നാലു​ പതിറ്റാണ്ടി​െൻറ പ്രവാസം അവസാനിപ്പിച്ച്​ അബ്​ദുല്ല താനിശ്ശേരി മടങ്ങുന്നു

ഉമ്മുൽ ഖുവൈൻ: ഉമ്മുൽ ഖുവൈൻ ഇന്ത്യൻ അസോസിയേഷൻ മെംബറും സാമൂഹിക– രാഷ്​ട്രീയ– ജീവകാരുണ്യരംഗത്തെ സാന്നിധ്യവുമായിരുന്ന അബ്​ദുല്ല താനിശ്ശേരി (അയിഷ റെക്കോഡിങ് സെൻറർ) നാലു പതിറ്റാണ്ടിലേറേയായ പ്രവാസജീവിതം അവസാനിപ്പിച്ച്​ നാട്ടിലേക്ക് മടങ്ങുന്നു.

സ്വന്തം നാട്ടുകാരനെന്നോ വിദേശിയെന്നോ വ്യത്യാസമില്ലാതെ ഉമ്മുൽഖുവൈനിലെ എല്ലാവരോടും അടുത്തബന്ധം പുലർത്തിയിരുന്നയാളായിരുന്നു അബ്​ദുല്ല. എന്ത്​ ആവശ്യമുണ്ടെങ്കിലും വിളിപ്പുറത്ത്‌ താനിശ്ശേരിയുടെ സാന്നിധ്യമുണ്ട്. മന്ത്രാലയത്തിൽനിന്നും പൊലീസിൽനിന്നും പുരസ്‌കാരങ്ങൾ ലഭിച്ചിട്ടുണ്ട്. ഉമ്മുൽ ഖുവൈനിലെ മലയാളികളുടെ കുടിയേറ്റത്തെ പറ്റി ആധികാരികമായി പറയാൻ കഴിയുന്നയാളാണ്​ നാദാപുരം പാറക്കടവ് സ്വദേശിയായ അബ്​ദുല്ലാക്കാ.

പ്രവാസലോകത്ത്​ മരിച്ചവരുടെ മൃതദേഹം നാട്ടിലെത്തിക്കുന്നതിനും പ്രവർത്തിച്ചിരുന്നു. നാട്ടിലെത്തി വിശ്രമജീവിതം നയിക്കാനാണ്​ അബ്​ദുല്ലയുടെ മടക്കം.

യാത്രയയപ്പ്​ നൽകി

ഉമ്മുൽഖുവൈൻ: നാട്ടിലേക്ക്​ മടങ്ങുന്ന അബ്​ദുല്ല താനിശ്ശേരിക്ക്​ ഉമ്മുൽഖുവൈൻ ഇന്ത്യൻ അസോസിയേഷൻ യാത്രയയപ്പ്​ നൽകി. പ്രസിഡൻറ് സജാദ് നാട്ടിക മെമെ​േൻറാ നൽകി ആദരിച്ചു. മാനേജിങ് കമ്മിറ്റി മെംബർമാരും മുൻ പ്രസിഡൻറുമാരും ഇലക്​ഷൻ കമീഷണർമാരും ഓഡിറ്റേഴ്സും സംസാരിച്ചു. ജനറൽ സെക്രട്ടറി മുഹമ്മദ് മൊഹിദീൻ സ്വാഗതവും ജോയൻറ് സെക്രട്ടറി വിദ്യാധരൻ നന്ദിയും പറഞ്ഞു.