ഷാർജയിൽ താമസ സ്​ഥലത്ത്​ സംഘർഷത്തിനിടയിൽപെട്ട മലയാളി അടിയേറ്റ്​ മരിച്ചു

ഷാർജ: താമസ സ്​ഥലത്ത്​ ആഫ്രിക്കൻ സ്വദേശികൾ തമ്മിലുണ്ടായ സംഘർഷത്തിനിടയിൽപെട്ട മലയാളി അടിയേറ്റ്​ മരിച്ചു. ഇടുക്കി കരുണാപുരം കൂട്ടാർ തടത്തിൽ വീട്ടിൽ വിജയ​െൻറ മക​ൻ ടി.വി. വിഷ്​ണുവാണ് (29)​ മരിച്ചത്​. ചൊവ്വാഴ്​ച ഉച്ചക്ക്​ ഒന്നിനാണ്​ സംഭവം.

ഷാർജ അബൂഷഹാലയിലെ താമസ സ്​ഥലത്ത്​ ആഫ്രിക്കൻ സ്വദേശികൾ തമ്മിലുണ്ടായ സംഘർഷത്തിനിടെ വിഷ്​ണു പെട്ടുപോകുകയായിരുന്നു. ഷാർജയിലെ സലൂൺ ജീവനക്കാരനായ വിഷ്​ണു ഓഫ്​ ദിവസമായതിനാൽ ജോലിക്ക്​ പോയിരുന്നില്ല. മൃതദേഹം ഷാർജ പൊലീസ്​ മോർച്ചറിയിൽ.