ദേ​ര​യി​ൽ ബ​ഹു​നി​ല ​പാ​ർ​ക്കി​ങ്​ സ​മു​ച്ച​യം നി​ർ​മി​ക്കും

ദു​ബൈ: ന​ഗ​ര​ത്തി​ൽ പ​ണ​മ​ട​ച്ചു​ള്ള പാ​ര്‍ക്കി​ങ്ങി​നാ​യി ഏ​ഴു നി​ല​ക​ളു​ള്ള പു​തി​യ പാ​ര്‍ക്കി​ങ് കെ​ട്ടി​ടം നി​ർ​മി​ക്കും. ദേ​ര​യി​ലെ അ​ല്‍ സ​ബ്ക പ്ര​ദേ​ശ​ത്താ​ണ്​ 350 വാ​ഹ​ന​ങ്ങ​ള്‍ പാ​ര്‍ക്ക് ചെ​യ്യാ​നു​ള്ള സൗ​ക​ര്യ​ങ്ങ​ളോ​ടെ പു​തി​യ കെ​ട്ടി​ടം നി​ർ​മി​ക്കു​ക​യെ​ന്ന്​ എ​മി​റേ​റ്റി​ലെ പാ​ർ​ക്കി​ങ്​ നി​യ​ന്ത്ര​ണ ഏ​ജ​ൻ​സി​യാ​യ പാ​ര്‍ക്കി​ന്‍ ക​മ്പ​നി അ​ധി​കൃ​ത​ര്‍ അ​റി​യി​ച്ചു. ഇ​തു​സം​ബ​ന്ധി​ച്ച ധാ​ര​ണാ​പ​ത്ര​ത്തി​ല്‍ പാ​ര്‍ക്കി​ന്‍ ക​മ്പ​നി​യും ദു​ബൈ ഔ​ഖാ​ഫും ഒ​പ്പു​വെ​ച്ചു.

ഏ​ക​ദേ​ശം 1,75,000 ച​തു​ര​ശ്ര​യ​ടി വി​സ്തീ​ര്‍ണ​ത്തി​ലാ​ണ് കെ​ട്ടി​ടം നി​ര്‍മി​ക്കു​ക. ഇ​തി​ല്‍ 9600 ച​തു​ര​ശ്ര​യ​ടി​യി​ല്‍ വ്യാ​പി​ച്ചു​കി​ട​ക്കു​ന്ന താ​ഴ​ത്തെ നി​ല റീ​ട്ടെ​യി​ല്‍ സ്ഥാ​പ​ന​ങ്ങ​ള്‍ക്കാ​യി ന​ല്‍കും. ഇ​തു​വ​ഴി അ​ധി​ക​വ​രു​മാ​നം നേ​ടു​ക​യാ​ണ്​ ല​ക്ഷ്യം.

പു​തി​യ സം​രം​ഭം വ​ഴി 25 വ​ര്‍ഷം കൊ​ണ്ട് ഔ​ഖാ​ഫ് ദു​ബൈ സാ​മ്പ​ത്തി​ക മേ​ഖ​ല​ക്ക് 20 കോ​ടി ദി​ര്‍ഹം സം​ഭാ​വ​ന ന​ല്‍കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. ക​രാ​ര്‍ പ്ര​കാ​രം പ​ദ്ധ​തി വി​ക​സി​പ്പി​ക്കാ​ന്‍ ഔ​ഖാ​ഫ് സാ​മ്പ​ത്തി​ക​സ​ഹാ​യം ന​ല്‍കും. ത​ട​സ്സ​ര​ഹി​ത പാ​ര്‍ക്കി​ങ് ഉ​റ​പ്പാ​ക്കാ​നും പാ​ര്‍ക്കി​ങ് പ​രി​പാ​ല​നം ഉ​ൾ​പ്പെ​ടെ പു​തി​യ സൗ​ക​ര്യം കൈ​കാ​ര്യം ചെ​യ്യു​ന്ന​തി​ന് പാ​ര്‍ക്കി​ന്‍ നേ​തൃ​ത്വം ന​ല്‍കും. പാ​ര്‍ക്കി​ങ് സ​മു​ച്ച​യ​ത്തി​ന്‍റെ രൂ​പ​രേ​ഖ​ക്ക് അം​ഗീ​കാ​രം ല​ഭി​ച്ചി​ട്ടു​ണ്ട്. അ​ടു​ത്ത വ​ര്‍ഷം ര​ണ്ടാം പാ​ദ​ത്തോ​ടെ നി​ര്‍മാ​ണം തു​ട​ങ്ങും. ര​ണ്ടു വ​ര്‍ഷ​ത്തി​ന​കം പ​ദ്ധ​തി പൂ​ര്‍ത്തി​യാ​ക്കാ​നാ​ണ് പാ​ര്‍ക്കി​ന്‍ ല​ക്ഷ്യ​മി​ടു​ന്ന​ത്.