അബൂദബി വിമാനത്താവളത്തിന് മികച്ച റീട്ടെയിൽ പരിസ്ഥിതി അവാർഡ്

അബൂദബി: ലണ്ടനിൽ നടന്ന ഗ്ലോബൽ ട്രാവൽ റീട്ടെയിൽ അവാർഡുകളിൽ മികച്ച റീട്ടെയിൽ പരിസ്ഥിതി അവാർഡ് അബൂദബി അന്താരാഷ്​ട്ര വിമാനത്താവളത്തിന്. കോർപറേറ്റ് സ്‌പോൺസർമാരായ ടി.ആർ. ബിസിനസ്, എം1എൻഡ്-സെറ്റ് എന്നിവയുടെ ​േഡറ്റ ബേസിൽ സ്വതന്ത്രമായി ആയിരക്കണക്കിന് അന്താരാഷ്​ട്ര സഞ്ചാരികൾ ഉൾപ്പെടെ ഉപഭോക്തൃ ബ്ലോഗർമാർ, ​േവ്ലാഗർമാർ, വിദഗ്ധർ എന്നിവരിൽ നിന്നുള്ള പ്രതികരണങ്ങളെ അടിസ്ഥാനമാക്കിയാണ് അവാർഡ്​ ജേതാക്കളെ നിശ്ചയിച്ചത്.

നാലാം വർഷവും ഉപഭോക്താക്കൾക്ക് വോട്ടുചെയ്യാവുന്ന ട്രാവൽ റീട്ടെയിൽ അവാർഡുകളിൽ ഉൽപന്നങ്ങളിലും സേവനങ്ങളിലും അഭിപ്രായ പ്രകടനത്തിന് അവസരം നൽകുന്നതി​െൻറ ഭാഗമായാണ് അവാർഡ് ജേതാക്കളെ കണ്ടെത്തിയത്. അബൂദബി വിമാനത്താവളത്തെ പ്രമുഖ എയർപോർട്ട്, റീട്ടെയിൽ സൗകര്യമുള്ള സ്ഥാപനങ്ങളിലൊന്നാക്കി മാറ്റുന്നതിൽ എല്ലാ സഹപ്രവർത്തകരുടെയും കഠിനാധ്വാനത്തെ അഭിനന്ദിക്കുന്നതായി അബൂദബി എയർപോർട്ട് ചീഫ് കൊമേഴ്‌സ്യൽ ഓഫിസർ ഫ്രാങ്കോയിസ് ബോറിയെൻ പറഞ്ഞു. അഭിമാനകരമായ അംഗീകാരം ലഭിച്ചതിൽ അതിയായ സന്തോഷമുണ്ടെന്നും റീട്ടെയിൽ ഓഫർ വളർത്താനും അബൂദബി വിമാനത്താവളം യാത്രക്കാർക്ക് അതിശയകരവും ആസ്വാദ്യകരവുമായ അനുഭവം സമ്മാനിക്കുന്നതും തുടരുമെന്നും അദ്ദേഹം ചൂണ്ടിക്കാട്ടി.