ട്രാഫിക് നിർദേശങ്ങൾ മലയാളത്തിൽ പങ്കുവെച്ച് അബൂദബി പൊലീസ്
text_fieldsഅബൂദബി പൊലീസ് എക്സിൽ മലയാളത്തിൽ പങ്കുവെച്ച
ട്രാഫിക് നിർദേശങ്ങൾ
അബൂദബി: സമൂഹമാധ്യമമായ എക്സിൽ ട്രാഫിക് നിർദേശങ്ങൾ മലയാളത്തിൽ പങ്കുവെച്ച് അബൂദബി പൊലീസ്. ഡ്രൈവർമാർ പതിവായി ചെയ്യേണ്ടതും സൂക്ഷിക്കേണ്ടതുമായ കാര്യങ്ങളെക്കുറിച്ചുള്ള എക്സ് വിഡിയോയിലാണ് അറബി, ഇംഗ്ലീഷ് ഭാഷകൾക്കുപുറമേ മലയാളത്തിലും നിർദേശങ്ങൾ നൽകുന്നത്.
അബൂദബിയിൽ ഏറെയുള്ള മലയാളികളെ കൂടി ലക്ഷ്യംവെച്ചാണ് ഈ വിഡിയോ പങ്കുവെച്ചിരിക്കുന്നത്. തേയ്മാനം സംഭവിച്ച ടയറുകളുടെ ഉപയോഗം റോഡ് ഉപയോക്താക്കളുടെ സുരക്ഷ അപകടത്തിലാക്കുന്നുവെന്നാണ് വിഡിയോയിൽ പറയുന്നത്.
കാറിന്റെ ടയറുകൾ കൃത്യമായ ഇടവേളകളിൽ പരിശോധിക്കുക, ടയറുകളിൽ വിള്ളലുകളോ അസാധാരണമായ വീക്കങ്ങളോ ഉണ്ടോയെന്ന് പരിശോധിക്കുക, ടയറുകളുടെ കാലാവധി പരിശോധിക്കുക എന്നിങ്ങനെയാണ് നിർദേശങ്ങൾ.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.