സു​ര​ക്ഷ സൂ​ചി​ക​യി​ൽ അ​ബൂ​ദ​ബി ആ​ഗോ​ള​ത​ല​ത്തി​ൽ ഒ​ന്നാ​മ​ത്​

അ​ബൂ​ദ​ബി: ആ​ഗോ​ള​ത​ല​ത്തി​ൽ ഏ​റ്റ​വും സു​ര​ക്ഷി​ത ന​ഗ​ര​മെ​ന്ന പ​ദ​വി​യി​ൽ അ​ബൂ​ദ​ബി. ‘ന്യൂം​ബി​യോ’ വെ​ബ്​​സൈ​റ്റ്​ ത​യാ​റാ​ക്കി​യ ‘ക്രൈം ​ആ​ൻ​ഡ്​ സേ​ഫ്​​റ്റി സൂ​ചി​ക’ പ്ര​കാ​ര​മാ​ണ്​ അ​ബൂ​ദ​ബി നേ​ട്ടം കൈ​വ​രി​ച്ച​ത്. സു​ര​ക്ഷ സൂ​ചി​ക​യി​ൽ 88.2പോ​യ​ന്‍റ്​ എ​ന്ന മി​ക​ച്ച നി​ല​വാ​രം പു​ല​ർ​ത്തി​യ​പ്പോ​ൾ കു​റ്റ​കൃ​ത്യ സൂ​ചി​ക 11.8 പോ​യ​ന്‍റ്​ എ​ന്ന ഏ​റ്റ​വും കു​റ​ഞ്ഞ നി​ര​ക്കി​ൽ നി​ല​നി​ർ​ത്താ​നും എ​മി​റേ​റ്റി​ന്​ സാ​ധി​ച്ചു.

പ​ട്ടി​ക​യി​ൽ അ​ഞ്ചാം സ്ഥാ​ന​മാ​ണ്​ ദു​ബൈ​ക്കു​ള്ള​ത്. അ​ബൂ​ദ​ബി​യും ദു​ബൈ​യും ​മി​ഡി​ലീ​സ്റ്റ്, ആ​ഫ്രി​ക്ക മേ​ഖ​ല​യി​ലെ ഏ​റ്റ​വും ജീ​വി​ക്കാ​ൻ അ​നു​യോ​ജ്യ​മാ​യ പ​ട്ട​ണ​ങ്ങ​ളി​ൽ ആ​ദ്യ പ​ദ​വി​യി​ലാ​ണെ​ന്ന്​ ഇ​ക്ക​ണോ​മി​സ്റ്റ്​ ഇ​ൻ​റ​ലി​ജ​ൻ​സ്​ യൂ​നി​റ്റി​ന്‍റെ 2024ലെ ​ഗ്ലോ​ബ​ൽ ലി​വ​ബി​ലി​റ്റി സൂ​ചി​ക വ്യ​ക്ത​മാ​ക്കി​യി​രു​ന്നു.

ആ​രോ​ഗ്യ, വി​ദ്യാ​ഭ്യാ​സ മേ​ഖ​ല​യി​ൽ നേ​ടി​യ മു​ന്നേ​റ്റ​മാ​ണ്​ നേ​ട്ട​ത്തി​ന്​ സ​ഹാ​യി​ച്ച​ത്.ദു​ബൈ ഹെ​ൽ​ത്ത് അ​തോ​റി​റ്റി​യു​ടെ റി​പ്പോ​ർ​ട്ടി​ലെ വി​വ​ര​ങ്ങ​ൾ പ്ര​കാ​രം​ 2024ന്‍റെ ആ​ദ്യ പാ​ദ​ത്തി​ൽ എ​മി​റേ​റ്റി​ലെ മൊ​ത്തം ലൈ​സ​ൻ​സു​ള്ള​തും പ്ര​വ​ർ​ത്ത​ന ക്ഷ​മ​വു​മാ​യ ആ​രോ​ഗ്യ പ​രി​ര​ക്ഷാ സൗ​ക​ര്യ​ങ്ങ​ളു​ടെ എ​ണ്ണം 5,020 ആ​യി ഉ​യ​ർ​ന്നി​ട്ടു​ണ്ട്. ലൈ​സ​ൻ​സു​ള്ള ഡോ​ക്ട​ർ​മാ​രു​ടെ എ​ണ്ണം ആ​കെ 13,370 ആ​യി​ട്ടു​മു​ണ്ട്.

അ​തേ​സ​മ​യം, അ​ബൂ​ദ​ബി​യി​ൽ ഇ​തേ കാ​ല​യ​ള​വി​ൽ 67 ആ​ശു​പ​ത്രി​ക​ൾ, 1,136 ആ​രോ​ഗ്യ കേ​ന്ദ്ര​ങ്ങ​ൾ, 765 ക്ലി​നി​ക്കു​ക​ൾ, 1,068 ഫാ​ർ​മ​സി​ക​ൾ, കൂ​ടാ​തെ 287 മ​റ്റ് സൗ​ക​ര്യ​ങ്ങ​ൾ എ​ന്നി​വ ഉ​ൾ​പ്പെ​ടെ ആ​രോ​ഗ്യ പ​രി​ര​ക്ഷ സ്ഥാ​പ​ന​ങ്ങ​ളു​ടെ എ​ണ്ണം 3,323 ആ​യി. 2022 അ​വ​സാ​ന​ത്തോ​ടെ അ​ബൂ​ദ​ബി​യി​ൽ ലൈ​സ​ൻ​സു​ള്ള ഡോ​ക്ട​ർ​മാ​രു​ടെ എ​ണ്ണം 12,922 ആ​ണ്. 2023-24 അ​ധ്യ​യ​ന വ​ർ​ഷ​ത്തി​ൽ സ്വ​കാ​ര്യ, പൊ​തു, മി​ക്സ​ഡ് സ്കൂ​ളു​ക​ൾ ഉ​ൾ​പ്പെ​ടെ അ​ബൂ​ദ​ബി​യി​ൽ 459 സ്കൂ​ളു​ക​ളു​ണ്ട്. ദു​ബൈ​യി​ൽ സ്വ​കാ​ര്യ സ്കൂ​ളു​ക​ളു​ടെ എ​ണ്ണം 220 ആ​ണ്.

ഈ ​മേ​ഖ​ല​യി​ലെ മി​ക​ച്ച പ​ത്ത് ന​ഗ​ര​ങ്ങ​ളി​ൽ എ​ട്ടെ​ണ്ണം ഗ​ൾ​ഫ് രാ​ജ്യ​ങ്ങ​ളി​ലാ​ണ്. അ​വ​യി​ൽ കു​വൈ​ത്ത് സി​റ്റി, ദോ​ഹ, ബ​ഹ്‌​റൈ​ൻ എ​ന്നി​വ യ​ഥാ​ക്ര​മം മൂ​ന്നും നാ​ലും അ​ഞ്ചും സ്ഥാ​ന​ങ്ങ​ളി​ലാ​ണ്. ആ​ഗോ​ള​സൂ​ചി​ക​യി​ൽ 173 ന​ഗ​ര​ങ്ങ​ളെ അ​ഞ്ച് വി​ഭാ​ഗ​ങ്ങ​ളി​ലാ​യാ​ണ്​ ത​രം​തി​രി​ച്ചി​ട്ടു​ള്ള​ത്. സ്ഥി​ര​ത, ആ​രോ​ഗ്യ സം​ര​ക്ഷ​ണം, സം​സ്കാ​ര​വും പ​രി​സ്ഥി​തി​യും, വി​ദ്യാ​ഭ്യാ​സം, അ​ടി​സ്ഥാ​ന സൗ​ക​ര്യ​ങ്ങ​ൾ എ​ന്നി​ങ്ങ​നെ വ്യ​ത്യ​സ്ത സൂ​ചി​ക​ക​ളെ അ​ടി​സ്ഥാ​ന​മാ​ക്കി​യാ​ണ്​ ന​ഗ​ര​ങ്ങ​ളെ പ​ട്ടി​ക തി​രി​ച്ചി​രി​ക്കു​ന്ന​ത്.