പാണ്ടിക്കാട്​ സ്വദേശിയായ അധ്യാപകൻ ഫുജൈറയിൽ നിര്യാതനായി

ഫുജൈറ: മലപ്പുറം പാണ്ടിക്കാട്​ സ്വദേശിയായ സ്​കൂൾ അധ്യാപകൻ ഫുജൈറയിൽ ഹൃദയാഘാതത്തെ തുടർന്ന്​ നിര്യാതനായി. പാണ്ടിക്കാട്​ ഹൈസ്​കൂൾ പടിക്ക്​​ സമീപം കെവിടെൻ അലവിയുടെയും ജമീലയുടെയും മകൻ ബിനു നൗഫലാണ്​ (41) നിര്യാതനായത്​.

അവർ ഒാൺ ഇംഗ്ലീഷ്​ സ്​കൂളിലെ അധ്യാപകനാണ്​. ദിവസങ്ങൾക്ക്​ മുമ്പാണ്​ നാട്ടിൽനിന്ന്​ മടങ്ങിയെത്തിയത്​. സേവന രംഗത്ത്​ ഫുജൈറയിൽ സജീവമായിരുന്നു.

എസ്​.​െഎ.ഒ മുൻ ജില്ലാ സമിതി അംഗമായിരുന്നു. പ്രവാസി ഇന്ത്യ ഏരിയ പ്രസിഡൻറായിരുന്ന അദ്ദേഹം നിലവിൽ ​െഎ.സി.സി ഏരിയ പ്രസിഡൻറാണ്​.

കെമിസ്​ട്രിയിൽ കാലിക്കറ്റ്​ യൂനിവേഴ്​സിറ്റിയിൽനിന്ന്​ പി.എച്ച്​ഡി നേടി. ഭാര്യ: കെ. റിൻഷ. മക്കൾ: ഹാദിഫ്​, ഹനീഫ്​, ഹിന സഹ്​ർ. മൃതദേഹം നാട്ടിലെത്തിച്ച്​ ഖബറടക്കുമെന്ന്​ ബന്ധുക്കൾ അറിയിച്ചു.