സാ​ങ്കേതിക വിദ്യകളാൽ സുരക്ഷയൊരുക്കി അബൂദബിയിലെ മാളുകൾ

അ​ബൂ​ദ​ബി: സാ​​ങ്കേ​തി​ക വി​ദ്യ​ക​ളു​ടെ സ​ഹാ​യ​ത്തോ​ടെ വാ​ണി​ജ്യ കേ​ന്ദ്ര​ങ്ങ​ളി​ൽ സ​ന്ദ​ർ​ശ​ക​ർ​ക്ക് സു​ര​ക്ഷ​യൊ​രു​ക്കി അ​ബൂ​ദ​ബി. പ്ര​ധാ​ന വാ​ണി​ജ്യ കേ​ന്ദ്ര​ങ്ങ​ളി​ൽ സെ​ൻ​സ​ർ ഘ​ടി​പ്പി​ച്ചാ​ണ് താ​പ​നി​ല പ​രി​ശോ​ധി​ക്കു​ന്ന​ത്. പ്ര​ത്യേ​ക നി​യ​ന്ത്ര​ണ മു​റി​ക​ളു​മാ​യി ബ​ന്ധി​പ്പി​ച്ചാ​ണ് സെ​ൻ​സ​ർ റോ​ബോ​ട്ടു​ക​ളു​ടെ വി​ന്യാ​സം. അ​ൾ​ട്രാ​വ​യ​ല​റ്റ് ര​ശ്മി​ക​ൾ ഉ​പ​യോ​ഗി​ച്ചു​ള്ള അ​ണു​ന​ശീ​ക​ര​ണ പ്ര​വ​ർ​ത്ത​ന​ങ്ങ​ളും മാ​ളു​ക​ളി​ൽ ന​ട​ക്കു​ന്നു.

സു​ര​ക്ഷാ ന​ട​പ​ടി​ക്ര​മ​ങ്ങ​ളെ​ക്കു​റി​ച്ചും സ​ന്ദ​ർ​ശ​ക​രു​ടെ സു​ര​ക്ഷ​ക്കാ​യി നൂ​ത​ന സാ​ങ്കേ​തി​ക​രീ​തി​ക​ൾ എ​ങ്ങ​നെ ഉ​പ​യോ​ഗി​ക്കാ​മെ​ന്ന​തി​നെ​ക്കു​റി​ച്ചും അ​റി​യു​ന്ന​തി​ന് അ​ബൂ​ദ​ബി സാം​സ്‌​കാ​രി​ക-​ടൂ​റി​സം വ​കു​പ്പ് യാ​സ് മാ​ളി​ൽ അ​ടു​ത്തി​ടെ പ​ര്യ​ട​ന യാ​ത്ര സം​ഘ​ടി​പ്പി​ച്ചി​രു​ന്നു. അ​ബൂ​ദ​ബി എ​മി​റേ​റ്റി​നു​ള്ളി​ലെ ഹോ​ട്ട​ൽ ആ​ൻ​ഡ് ടൂ​റി​സം മേ​ഖ​ല​ക​ളി​ലെ​ല്ലാം ഗോ ​സേ​ഫ് സ​ർ​ട്ടി​ഫി​ക്ക​റ്റ് പ​ദ്ധ​തി ന​ട​പ്പാ​ക്കി​യ​ശേ​ഷം യാ​സ് മാ​ളി​ൽ ഏ​ർ​പ്പെ​ടു​ത്തി​യ ആ​രോ​ഗ്യ സു​ര​ക്ഷാ മാ​ന​ദ​ണ്ഡ​ങ്ങ​ൾ ഏ​കീ​ക​രി​ക്കു​ക എ​ന്ന ല​ക്ഷ്യ​ത്തോ​ടെ​യാ​യി​രു​ന്നു അ​ധി​കൃ​ത​രു​ടെ യാ​ത്ര. സ​ന്ദ​ർ​ശ​ക​രു​ടെ​യും തൊ​ഴി​ലാ​ളി​ക​ളു​ടെ​യും സു​ര​ക്ഷ ഉ​റ​പ്പു​വ​രു​ത്തു​ന്ന​തി​ന് ശാ​രീ​രി​ക അ​ക​ലം പാ​ലി​ക്ക​ൽ, മാ​സ്‌​ക്​ ധ​രി​ക്ക​ൽ, മാ​ളി​െൻറ എ​ല്ലാ കോ​ണു​ക​ളി​ലും സൈ​ൻ ബോ​ർ​ഡു​ക​ളും പോ​സ്​​റ്റ​റു​ക​ളും സ്ഥാ​പി​ക്ക​ൽ എ​ന്നീ ന​ട​പ​ടി​ക​ൾ ക​ർ​ശ​ന​മാ​യി ന​ട​പ്പാ​ക്കു​ന്ന​താ​യി അ​ൽ​ദാ​ർ പ്രോ​പ​ർ​ട്ടീ​സി​നു കീ​ഴി​ൽ പ്ര​വ​ർ​ത്തി​ക്കു​ന്ന റീ​ട്ടെ​യി​ൽ റി​യ​ൽ എ​സ്​​റ്റേ​റ്റ് ഡി​പ്പാ​ർ​ട്ട്മെൻറ്​ ഡ​യ​റ​ക്ട​ർ യാ​സ​ർ അ​ൽ മ​ർ​സൂ​ക്കി ചൂ​ണ്ടി​ക്കാ​ട്ടി. സ​ന്ദ​ർ​ശ​ക​രു​ടെ ശ​രീ​രോ​ഷ്​​മാ​വ്​ നി​ശ്ചി​ത അ​ള​വി​ൽ കൂ​ടി​യാ​ൽ ക​ൺ​ട്രോ​ൾ റൂ​മി​ൽ വി​വ​ര​മെ​ത്തും.

ഉ​യ​ർ​ന്ന താ​പ​നി​ല​യു​ള്ള​വ​രെ ക്വാ​റ​ൻ​റീ​ൻ ചെ​യ്യാ​നു​ള്ള മു​റി​യും യാ​സ് മാ​ളി​ൽ സ​ജ്ജീ​ക​രി​ച്ചി​ട്ടു​ണ്ട്. മെ​ഡി​ക്ക​ൽ ഓ​ഫി​സ​ർ​മാ​രു​ടെ അ​ടി​യ​ന്ത​ര സേ​വ​ന​വും ഉ​റ​പ്പാ​ക്കും. ഓ​രോ 20 മി​നി​റ്റി​ലും അ​ൾ​ട്രാ​വ​യ​ല​റ്റ് ര​ശ്മി​ക​ൾ ഉ​പ​യോ​ഗി​ച്ച് എ​സ്‌​ക​ലേ​റ്റ​റു​ക​ൾ അ​ണു​വി​മു​ക്ത​മാ​ക്കു​ന്നു. ഓ​രോ ര​ണ്ടാ​ഴ്ച കൂ​ടു​മ്പോ​ഴും മാ​ൾ ജീ​വ​ന​ക്കാ​ർ​ക്ക് കോ​വി​ഡ് പ​രി​ശോ​ധ​ന ന​ട​ത്താ​റു​ണ്ടെ​ന്നും അ​ൽ മ​ർ​സൂ​ക്കി വ്യ​ക്ത​മാ​ക്കി. യാ​സ് മാ​ളി​ൽ ര​ണ്ടു സു​ര​ക്ഷ റോ​ബോ​ട്ടു​ക​ൾ സു​ര​ക്ഷ ന​ട​പ​ടി​ക​ൾ​ക്കാ​യി വി​ന്യ​സി​ച്ചി​ട്ടു​ണ്ടെ​ന്ന് സെ​ക്യൂ​രി​റ്റി സ​ർ​വി​സ​സ് ഡ​യ​റ​ക്ട​ർ സ​യീ​ദ് അ​ൽ അ​ലി ചൂ​ണ്ടി​ക്കാ​ട്ടി.