അബൂദബി പൊലീസി​െൻറ സ്​മാർട്ട്​ ആപ്പ്​ വഴി നടത്തിയത്​ 13 ലക്ഷം ഇടപാടുകൾ

അബൂദബി: കഴിഞ്ഞ വർഷം അബൂദബി പൊലീസ്​ 1,291,064 ഇടപാടുകൾ സ്​മാർട്ട്​ ആപ്ലിക്കേഷനുകൾ മുഖേന നടത്തി. മൊത്തം 3,425,959 ഇടപാടുകളാണ്​ കഴിഞ്ഞ വർഷം നടത്തിയത്​. ബാക്കി 2,134,895 ഇടപാടുകൾ കസ്​റ്റമർ ഹാപ്പിനസ്​ കേന്ദ്രങ്ങൾ വഴിയാണ്​ പൂർത്തീകരിച്ചത്​.കസ്​റ്റമർ ഹാപ്പിനസ്​ കേന്ദ്രങ്ങളിൽ പോകാതെ തന്നെ പൊലീസി​​​െൻറ വെബ്​സൈറ്റിലെ സ്​മാർട്ട്​ സേവനങ്ങളും സ്​മാർട്ട്​ ഫോൺ ആപ്ലി​ക്കേഷനുകളും ഉപയോഗിച്ച്​ സേവനം നേടുന്നതിനുള്ള സൗകര്യം ഉപഭോക്​താക്കൾ പരമാവധി ഉപയോഗപ്പെടുത്തണമെന്ന്​ അബൂദബി പൊലീസിലെ വാഹന-ഡ്രൈവർ ലൈസൻസ്​ ഡയറക്​ടർ ബ്രിഗേഡിയർ ഇബ്രാഹീം നാസർ ആൽ ശംസി പറഞ്ഞു. ഷോറൂമുകളും ഏജൻസികളും മുഖേന പുതിയ വാഹനങ്ങൾ രജിസ്​റ്റർ ചെയ്യുക, വാഹന രജിസ്​ട്രേഷൻ പുതുക്കുക, സർട്ടിഫിക്കറ്റുകൾ നഷ്​ടപ്പെട്ട കാര്യം രേഖപ്പെടുത്തുക തുടങ്ങിയവ പൊലീസി​​​െൻറ വാഹന സേവനത്തിൽ ലഭ്യമാണ്​.

സ്​മാർട്ട്​ സേവനങ്ങൾ ഉപയോഗപ്പെടുത്തുന്നതിനുള്ള ഉപഭോക്​താക്കളുടെ താൽപര്യമാണ്​ വർധിച്ച ഇ^ട്രാൻസാക്​ഷനുകൾ കാണിക്കുന്നത്​. 
സേവന കേന്ദ്രങ്ങളിൽ പോകാതെ തന്നെ അബൂദബി പൊലീസി​​​െൻറ വെബ്​സൈറ്റ്​ വഴി നിരവധി സേവനങ്ങൾ ഉപഭോക്​താക്കൾക്ക്​ ലഭിക്കും. വെബ്​സൈറ്റിൽ രജിസ്​റ്റർ ചെയ്​ത ശേഷം ​ഉപഭോക്​താക്കൾക്ക്​ സ്വന്തം പ്രൊഫൈൽ കാണാനും ജോലി, വീട്ടുവിലാസം, ഫോൺ നമ്പർ തുടങ്ങിയവ അപ്​ഡേറ്റ്​ ചെയ്യാനും സാധിക്കും. ഗതാഗത പിഴകൾ ക്രെഡിറ്റ്​ കാർഡ്​ ഉപയോഗിച്ച്​ സുരക്ഷിതമായി അടക്കാം. വാഹനത്തി​​​െൻറ ടയറുകൾ യഥാസമയം മാറ്റുന്നത്​ ഉൾപ്പെടെയുള്ള കാര്യങ്ങളിൽ വെബ്​സൈറ്റ്​ വഴി ബോധവത്​കരണം നടത്തുന്നുണ്ടെന്നും ഇബ്രാഹീം നാസർ ആൽ ശംസി അറിയിച്ചു.