അബൂദബി-അല്‍ഐന്‍ പാതയില്‍ വാഹനാപകടം; രണ്ട്​ ഏഷ്യക്കാര്‍ മരിച്ചു

അബൂദബി: അബൂദബി-അല്‍ഐന്‍ റോഡില്‍ റാമ മേഖലയില്‍ ബസ് മറ്റൊരു വാഹനവുമായി കൂട്ടിയിടിച്ച് രണ്ടുപേര്‍ മരിച്ചു. അപകടത്തില്‍ 11 പേര്‍ക്ക് പരിക്കേറ്റു. മരിച്ചവരും പരിക്കേറ്റവരും ഏഷ്യന്‍ വംശജരാണെന്ന് അബൂദബി പൊലീസ് അറിയിച്ചു. അമിതവേഗതയും അശ്രദ്ധയും പൊടുന്നനെയുള്ള ലെയിന്‍ മാറ്റവുമാണ് അപകടകാരണമെന്ന്​ പൊലീസ്​ പറഞ്ഞു.

പരിക്കേറ്റവരെ തവാം ആശുപത്രിയിലും ശൈഖ് ശഖ്ബൂത് മെഡിക്കല്‍ സിറ്റിയിലുമാണ് പ്രവേശിപ്പിച്ചിരിക്കുന്നത്.