പ്ലാസ്റ്റിക്​ വിരുദ്ധ നടപടിയുമായി അബൂദബി

അ​ബൂ​ദ​ബി: റീ​സൈ​ക്ലി​ങ്ങി​നാ​യി ഒ​രു​വ​ർ​ഷം ര​ണ്ടു കോ​ടി ഒ​റ്റ​ത്ത​വ​ണ ഉ​പ​യോ​​ഗ പ്ലാ​സ്റ്റി​ക് കു​പ്പി​ക​ൾ ശേ​ഖ​രി​ക്കു​ക​യെ​ന്ന ല​ക്ഷ്യ​വു​മാ​യി അ​ബൂ​ദ​ബി പ​രി​സ്ഥി​തി ഏ​ജ​ൻ​സി. ഇ​തി​നാ​യി കോ​ർ​ണി​ഷ്, അ​ബൂ​ദ​ബി വി​മാ​ന​ത്താ​വ​ളം, കാ​യി​ക​കേ​ന്ദ്ര​ങ്ങ​ൾ, മാ​ളു​ക​ൾ, വി​ദ്യാ​ഭ്യാ​സ സ്ഥാ​പ​ന​ങ്ങ​ൾ തു​ട​ങ്ങി എ​മി​റേ​റ്റി​ലെ സു​പ്ര​ധാ​ന കേ​ന്ദ്ര​ങ്ങ​ളി​ലാ​യി 70 റി​വേ​ഴ്സ് വെ​ൻ​ഡി​ങ് മെ​ഷീ​നു​ക​ളും 26 സ്മാ​ർ​ട്ട് ബി​ന്നു​ക​ളും സ്ഥാ​പി​ക്കും.

പ്ലാ​സ്റ്റി​ക്മു​ക്ത, മാ​ലി​ന്യ​മു​ക്ത, മ​ലി​നീ​ക​ര​ണ​മു​ക്ത ല​ക്ഷ്യ​ത്തി​ന്‍റെ ഭാ​​ഗ​മാ​യാ​ണ് പ​രി​സ്ഥി​തി ഏ​ജ​ൻ​സി വി​വി​ധ സ്ഥാ​പ​ന​ങ്ങ​ളു​മാ​യി സ​ഹ​ക​രി​ച്ച് ഇ​ത്ത​ര​മൊ​രു പ​രി​പാ​ടി ന​ട​ത്തു​ന്ന​ത്. പ​ദ്ധ​തി​യു​ടെ അ​വ​ത​ര​ണ വേ​ദി​യി​ൽ പ​രി​സ്ഥി​തി ഏ​ജ​ൻ​സി സെ​ക്ര​ട്ട​റി ജ​ന​റ​ൽ ഡോ. ​ശൈ​ഖ സാ​ലിം അ​ൽ ധാ​ഹി​രി​ക്കൊ​പ്പം പ​ദ്ധ​തി​യി​ൽ പ​ങ്കാ​ളി​ക​ളാ​യ അ​ഡ്നോ​ക് ഡി​സ്ട്രി​ബ്യൂ​ഷ​ൻ, അ​ബൂ​ദ​ബി കോ​ഓ​പ​റേ​റ്റി​വ് സൊ​സൈ​റ്റി, അ​ൽ​ദാ​ർ, കെ​യ​ർ​ഫോ​ർ, ചോ​യി​ത്രം​സ്, ഡി​​ഗ്രേ​ഡ് ലു​ലു, ന​ദീ​റ തു​ട​ങ്ങി​യ സ്ഥാ​പ​ന​ങ്ങ​ളി​ലെ പ്ര​തി​നി​ധി​ക​ളും സം​ബ​ന്ധി​ച്ചു.

പ്ലാ​സ്റ്റി​ക് ഉ​പ​യോ​​ഗ​ത്തി​ലൂ​ടെ പ​രി​സ്ഥി​തി​ക്കും ജീ​വ​ജാ​ല​ങ്ങ​ൾ​ക്കും ഉ​ണ്ടാ​കു​ന്ന പ​രി​ണി​ത​ഫ​ല​ങ്ങ​ൾ തി​രി​ച്ച​റി​ഞ്ഞാ​ണ് 2020ൽ ​അ​ബൂ​ദ​ബി ഒ​റ്റ​ത്ത​വ​ണ ഉ​പ​യോ​​ഗ പ്ലാ​സ്റ്റി​ക് ന​യം കൊ​ണ്ടു​വ​ന്ന​തെ​ന്ന് ഡോ. ​ശൈ​ഖ വ്യ​ക്ത​മാ​ക്കി. ഈ ​ന​യ​ത്തി​ന്‍റെ ഭാ​​ഗ​മാ​യാ​ണ് ഇ​പ്പോ​ൾ റി​വേ​ഴ്സ് വെ​ൻ​ഡി​ങ് മെ​ഷീ​നു​ക​ളും സ്മാ​ർ​ട്ട് ബി​ന്നു​ക​ളും സ്ഥാ​പി​ക്കു​ന്ന​ത്. ഇ​വ​യി​ൽ പ്ലാ​സ്റ്റി​ക് ബോ​ട്ടി​ലു​ക​ളും അ​ലു​മി​നി​യം കാ​നു​ക​ളും നി​ക്ഷേ​പി​ക്കു​ന്ന​തി​ലൂ​ടെ പാ​രി​തോ​ഷി​ക​വും ല​ഭി​ക്കും.