വേങ്ങര സ്വദേശി ദുബൈയിൽ കെട്ടിടത്തിൽ നിന്ന് വീണ്​ മരിച്ചു

ദുബൈ: താമസിക്കുന്ന കെട്ടിടത്തിൽ നിന്ന്​ വീണുണ്ടായ അപകടത്തിൽ ​മലപ്പുറം വേങ്ങര സ്വദേശിയായ യുവാവ്​ മരിച്ചു. വേങ്ങര എസ്.എസ് റോഡിൽ അമ്പലപ്പുറായിൽ നല്ലാട്ടുതൊടിക അലവിക്കുട്ടിയുടെ മകൻ നൗഷാദ് (36) ആണ്​ മരിച്ചത്​.

ദുബൈ ഹോർലൻസിലാണ്​ സംഭവം. സ്റ്റയർകെയ്സിലൂടെ ഇറങ്ങുമ്പോൾ കാൽവഴുതി താഴേക്ക് വീണ് ആസ്പിറ്റോസ് ഷീറ്റിൽ തല ഇടിച്ചായിരുന്നു മരണം.

മാതാവ്​: ഖദീജ. ഭാര്യ: റഹ്​മത്ത്​. ഒരാൺകുട്ടിയും പെൺകുട്ടിയുമുണ്ട്​. നടപടികൾ പൂർത്തിയാക്കി മൃതദേഹം ദുബൈയിൽ ഖബറടക്കുമെന്ന്​ ബന്ധപ്പെട്ടവർ അറിയിച്ചു.