ക​ട​ലോ​ര​ത്ത് പാ​മ്പു​ണ്ട്; സൂ​ക്ഷി​ക്ക​ണം

അ​ബൂ​ദ​ബി: മേ​ഖ​ല​യി​ലെ ബീ​ച്ചു​ക​ളി​ല്‍ എ​ത്തു​ന്ന​വ​ര്‍ ക​ട​ല്‍പാ​മ്പു​ക​ളു​ടെ സാ​ന്നി​ധ്യം ശ്ര​ദ്ധി​ക്ക​ണ​മെ​ന്നും ജാ​ഗ്ര​ത പാ​ലി​ക്ക​ണ​മെ​ന്നും അ​ബൂ​ദ​ബി പ​രി​സ്ഥി​തി ഏ​ജ​ന്‍സി അ​റി​യി​ച്ചു. ക​ട​ൽ​പാ​മ്പു​ക​ളെ ക​ണ്ടാ​ല്‍ സു​ര​ക്ഷി​ത​മാ​യ അ​ക​ലം പാ​ലി​ക്ക​ണം. ക​ടി​ക്കാ​നി​ട​യാ​യാ​ല്‍ അ​ടി​യ​ന്ത​ര​മാ​യി ആ​ശു​പ​ത്രി​യി​ല്‍ എ​ത്തി ചി​കി​ത്സ തേ​ട​ണ​മെ​ന്നും ആ​വ​ശ്യ​പ്പെ​ട്ടു. ത​ണു​ത്ത കാ​ലാ​വ​സ്ഥ​യി​ല്‍ ഭ​ക്ഷ​ണ​ത്തി​നും പ്ര​ത്യു​ല്‍പാ​ദ​ന​ത്തി​നു​മാ​യി ക​ട​ല്‍ പാ​മ്പു​ക​ള്‍ അ​ബൂ​ദ​ബി​യി​ലെ തീ​ര​ങ്ങ​ളി​ല്‍ എ​ത്താ​റു​ണ്ട്. സാ​ധാ​ര​ണ ഇ​വ ആ​ക്ര​മ​ണ​കാ​രി​ക​ള​ല്ല. അ​പൂ​ര്‍വ​മാ​യേ ആ​ക്ര​മി​ക്കു​ക​യോ ക​ടി​ക്കു​ക​യോ ചെ​യ്യു​ക​യു​ള്ളൂ. എ​ന്നി​രു​ന്നാ​ലും അ​ക​ലം പാ​ലി​ക്ക​ണം. മ​ണ​ല്‍പ​ര​പ്പി​ല്‍ ഇ​വ​യെ ക​ണ്ടാ​ല്‍ ശ​ല്യ​പ്പെ​ടു​ത്തു​ക​യോ ഉ​പ​ദ്ര​വി​ക്കു​ക​യോ ചെ​യ്യ​രു​ത്. ക​ട​ലി​ലേ​ക്ക് മ​ട​ങ്ങാ​നു​ള്ള സാ​വ​കാ​ശം ന​ല്‍കി അ​ക​ലം പാ​ലി​ക്കു​ക​യാ​ണ് അ​ഭി​കാ​മ്യം.

ലോ​ക​ത്തെ അ​റി​യ​പ്പെ​ടു​ന്ന 70ഓ​ളം ക​ട​ല്‍ പാ​മ്പു​ക​ളി​ല്‍ ചി​ല​ത് മാ​ത്ര​മെ യു.​എ.​ഇ ജ​ലാ​ശ​യ​ങ്ങ​ളി​ല്‍ വ​സി​ക്കു​ന്നു​ള്ളൂ. ര​ണ്ടു​മീ​റ്റ​ര്‍ വ​രെ നീ​ളം വ​ള​രു​ന്ന ഇ​വ ആ​ഴം കു​റ​ഞ്ഞ വെ​ള്ള​ത്തി​ലും പ​വി​ഴ​പ്പു​റ്റു​ക​ളി​ലും ബീ​ച്ചു​ക​ളി​ലും കാ​ണ​പ്പെ​ടു​ന്നു. സാ​ദി​യാ​ത്ത് ദ്വീ​പും അ​ബൂ​ദ​ബി കോ​ര്‍ണി​ഷി​ലു​മാ​ണ് ഇ​വ​യെ കൂ​ടു​ത​ലാ​യി കാ​ണു​ന്ന​ത്. അ​റേ​ബ്യ​ന്‍ ഗ​ള്‍ഫ് ക​ട​ൽ​പാ​മ്പ്, മ​ഞ്ഞ വ​യ​റു​ള്ള ക​ട​ൽ​പാ​മ്പ്, റീ​ഫ് ക​ട​ൽ​പാ​മ്പ് എ​ന്നി​വ​യാ​ണ് യു.​എ.​ഇ​യി​ലെ ഏ​റ്റ​വും സാ​ധാ​ര​ണ​മാ​യ ക​ട​ൽ​പാ​മ്പു​ക​ള്‍. താ​പ​നി​ല കു​റ​ഞ്ഞ​തി​നാ​ല്‍ കൂ​ടു​ത​ല്‍ താ​മ​സ​ക്കാ​ര്‍ ബീ​ച്ചു​ക​ളി​ലേ​ക്കും വ​രു​ന്നു​ണ്ട്. അ​തി​നാ​ലാ​ണ് ജാ​ഗ്ര​ത നി​ർ​ദേ​ശം ന​ൽ​കി​യ​ത്. അ​ബൂ​ദ​ബി​യി​ലെ പ​ല ബീ​ച്ചു​ക​ളി​ലും ബോ​ഗ്നി അ​ട​ക്ക​മു​ള്ള ക​ട​ൽ​പാ​മ്പു​ക​ളെ ക​ണ്ടു​വ​രാ​റു​ണ്ട്. താ​പ​നി​ല​യി​ല്‍ ഏ​റ്റ​ക്കു​റ​ച്ചി​ലു​ക​ള്‍ ഉ​ണ്ടാ​വു​മ്പോ​ള്‍ ക​ട​ല്‍ പാ​മ്പു​ക​ള്‍ മ​ണ​ലി​ലും ആ​ഴ​മി​ല്ലാ​ത്ത ഭാ​ഗ​ങ്ങ​ളി​ലും എ​ത്തു​ന്ന​ത് സാ​ധാ​ര​ണ​മാ​ണ്.

ക​ട​ൽ​പാ​മ്പി​നെ ക​ണ്ടാ​ൽ..

ബീ​ച്ചി​ല്‍ ക​ട​ല്‍പാ​മ്പി​നെ തൊ​ടു​ക​യോ പി​ടി​ക്കു​ക​യോ ചെ​യ്യ​രു​ത്​

സു​ര​ക്ഷി​ത​ത്വം ഉ​റ​പ്പാ​ക്കാ​ന്‍ സു​ര​ക്ഷി​ത​മാ​യ അ​ക​ലം പാ​ലി​ക്കു​ക

ക​ടി​യേ​റ്റാ​ല്‍ ര​ക്തം ക​ട്ട​പി​ടി​ക്കു​ന്ന​തി​നും നാ​ഡീ​വ്യ​വ​സ്ഥ ത​ക​രാ​റി​ലാ​ക്കു​ന്ന​തി​നും കാ​ര​ണ​മാ​കും. അ​തി​നാ​ൽ ഉ​ട​ന്‍ ഡോ​ക്ട​റെ സ​മീ​പി​ക്ക​ണം.

പാ​മ്പ്​ ക​ടി​യേ​റ്റാ​ൽ സൈ​റ്റ് മാ​നേ​ജ​റി​നെ അ​റി​യി​ക്കു​ക​യോ അ​ബൂ​ദ​ബി സ​ര്‍ക്കാ​ര്‍ ന​മ്പ​റാ​യ 800555 ല്‍ ​ബ​ന്ധ​പ്പെ​ടു​ക​യോ വേ​ണം.