്ചു. തുറമുഖത്തി​െൻറ പ്രധാന ഷിപ്പിംഗ് ലൈനിൽ നിന്ന് അകലെയായിരുന്നു സംഭവം. കിലോമീറ്ററുകൾ അകലെ വരെ സ്​ഫോടനത്തി​െൻറ പ്രകമ്പനമുണ്ടായി.

സിവിൽ ഡിഫൻസ്​ സംഘം ഉടൻ എത്തി നിയന്ത്രണവിധേയമാക്കി. ആവശ്യമായ നടപടികൾ സ്വീകരിച്ചിട്ടു​ണ്ടെന്നും കപ്പൽ യാത്രക്ക്​ തടസമുണ്ടാകില്ലെന്നും പോർട്ട്​ അധികൃതർ അറിയിച്ചു.