നിർഭയത്വം ആസ്വദിക്കുന്ന രാജ്യമാണ്​ യു.എ.ഇയെന്ന്​ അ​ന്താ​രാ​ഷ്​​ട്ര പ​ഠ​നം

ദു​ബൈ: സ്​​ത്രീ​ക​ളും കു​ട്ടി​ക​ളു​മ​ട​ക്കം ജ​ന​ത​യൊ​ന്നാ​കെ സു​ര​ക്ഷി​ത​ത്വം അ​നു​ഭ​വി​ക്കു​ന്ന നാ​ടാ​ണ്​ യു.​എ.​ഇ​യെ​ന്ന്​ വീ​ണ്ടും അ​ന്താ​രാ​ഷ്​​ട്ര പ​ഠ​ന​ങ്ങ​ളു​ടെ ക​ണ്ടെ​ത്ത​ൽ. ലോ​ക​ത്തെ ഏ​റ്റ​വും സു​​ര​ക്ഷി​ത രാ​ജ്യ​ങ്ങ​ളെ ക​ണ്ടെ​ത്താ​നു​ള്ള 'ഗാ​ല​പ്പി​'െ​ൻ​റ ഗ്ലോ​ബ​ൽ ലോ ​ആ​ൻ​ഡ്​ ഓ​ഡ​ർ റി​പ്പോ​ർ​ട്ടി​ലാ​ണ്​ അ​വ​സാ​ന​മാ​യി യു.​എ.​ഇ ഒ​ന്നാ​മ​തെ​ത്തി​യി​രി​ക്കു​ന്ന​ത്.

രാ​ജ്യ​ത്തെ 95ശ​ത​മാ​നം താ​മ​സ​ക്കാ​രും രാ​ത്രി​യി​ൽ ഒ​റ്റ​ക്ക്​ ന​ട​ക്കാ​ൻ മാ​ത്രം നി​ർ​ഭ​യ​ത്വം രാ​ജ്യ​ത്ത്​ ആ​സ്വ​ദി​ക്കു​ന്നു​ണ്ടെ​ന്ന​താ​ണ്​ സ​ർ​വെ​യി​ലെ സു​പ്ര​ധാ​ന ക​ണ്ടെ​ത്ത​ൽ. ലോ​ക​ത്തെ വ​ൻ​കി​ട രാ​ജ്യ​ങ്ങ​ളെ​യ​ട​ക്കം പി​ന്ത​ള്ളി​യാ​ണ്​ യു.​എ.​ഇ ഇ​ത്ത​ര​മൊ​രു നേ​ട്ട​ത്തി​ലേ​ക്ക്​ എ​ത്തി​യ​ത്. നേ​ര​ത്തെ ഗ്ലോ​ബ​ൽ ഫി​നാ​ൻ​സ്​ ത​യ്യാ​റാ​ക്കി​യ റി​പ്പോ​ർ​ട്ടി​ൽ ലോ​ക​ത്തെ ഏ​റ്റ​വും സു​ര​ക്ഷി​ത രാ​ജ്യ​ങ്ങ​ളി​ൽ യു.​എ.​ഇ​ക്ക്​ ര​ണ്ടാം സ്​​ഥാ​നം ല​ഭി​ച്ചി​രു​ന്നു. നാ​ലു​ചോ​ദ്യ​ങ്ങ​ൾ അ​ടി​സ്​​ഥാ​ന​മാ​ക്കി​യാ​ണ്​ 'ഗാ​ല​പ്​​' സ​ർ​വെ പൂ​ർ​ത്തി​യാ​ക്കി​യ​ത്.

പൊ​ലീ​സി​ലു​ള്ള വി​ശ്വാ​സം, രാ​ത്രി​യി​ൽ താ​മ​സി​ക്കു​ന്ന പ്ര​ദേ​ശ​ത്ത്​ കൂ​ടെ ന​ട​ക്കാ​നു​ള്ള നി​ർ​ഭ​യ​ത്വം, ക​ഴി​ഞ്ഞ ഒ​രു വ​ർ​ഷ​ത്തി​നി​ടെ മോ​ഷ​ണ​ത്തി​ന്​ ഇ​ര​യാ​യി​ട്ടു​ണ്ടോ, അ​തി​ക്ര​മ​ത്തി​ന്​ ഇ​ര​യാ​യോ എ​ന്നീ കാ​ര്യ​ങ്ങ​ളെ അ​ടി​സ്​​ഥാ​ന​മാ​ക്കി​യാ​ണ്​ റി​പ്പോ​ർ​ട്ടി​ൽ യു.​എ.​ഇ മു​ന്നി​ലെ​ത്തി​യ​ത്. തൊ​ട്ടു​പി​റ​കി​ലാ​യി നോ​ർ​വെ, ചൈ​ന, സ്ലൊ​വേ​നി​യ എ​ന്നീ രാ​ജ്യ​ങ്ങ​ളാ​ണ്​ ഇ​ടം പി​ടി​ച്ച​ത്. സ​ർ​വെ​യി​ൽ പ​​ങ്കെ​ടു​ത്ത 15വ​യ​സി​ന്​ മു​ക​ളി​ൽ പ്രാ​യ​മു​ള്ള സ്​​ത്രീ​ക​ളി​ൽ 98.5ശ​ത​മാ​നം പേ​രും രാ​ത്രി ഒ​റ്റ​ക്കു​ള്ള സ​ഞ്ചാ​ര​ത്തി​ന്​ സു​ര​ക്ഷി​ത​മാ​ണ്​ യു.​എ.​ഇ എ​ന്നാ​ണ്​ അ​ഭി​പ്രാ​യ​പ്പെ​ട്ട​ത്.

നേ​ര​ത്തെ ഗ്ലോ​ബ​ൽ ഫി​നാ​ൻ​സ്​ ത​യ്യാ​റാ​ക്കി​യ റി​പ്പോ​ർ​ട്ട്​ കോ​വി​ഡ്​ മ​ഹാ​മാ​രി​യെ നേ​രി​ടു​ന്ന​തി​ലും ജ​ന​ങ്ങ​ൾ​ക്ക്​ സു​ര​ക്ഷി​ത​ത്വം ന​ൽ​കു​ന്ന​തി​ലും രാ​ജ്യ​ങ്ങ​ൾ സ്വീ​ക​രി​ച്ച ന​ട​പ​ടി​ക​ളാ​ണ്​ പ്ര​ധാ​ന​മാ​യും റാ​ങ്കി​ങി​ന്​ പ​രി​ഗ​ണി​ച്ച​ത്. യു​ദ്ധം, വ്യ​ക്​​തി സു​ര​ക്ഷ, പ്ര​കൃ​തി ദു​ര​ന്തം എ​ന്നി​വ​യും 134രാ​ജ്യ​ങ്ങ​ളു​ടെ പ​ട്ടി​ക ത​യ്യാ​റാ​ക്കു​ന്ന​തി​െ​ൻ​റ മാ​ന​ദ​ണ്ഡ​മാ​യി​രു​ന്നു. കോ​വി​ഡ്​ മ​ര​ണ​ങ്ങ​ളു​ടെ ക​ണ​ക്ക്, വാ​ക്​​സി​ൻ സ്വീ​ക​രി​ച്ച​വ​രു​ടെ എ​ണ്ണം എ​ന്നി​വ​യും റാ​ങ്കി​ങി​ന്​ പ​രി​ഗ​ണി​ച്ചു. ഐ​സ്​​ല​ൻ​ഡ്​ ആ​ണ്​ പ​ട്ടി​ക​യി​ൽ ഒ​ന്നാ​മ​തെ​ത്തി​യി​രു​ന്ന​ത്​. തൊ​ട്ടു​പി​റ​കി​ലാ​യാ​ണ്​ യു.​എ.​ഇ സ്​​ഥാ​നം പി​ടി​ച്ച​ത്. ഖ​ത്ത​ർ മൂ​ന്നാ​മ​തും സിം​ഗ​പ്പൂ​ർ നാ​ലാം സ്​​ഥാ​ന​വും നേ​ടി.

ഗ​ൾ​ഫ്​ രാ​ജ്യ​ങ്ങ​ളി​ൽ ബ​ഹ്​​റൈ​ൻ 12ാം സ്​​ഥാ​ന​ത്തും കു​വൈ​ത്ത്​ 18ാമ​തും സൗ​ദി അ​റേ​ബ്യ 19ാമ​തും ഒ​മാ​ൻ 25ാമ​തു​മാ​ണ്. വി​ക​സി​ത രാ​ജ്യ​ങ്ങ​ളാ​ണ്​ സു​ര​ക്ഷി​ത​ത്വ പ​ട്ടി​ക​യി​ൽ മു​ന്നി​ലെ​ത്തി​യ​ത്.

ഇല്ല, പഴുതില്ല.. ഒരിടത്തും

ഒരിടത്തും പഴുത്​ അവശേഷിപ്പിക്കാതെയുള്ള സുരക്ഷാ സജ്ജീകരണങ്ങളാണ്​ യു.എ.ഇയെ ലോകത്തെ നിർഭയ രാജ്യമായി​ മാറ്റിയത്​. അടിയന്തിര ഘട്ടങ്ങളിൽ പൊലീസ്​ സഹായം തേടുന്നവർക്ക്​ ദുബൈയിൽ 1.55മിനിറ്റിനകം കൈതാങ്ങ്​ ലഭിക്കും. നേരത്തെ മൂന്ന്​ മിനിറ്റിലേറെ എടുത്തിരുന്ന സമയം എക്​സ്​പോ തുടങ്ങുന്ന പശ്​ചാത്തലത്തിൽ സൗകര്യങ്ങൾ ഇരട്ടിയാക്കി കുറച്ചെടുക്കയായിരുന്നു.

ഇതിന്​ പുറമെ, പൊതുയിടങ്ങളിലും റോഡിലും ബസിലും മെട്രോയിലും തുടങ്ങി എല്ലാ സ്​ഥലങ്ങളിലും കൃത്യമായ നിരീക്ഷണ സംവിധാനങ്ങളുള്ളതും നിർഭയത്വം പകരുന്നു. സൈബർ രംഗത്തെ നിരീക്ഷണവും എല്ലാ രൂപത്തിലുള്ള നിയമ ലംഘനങ്ങൾക്കും പിഴയും ശിക്ഷയും നൽകുന്നതും കുറ്റവാളികൾക്ക്​ പേടി സ്വപ്​നമാകുന്നു. വിവിധ എമിറേറ്റുകളിലെ സുരക്ഷ ചുമതലയുള്ള പൊലീസ്​ വിഭാഗങ്ങളുടെ സാ​ങ്കേതിക മികവ്​ ലോകോത്തരമാണ്​. ലോകത്തെ ജീവിക്കാൻ ഏറ്റവും മികച്ച നാടാക്കി ഇമാറാത്തിനെ മാറ്റിയെടുക്കുക എന്ന രാഷ്​ട്ര നേതാക്കളുടെ ആശയമാണ്​ സുരക്ഷിതത്വത്തിന്​ അടിസ്​ഥാനം.