‘അബൂദബി നിങ്ങളുടെ കണ്ണിലൂടെ’ മത്സരം: എൻട്രികൾ 13 വരെ സമർപ്പിക്കാം

അബൂദബി: അബൂദബി നിങ്ങളുടെ കണ്ണിലൂടെ (Abu Dhabi Through Your Eyes) എന്ന പേരിൽ സംഘടിപ്പിക്കുന്ന മത്സരത്തിലേക്കുള്ള എൻട്രികൾ സമർപ്പിക്കാനുളള അവസാന തീയതി മെയ്​ 13​. അബൂദബിയിലൂടെ രാജ്യാന്വേഷണ സഞ്ചാരം നടത്താനും സ്വന്തം വീക്ഷണകോണിലൂടെ എമിറേറ്റിനെ അടയാളപ്പെടുത്താനും അവസരം നൽകുക എന്ന ലക്ഷ്യത്തോടെയാണ്​ മത്സരം. ഫോ​േട്ടാഗ്രാഫ്​, ഹ്രസ്വ ചലച്ചിത്രം, കല^എഴുത്ത്​ എന്നീ വിഭാഗങ്ങളിൽ മത്സരം നടക്കും. മൊത്തം ആറ്​ ലക്ഷം ദിർഹമാണ്​ സമ്മാനത്തുക. ഹ്രസ്വ ചലച്ചിത്രം, കല^എഴുത്ത്​ വിഭാഗങ്ങൾ പുതുതായി തുടങ്ങിയതാണ്​. ഇതിൽ കല^എഴുത്ത് വിഭാഗത്തിൽ വിദ്യാർഥികൾക്ക്​ മാത്രമേ പ​െങ്കടുക്കാൻ അവസരമുള്ളൂ.

മത്സരത്തി​​​െൻറ ഒൗദ്യോഗിക വെബ്​സൈറ്റ്​ (www.ourabudhabi.ae) വഴി  ഒാൺലൈനായാണ്​ എൻട്രികൾ സമർപ്പിക്കേണ്ടത്​. സ്വദേശികൾ, പ്രവാസികൾ, സന്ദർശകർ തുടങ്ങിയവർക്കൊക്കെ മത്സരത്തിൽ പ​െങ്കടുക്കാം. എൻട്രികൾ നേരത്തെ പ്രസിദ്ധീകരിക്കാത്തതും അബൂദബി നഗരം, അൽ​െഎൻ, ദഫ്​റ എന്നിവ ഉൾപ്പെട്ട അബൂദബി എമിറേറ്റിനെ കുറിച്ചുള്ളതും ആയിരിക്കണം. 2018 സെപ്​റ്റംബറിൽ നടക്കുന്ന ചടങ്ങിൽ വിജയികളെ പ്രഖ്യാപിക്കും. സമ്മാനം നേടിയതും ചുരുക്കപ്പട്ടികയിൽ ഉൾപ്പെടുത്തിയതുമായി സൃഷ്​ടികൾ അബൂദബിയുടെ പ്രമോഷനൽ കാമ്പയിനിൽ ഉപയോഗിക്കും.