ഏപ്രിൽ മാസം  ‘മുത്തുവാരലിന്​’ സമർപ്പിച്ച്​ അൽ​െഎൻ മ്യൂസിയം

അബൂദബി: യു.എ.ഇയുടെ ചരിത്രത്തിൽ ഏറെ പ്രാധാന്യമുള്ള മുത്തുവാരൽ ബിസിനസിന്​ ഏപ്രിൽ മാസം സമർപ്പിക്കുന്നതായി അൽ​െഎൻ നാഷനൽ മ്യൂസിയം പ്രഖ്യാപിച്ചു. അൽ​െഎൻ സാംസ്​കാരിക പരിപാടിയുടെ ഭാഗമായാണ്​ ഇത്​. മുത്തുകൾ അളക്കാൻ ഉപയോഗിച്ചിരുന്ന അൽതൂസ്​ എന്ന ഉപകരണങ്ങളുടെ പ്രദർശനത്തിൽ ഏപ്രിലിൽ പ്രത്യേക ശ്രദ്ധ നൽകും.

വ്യത്യസ്​ത വലിപ്പത്തിലെ ദ്വാരങ്ങളുള്ള പാത്രങ്ങളുടെ രൂപത്തിലുള്ള അഞ്ച്​ മുതൽ ഏഴ്​ വരെയുള്ള അളവ്​ ഉപകരണങ്ങളുടെ കൂട്ടമാണ്​ അൽതൂസ്​. മുത്തുകളുടെ വലിപ്പം, ആകൃതി, നിറം എന്നിവ അടിസ്​ഥാനമാക്കി വ്യാപാരികൾ മുത്തുകൾ അളക്കാനും തൂക്കാനും ഉപയോഗിച്ചിരുന്ന ഉപകരണമായിരുന്നു ഇത്​. മ്യൂസിയത്തിൽ പ്രദർശിപ്പിച്ചിട്ടുള്ള രാജ്യത്തി​​​െൻറ പൈതൃക വസ്​തുക്കളുടെ പ്രാധാന്യത്തെ കുറിച്ച്​ കുട്ടികൾക്ക്​ അറിവ്​ പകരാൻ ശിൽപശാലകളും സംഘടിപ്പിക്കും. രാവിലെ പത്ത്​ മുതൽ നടക്കുന്ന ശിൽപശാലയിൽ പത്ത്​ വയസ്സിന്​ മുകളിലുള്ള കുട്ടികൾക്ക്​ പ​െങ്കടുക്കാം.