ബാ​പ്‌​സ് ഹി​ന്ദു മ​ന്ദി​ർ ആ​ദ്യ വാ​ർ​ഷി​ക​ത്തി​ന്​ ആ​യി​ര​ങ്ങ​ൾ

അ​ബൂ​ദ​ബി: അ​ബൂ​ദ​ബി ബാ​പ്‌​സ് ഹി​ന്ദു മ​ന്ദി​റി​ന്റെ ഒ​ന്നാം വാ​ര്‍ഷി​ക​ദി​ന​ത്തി​ല്‍ ക്ഷേ​ത്ര​ത്തി​ലെ​ത്തി​യ​ത് പ​തി​നാ​യി​ര​ത്തി​ലേ​റെ വി​ശ്വാ​സി​ക​ള്‍. പ്രാ​ര്‍ഥ​ന, സാം​സ്‌​കാ​രി​ക പ​രി​പാ​ടി​ക​ള്‍ തു​ട​ങ്ങി നി​ര​വ​ധി പ​രി​പാ​ടി​ക​ള്‍ വാ​ര്‍ഷി​ക ഭാ​ഗ​മാ​യി ന​ട​ന്നു.

മ​ഹാ​പൂ​ജ​ക്കു​ള്ള ഒ​രു​ക്ക​ങ്ങ​ള്‍ക്കാ​യി നൂ​റു​ക​ണ​ക്കി​ന് വി​ശ്വാ​സി​ക​ളും വ​ള​ന്റി​യ​ര്‍മാ​രും പു​ല​ര്‍ച്ച നാ​ലി​ന് ബാ​പ്‌​സ് ഹി​ന്ദു മ​ന്ദി​റി​ലെ​ത്തി. ആ​റി​ന് ന​ട​ന്ന പൂ​ജ​യി​ല്‍ 1,100ലേ​റെ വി​ശ്വാ​സി​ക​ള്‍ സം​ബ​ന്ധി​ച്ചു. മ​ഹാ​രാ​ഷ്ട്ര​യി​ല്‍ നി​ന്നെ​ത്തി​യ നാ​സി​ക് ഡോ​ൾ സം​ഘ​ത്തി​ന്റെ പ്ര​ക​ട​ന​വു​മു​ണ്ടാ​യി​രു​ന്നു.

രാ​വി​ലെ ഒ​മ്പ​ത് മു​ത​ല്‍ 11.30 വ​രെ ഗ്രാ​ന്‍ഡ് അ​സം​ബ്ലി ഹാ​ളി​ല്‍ പ്രാ​ര്‍ഥ​ന പാ​രാ​യ​ണ​വും ബാ​പ്‌​സ് ഹി​ന്ദു മ​ന്ദി​ര്‍ സ്ഥാ​പ​ക​ന്‍ ശാ​സ്ത്രി​ജി മ​ഹാ​രാ​ജി​ന്റെ ജ​ന​ന വാ​ര്‍ഷി​ക പ്ര​ശം​സ​യും ന​ട​ന്നു.

മ​ധു​രാ​ഷ്ട​കം, മോ​ഹി​നി​യാ​ട്ടം, കു​ച്ചി​പ്പു​ടി, മ​റാ​ത്തി, ഒ​ഡീ​സി, ബം​ഗാ​ളി ഭാ​ഷ​ക​ളി​ലു​ള്ള ഭ​ര​ത​നാ​ട്യം തു​ട​ങ്ങി നി​ര​വ​ധി പ​രി​പാ​ടി​ക​ള്‍ ആ​ഘോ​ഷ​ഭാ​ഗ​മാ​യി ന​ട​ന്നു. വൈ​കീ​ട്ട് ആ​റ്, ഏ​ഴ്, രാ​ത്രി എ​ട്ട് എ​ന്നീ സ​മ​യ​ങ്ങ​ളി​ലും ക്ഷേ​ത്ര​ത്തി​ല്‍ വി​വി​ധ പ്രാ​ര്‍ഥ​നാ ഗാ​ന​ങ്ങ​ളു​ടെ ആ​ലാ​പ​ന​വും ന​ട​ന്നു. പ​ശ്ചി​മേ​ഷ്യ​യി​ലെ ആ​ദ്യ പ​ര​മ്പ​രാ​ഗ​ത ശി​ലാ​ക്ഷേ​ത്ര​മാ​യ ബാ​പ്സ് ഹി​ന്ദു മ​ന്ദി​ര്‍ 2024 ഫെ​ബ്രു​വ​രി​യി​ലാ​ണ്​ തു​റ​ന്ന​ത്. അ​ബൂ​ദ​ബി-​ദു​ബൈ ഹൈ​വേ​യി​ല്‍ അ​ബൂ​മു​റൈ​ഖ​യി​ലെ 10.9 ഹെ​ക്ട​റി​ല്‍ ഏ​ഴ് കൂ​റ്റ​ന്‍ ഗോ​പു​ര​ങ്ങ​ളോ​ടെ​യാ​ണ്​ ക്ഷേ​ത്രം പ​ണി​ത​ത്.

2015ലാ​ണ് യു.​എ.​ഇ പ്ര​സി​ഡ​ന്റ് ശൈ​ഖ് മു​ഹ​മ്മ​ദ് ബി​ന്‍ സാ​യി​ദ് ആ​ല്‍ ന​ഹ്​​യാ​ന്‍ ക്ഷേ​ത്ര​നി​ര്‍മാ​ണ​ത്തി​നാ​യി 27 ഏ​ക്ക​ര്‍ ഭൂ​മി സ​മ്മാ​നി​ച്ച​ത്.

പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ യു.​എ.​ഇ സ​ന്ദ​ര്‍ശ​ന​വേ​ള​യി​ലാ​യി​രു​ന്നു ഇ​ത്. 2018ലാ​ണ്​ ക്ഷേ​ത്ര നി​ര്‍മാ​ണ​ത്തി​ന് ശി​ല​യി​ട്ട​ത്.