അബൂദബി പൊലീസിന്​ പുതിയ മോ​േട്ടാർ ബൈക്ക്​ ആംബുലൻസ്​

അബൂദബി: അബൂദബി പൊലീസ്​ പത്ത്​ മോ​േട്ടാർ ബൈക്ക്​ ആംബുലൻസ്​ പുറത്തിറക്കി. ഒാഫ്​ റോഡ്​ ബൈക്കുകളായ ഇവയിൽ അത്യാധുനിക ചികിത്സാ ഉപകരണങ്ങളും ഹൈഡ്രോളിക്​ സാ​േങ്കതികവിദ്യയും അഗ്​നിശമന സംവിധാനങ്ങളും ഉൾക്കൊള്ളുന്നുവെന്ന്​ അബൂദബി പൊലീസ്​ കമാൻഡർ ഇൻ ചീഫ്​ മേജർ ജനറൽ മുഹമ്മദ്​ ഖൽഫാൻ ആൽ റുമൈതി അറിയിച്ചു. 

സായുധ സേന ​ഒാഫിസേഴ്​സ്​ ക്ലബിലാണ്​ മോ​േട്ടാർ ബൈക്ക്​ ആംബുലൻസുകൾ പ്രകാശനം ചെയ്​തത്​. പൊതുജനങ്ങളുടെ ആത്​മവിശ്വാസം വർധിപ്പിക്കാനും അവർക്ക്​ ഉന്നത നിലവാരത്തിലുള്ള സേവനം ലഭ്യമാക്കാനും അബൂദബി പൊലീസ്​ നടത്തുന്ന തുടർച്ചയായ പ്രയത്​നങ്ങളുടെ ഭാഗമായാണ്​ മോ​േട്ടാർ ബൈക്ക്​ ആംബുലൻസുകൾ പുറത്തിറക്കിയതെന്ന്​ അബൂദബി പൊലീസ്​ സെൻ​ട്രൽ ഒാപറേഷൻസ്​ സെക്​ടർ ഡയറക്​ടർ ബ്രിഗേഡിയർ ജനറൽ അലി ഖൽഫാൽ ആൽ ദാഹേരി പറഞ്ഞു. അടിയന്തരഘട്ടങ്ങളിലെ വെല്ലുവിളി നേരിടാൻ സഹായിക്കുന്ന ഗുണ​േമന്മയുള്ള വാഹനങ്ങൾ ഉപയോഗിക്കുന്നതിൽ അബൂദബി പൊലീസ്​ എന്നും മുമ്പന്തിയിലുണ്ടെന്നും അദ്ദേഹം വ്യക്​തമാക്കി.